Ескерту. Күші жойылды - Шығыс Қазақстан облысы Жарма аудандық мәслихатының 11.11.2021 № 9/114-VII шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6 бабының 1 тармағының 15) тармақшасына, Қазақстан Республикасының 2005 жылғы 8 шілдедегі "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Заңының 18 бабының 5 тармағына сәйкес, Жарма аудандық мәслихаты ШЕШІМ ҚАБЫЛДАДЫ:
1. Жарма ауданының ауылдық елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына көрсетілетін коммуналдық қызметтерге ақы төлеу және отын сатып алуға, алушылардан өтініштерін талап етпей, бюджет қаражаты есебінен (одан әрі – әлеуметтік қолдау) 11,197 (он бір бүтін мыңнан жүз тоқсан жеті) айлық есептік көрсеткіш мөлшерінде әлеуметтік қолдау көрсетілсін.
2. Әлеуметтік қолдау көрсетудің келесі тәртібі белгіленсін:
1) әлеуметтік қолдауды тағайындауды жергілікті атқарушы органдар бекіткен әлеуметтік қолдауды алуға құқылы лауазымдар тізіміне сәйкес, Жарма ауданының денсаулық сақтау, әлеуметтік қамсыздандыру, білім беру, мәдениет, спорт және ветеринария мемлекеттік ұйымдарының бірінші басшыларымен бекітілген, жинақ тізімі негізінде, уәкілетті орган – "Жарма ауданының жұмыспен қамту және әлеуметтік бағдарламалар бөлімі" мемлекеттік мекемесі жүзеге асырады;
2) әлеуметтік қолдау Жарма ауданы аумағындағы ауылдық елді мекендерде тұрақты тұратын және жұмыс істейтін тұлғаларға көрсетіледі;
3) әлеуметтік қолдау жылына бір рет "Қазпошта" акционерлік қоғамының бөлімшелері арқылы беріледі.
3. Әлеуметтік қолдау көрсетуден бас тарту негіздемелері:
1) Жарма ауданының шегінен тысқары ауылдық жерде тұру;
2) жергілікті атқарушы орган белгілеген әлеуметтік қолдау алу құқығы бар лауазымдар тізіліміне сәйкес келмеуі;
3) ағымдағы жылы әлеуметтік қолдау тағайындалған жағдайда, жыл бойы екінші рет жүгінуі.
4. Жарма аудандық мәслихатының 2018 жылғы 12 қыркүйектегі № 25/219-VI "Жарма ауданының ауылдық елді мекендерінде тұратын және жұмыс істейтін мемлекеттік ұйымдардың мамандарына әлеуметтік қолдау көрсету туралы" (нормативтік құқықтық актілерді мемлекеттік тіркеу Тізілімінде № 5-10-154 болып тіркелген, Қазақстан Республикасының нормативтік құқықтық актілердің электрондық түрдегі эталондық бақылау банкінде 2018 жылы 17 қазанында, "Қалба тынысы" газетінде 2018 жылы 19 қазанында жарияланған) шешімнің және Жарма аудандық мәслихатының 2019 жылғы 27 желтоқсандағы № 41/335-VI "Жарма аудандық мәслихатының 2018 жылғы 12 қыркүйектегі № 25/219-VI "Жарма ауданының ауылдық елді мекендерінде тұратын және жұмыс істейтін мемлекеттік ұйымдардың мамандарына әлеуметтік қолдау көрсету туралы" шешіміне өзгерістер енгізу туралы" (нормативтік құқықтық актілерді мемлекеттік тіркеу Тізілімінде № 6499 болып тіркелген, Қазақстан Республикасының нормативтік құқықтық актілердің электрондық түрдегі эталондық бақылау банкінде 2020 жылы 16 қантарында, "Қалба тынысы" газетінде 2020 жылы 24 қантарында жарияланған) шешімнің күштері жойылды деп танылсын.
5. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Сессия төрағасы | К. Догалбаев |
| Жарма аудандық мәслихатының хатшысы | А. Сахметжанова |
