"Мемлекеттік көрсетілетін қызметтер тізілімін жүргізу қағидаларын бекіту туралы" Қазақстан Республикасы Ұлттық экономика министрінің 2014 жылғы 20 қарашадағы № 98 бұйрығына өзгеріс енгізу туралы

Қазақстан Республикасы Цифрлық даму, инновациялар және аэроғарыш өнеркәсібі министрінің 2021 жылғы 16 ақпандағы № 58/НҚ бұйрығы. Қазақстан Республикасының Әділет министрлігінде 2021 жылғы 22 ақпанда № 22243 болып тіркелді

"Құқықтық актілер туралы" 2016 жылғы 6 сәуірдегі Қазақстан Республикасының Заңы 50-бабының 2-тармағына сәйкес БҰЙЫРАМЫН:

1. "Мемлекеттік көрсетілетін қызметтер тізілімін жүргізу қағидаларын бекіту туралы" Қазақстан Республикасы Ұлттық экономика министрінің 2014 жылғы 20 қарашадағы № 98 бұйрығына (Қазақстан Республикасының нормативтік құқықтық актілерінің мемлекеттік тізімінде № 10029 болып тіркелген, 2015 жылғы 16 қаңтарда "Әділет" ақпараттық-құқықтық жүйесінде жарияланған) мынадай өзгеріс енгізілсін:

көрсетілген бұйрықпен бекітілген Мемлекеттік көрсетілетін қызметтер тізілімін жүргізу қағидалары осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;

3) осы бұйрық мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.

4. Осы бұйрық алғашқы ресми жарияланған күнінен бастап қолданысқа енгізіледі.

Қазақстан Республикасының Цифрлық даму, инновациялар және аэроғарыш өнеркәсібі министрі

Б. Мусин

	Қазақстан Республикасының Цифрлық даму, инновациялар және аэроғарыш өнеркәсібі министрінің 2021 жылғы 16 ақпандағы № 58/НҚ бұйрығына қосымша
	Қазақстан Республикасы Ұлттық экономика министрінің 2014 жылғы 20 қарашадағы № 98 бұйрығымен бекітілген

Мемлекеттік көрсетілетін қызметтер тізілімін жүргізу қағидалары

1-тарау. Жалпы ережелер

1. Осы мемлекеттік көрсетілетін қызметтер тізілімін жүргізу қағидалары (бұдан әрі – Қағидалар) мемлекеттік көрсетілетін қызметтер тізілімін жүргізу тәртібін айқындайды.

2. Қағидаларда мынадай анықтамалар пайдаланылады:

1) ақпараттық қызмет – пайдаланушыға электрондық ақпараттық ресурстарды беру жөніндегі қызмет;

2) "бір өтініш" қағидаты – бір өтініш негізінде көрсетілетін бірнеше мемлекеттік қызметтер жиынтығын көздейтін мемлекеттік қызметті көрсету нысаны;

3) көрсетілетін қызметті алушы – орталық мемлекеттік органдарды, Қазақстан Республикасының шетелдегі мекемелерін, облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарын, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдерін қоспағанда, жеке және заңды тұлғалар;

4) көрсетілетін қызметті беруші – Қазақстан Республикасының заңнамасына сәйкес мемлекеттік қызметтер көрсететін орталық мемлекеттік органдар, Қазақстан Республикасының шетелдегі мекемелері, облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдері, сондай-ақ жеке және заңды тұлғалар;

5) мемлекеттік қызметті көрсетудің қағаз нысаны – мемлекеттік қызметті алуға өтінішті берген сәттен бастап, оның нәтижесін бергенге дейін қағаз құжат айналымының процесін қамтитын қызмет көрсету нысаны;

6) мемлекеттік көрсетілетін қызмет – көрсетілетін қызметті алушылардың өтініш жасауы бойынша немесе өтініш жасауынсыз жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі;

7) мемлекеттік көрсетілетін қызметтер тізілімі (бұдан әрі – тізілім) – мемлекеттік көрсетілетін қызметтердің сыныпталған тізбесі;

8) мемлекеттік қызметтер көрсету саласындағы уәкілетті орган (бұдан әрі – уәкілетті орган) – мемлекеттік қызметтер көрсету саласындағы басшылықты және салааралық үйлестіруді жүзеге асыратын орталық мемлекеттік орган;

9) проактивті көрсетілетін қызмет – қызмет көрсету субъектісінің бастамасы бойынша берілетін, қызметті көрсету үшін көрсетілетін қызметті алу субъектісінің ұялы байланыс абоненттік құрылғысы арқылы берілген келісімі міндетті түрде қажет болатын, электрондық нысанда көрсетілетін мемлекеттік қызмет;

10) толық автоматтандырылған қызмет – оны көрсету процесінде қағаз құжат айналымын жүргізілмейтін қызмет;

11) ішінара автоматтандырылған қызмет – оны көрсету процесінде қағаз және электрондық құжат айналымының реттілігін қамтитын қызмет.

3. Тізілімді жүргізудің негізгі міндеті мемлекеттік көрсетілетін қызметтерді анықтау, енгізу және есепке алу, көрсетілетін қызметті алушылар үшін мемлекеттік көрсетілетін қызметтер туралы негізгі мәліметтерге қол жеткізуді қамтамасыз ету болып табылады.

4. Тізілім мемлекеттік және орыс тілдерінде жүргізіледі.

2-тарау. Тізілімді жүргізу тәртібі

5. Тізілімді жүргізу тәртібі мынадай кезеңдерді қамтиды:

1) Қазақстан Республикасының нормативтік құқықтық актілерін мемлекеттік көрсетілетін қызметтерді анықтау тұрғысынан талдау;

2) жүргізілген талдау негізінде тізілімге енгізуге немесе тізілімнен шығаруға жататын мемлекеттік көрсетілетін қызметтер тізбесін айқындау;

3) анықталған мемлекеттік көрсетілетін қызметтерді, мемлекеттік көрсетілетін қызметтер туралы мәліметтерді тізілімге енгізу немесе мемлекеттік көрсетілетін қызметтер тізілімінен алып тастау;

4) тізілімнің мазмұнын өзектілендіру (жаңарту) мәніне мониторинг жүргізу;

5) тізілімге енгізілген мемлекеттік көрсетілетін қызметтер туралы мәліметтерді өзектендіру (жаңарту).

6. Тізілімді жүргізуді уәкілетті орган жүзеге асырады.

7. Тізілімге өзгерістер және (немесе) толықтырулар енгізу үшін орталық мемлекеттік органдар және жергілікті атқарушы органдар:

1) жыл сайын тізілімдегі мемлекеттік көрсетілетін қызметтер туралы мәліметтерге түгендеу жүргізеді;

2) Осы Қағидаларға 1-қосымшаға сәйкес нысан бойынша тізілімге мемлекеттік және орыс тілдерінде өзгерістерді және (немесе) осы Қағидаларға 2-қосымшаға сәйкес нысан бойынша тізілімге мемлекеттік және орыс тілдерінде толықтырулар енгізу жөніндегі ұсыныстарды күнтізбелік жылдың 1 наурызынан және 1 қыркүйегінен кешіктірмей уәкілетті органға ұсынады.

8. Күнтізбелік жылдың 1 наурызынан немесе 1 қыркүйегінен кейін ұсынылған ұсыныстар өзгерістердің және (немесе) толықтырулардың келесі жобасында қаралады.

9. Осы Қағидаларға 1 және 2-қосымшаларға сәйкес белгіленген нысан бойынша ұсынылмаған тізілімге өзгерістер және (немесе) толықтырулар енгізу жөніндегі ұсыныстар қаралмайды, бұл туралы хабарлама жіберіледі.

10. Уәкілетті орган ағымдағы күнтізбелік жылдың 1 маусымынан және 1 желтоқсанынан кешіктірмей тізілімді басшының не оның міндетін атқарушы адамның бұйрығымен бекітеді немесе оған өзгерістер және (немесе) толықтырулар енгізеді.

11. Тізілім мемлекеттік қызметтер көрсету сапасын бағалау және бақылау жөніндегі уәкілетті органмен және мемлекеттік басқару жүйесін дамыту саласындағы уәкілетті органмен келісу бойынша бекітіледі немесе оған өзгерістер және (немесе) толықтырулар енгізіледі.

3-тарау. Тізілім құрылымы

12. Тізілім осы Қағидаларға 3-қосымшаға сәйкес құрылым бойынша әзірленеді.

13. Тізілім мыналарды көздейді:

1) мемлекеттік көрсетілетін қызметтің атауы;

2) көрсетілетін қызметті алушы (жеке және (немесе) заңды тұлға) туралы мәліметтер; мемлекеттік қызмет көрсету тәртібін айқындайтын заңға тәуелді нормативтік құқықтық актіні әзірлейтін орталық мемлекеттік органның атауы; көрсетілетін қызметті берушінің атауы;

3) өтініштерді қабылдауды және мемлекеттік қызметті көрсету нәтижелерін беруді жүзеге асыратын ұйымдардың атауы және (немесе) мемлекеттік көрсетілетін қызмет электрондық нысанда көрсетілген жағдайда "электрондық үкіметтің" веб-порталы мен ұялы байланыстың абоненттік құрылғысын, стационарлық абоненттік құрылғыны, ақпараттандыру объектілерін көрсету;

4) "бір өтініш" қағидаты бойынша көрсетілетін мемлекеттік қызметті көрсету нысаны (электрондық (толық немесе ішінара автоматтандырылған)/ қағаз түрінде/ проактивті/ ақпараттық);

5) мемлекеттік қызметті көрсетудің ақылы немесе тегін болуы;

6) мемлекеттік қызмет көрсету тәртібін айқындайтын заңға тәуелді нормативтік құқықтық актінің атауы.

14. Тізілімнің сыныпталуы мыналардан тұрады:

1) қоғамдық қатынастар салаларына байланысты мемлекеттік көрсетілетін қызметтерді топтастыру болып табылатын бөлімдер;

2) көрсетілетін қызметті алушының өмірлік жағдайларына байланысты мемлекеттік көрсетілетін қызметтерді топтастыру болып табылатын кіші бөлімдер;

3) мемлекеттік көрсетілетін қызметтердің реттік нөмірлері арқылы жүзеге асырылады.

15. Мемлекеттік көрсетілетін қызметке тізілім сыныптамасының барлық деңгейлерінің кодтарынан қалыптастырылатын цифрлық белгі түріндегі сегіз таңбалы жеке жіктелген код беріледі.

Сыныпталған код үш бөліктен тұрады:

1) бірінші бөлім – 3 цифрдан тұрады және қоғамдық қатынастар саласының бөлімін білдіреді;

2) екінші бөлім – 2 цифрдан тұрады және көрсетілетін қызметті алушының өмірлік жағдайына байланысты кіші бөлімді білдіреді;

3) үшінші бөлім – 3 цифрдан тұрады және кіші бөлім ішіндегі мемлекеттік көрсетілетін қызметтің реттік нөмірін білдіреді.

16. Мемлекеттік көрсетілетін қызметтің сыныпталған кодын уәкілетті орган береді.

17. Мемлекеттік көрсетілетін қызметтер тізілімінің сыныптамасы осы Қағидаларға 4-қосымшаға сәйкес құрылым бойынша жасалады.

Мемлекеттік көрсетілетін қызметтер тізілімін жүргізу қағидаларына 1-қосымша

Мемлекеттік көрсетілетін қызметтер тізіліміне өзгерістер енгізу жөніндегі ұсыныстар нысаны

Р/с №	Құрылымдық элемент	Қолданыстағы редакция	Ұсынылып отырған редакция	Негіздеме (нормативтік құқықтық актіге және (немесе) Қазақстан Республикасы Үкіметінің тапсырмасына сілтеме (болған жағдайда)
1	2	3	4	5

Мемлекеттік көрсетілетін қызметтер тізілімін жүргізу қағидаларына 2-қосымша

Мемлекеттік көрсетілетін қызметтер тізіліміне толықтырулар енгізу жөніндегі ұсыныстар нысаны

Мемлекеттік көрсетілетін қызметтің коды	Мемлекеттік көрсетілетін қызметтің атауы	Көрсетілетін қызметті алушылардың санаты	Мемлекеттік қызметтерді көрсету тәртібін айқындайтын заңға тәуелді нормативтік құқықтық актіні әзірлейтін орталық мемлекеттік органның атауы	Көрсетілетін қызметті берушінің атауы	Өтініштерді қабылдауды және ресімделген құжаттарды беруді жүзеге асыратын ұйымдар	Ақылы болуы	оның ішінде:		Мемлекеттік көрсетілетін қызметті көрсету нәтижелерінің нысаны	Мемлекеттік көрсетілетін қызметті көрсету тәртібі (болжанатын мерзімдер, құжаттар тізілімі және тағыда басқа)	Тізілімге толықтырулар енгізу негіздемесі (нормативтік құқықтық актіге және (немесе) Қазақстан Республикасы Үкіметінің тапсырмасына сілтеме (болған жағдайда)
							Құқықтық негіздеме	төлем мөлшері
1	2	3	4	5	6	7	8	9	10	11	12

Мемлекеттік көрсетілетін қызметтер тізілімін жүргізу қағидаларына 3-қосымша

Мемлекеттік көрсетілетін қызметтер тізілімінің құрылымы

Р/с №	Мемлекеттік көрсетілетін қызметтің коды	Мемлекеттік көрсетілетін қызметтің атауы	Көрсетілетін қызметті алушы (жеке және (немесе) заңды тұлға) туралы мәлімет	Мемлекеттік қызметтерді көрсету тәртібін айқындайтын заңға тәуелді нормативтік құқықтық актіні әзірлейтін орталық мемлекеттік органның атауы	Көрсетілетін қызметті берушінің атауы	Өтініштер қабылдауды және мемлекеттік қызметті көрсету нәтижелерін беруді жүзеге асыратын ұйымдардың атаулары және (немесе) "электрондық үкіметтің" веб-порталы және ұялы байланыс абоненттік құрылғысын, стационарлық абоненттік құрылғыны, ақпараттандыру объектілерін* көрсету	Ақылы не тегін болуы	Мемлекеттік қызметті көрсету нысанын (электрондық (толық немесе ішінара автоматтандырылған)/ қағаз түрінде/ проактивті/ "бір өтініш" қағидаты бойынша көрсетілетін, ақпараттық)	Мемлекеттік қызметтер көрсету тәртібін айқындайтын заңға тәуелді нормативтік құқықтық актінің атауы
1	2	3	4	5	6	7	8	9	10

* ақпараттандыру объектілері - "электрондық үкіметтің" шлюзінде, "электрондық үкіметтің" сыртқы шлюзінде орналастырылған сервистермен интеграцияланған ақпараттандыру объектілер

Мемлекеттік көрсетілетін қызметтер тізілімін жүргізу қағидаларына 4-қосымша

Мемлекеттік көрсетілетін қызметтер тізілімінің сыныптамасы

Бөлім
	Ішкі бөлім
		Атауы
001		Құжаттау
	00101	Жеке басты куәландыратын құжаттарды/анықтамаларды және мәртебені алу
	00102	Кәсіпкерлік қызметпен байланысты емес құқықтарды қамтамасыз ететін құжаттарды алу
002		Жеке тұлғалар мен азаматтарды тіркеу
	00201	Жеке тұлғаларды тіркеу/ мәртебесін, тұрғылықты жерін, тегін, атын, әкесінің атын (ол болған жағдайда) және басқа деректерін ауыстыру
	00202	Шетелде болу
	00203	Қазақстан Республикасына келу
003		Жеке және заңды тұлғаларды тіркеу
	00301	Жеке және заңды тұлғаларды тіркеу саласындағы өзге де мемлекеттік көрсетілетін қызметтер
004		Отбасы және балалар
	00401	Отбасын құру
	00402	Туу, қамқоршылық және бала тәрбиелеу
	00403	Балаға білім беру және бос уақыт
	00404	Баланы бағу және қамтамасыз ету
005		Мүлік және зияткерлік меншік құқығы
	00501	Жылжымалы мүлік
	00502	Жылжымайтын мүлік
	00503	Зияткерлік меншік
	00504	Мүлік және зияткерлік меншік құқығы саласындағы басқа мемлекеттік көрсетілетін қызметтер
006		Денсаулық, медицина және денсаулық сақтау
	00601	Медициналық көмек
	00602	Денсаулық сақтау саласындағы рұқсат ету құжаттарын беру (лицензиялауды, тіркеуді, сертификаттауды қоса алғанда)
	00603	Халықтың санитариялық-эпидемиологиялық салауаттылығы
	00604	Денсаулық, медицина және денсаулық сақтау саласындағы өзге де мемлекеттік көрсетілетін қызметтер
007		Еңбек және халықты әлеуметтік қорғау
	00701	Халықты жұмыспен қамту
	00702	Халықты жұмыспен қамту саласында рұқсат құжаттарын беру
	00703	Әлеуметтік қамсыздандыру, оның ішінде зейнетақымен қамсыздандыру және әлеуметтік сақтандыру
	00704	Азаматтардың жекелеген санаттарын әлеуметтік қолдау
	00705	Әлеуметтік көрсетілетін қызметтер
	00706	Еңбек және халықты әлеуметтік қорғау саласындағы өзге де мемлекеттік көрсетілетін қызметтер
008		Білім және ғылым
	00801	Жоғары және жоғары оқу орнынан кейінгі білім
	00802	Білім және ғылым саласында рұқсат ету құжаттарын беру (лицензиялауды, тіркеуді, сертификаттауды қоса алғанда)
	00803	Білім және ғылым саласындағы өзге де мемлекеттік көрсетілетін қызметтер
009		Бизнес және кәсіпкерлік
	00901	Бизнестің немесе жеке кәсіпкерліктің басталуы
	00902	Жеке кәсіпкер немесе заңды тұлғаның қызметінің тоқтауы
	00903	Белгілі бір қызмет түрлерімен айналысуға рұқсат ету құжаттарын беру (лицензиялауды, тіркеуді, сертификаттауды қоса алғанда)
	00904	Өнімдердің жекелеген түрлерін өндіруге рұқсат ету құжаттарын беру (лицензиялауды, тіркеуді, сертификаттауды қоса алғанда)
	00905	Өнімдердің жекелеген түрлерін сатып алуға, өткізуге және сақтауға (лицензиялауды, тіркеуді, сертификаттауды қоса алғанда)
	00906	Кәсіпкерлік қызметті қолдау
010		Туризм
	01001	Туризм саласындағы өзгеде мемлекеттік көрсетілетін қызметтер
011		Көлік және коммуникация
	01101	Автомобиль көлігі
	01102	Әуе көлігі
	01103	Теміржол және су көлігі
	01104	Көлік және коммуникациялар саласындағы өзге де мемлекеттік көрсетілетін қызметтер
012		Қоршаған ортаны және жануарлар дүниесін, табиғи ресурстарды қорғау
	01201	Қоршаған ортаны қорғау
	01202	Су ресурстарын пайдалану
	01203	Орман ресурстарын пайдалану
	01204	Жануарлар дүниесін пайдалану
	01205	Жер қойнауын пайдалану
013		Ауыл шаруашылығы
	01301	Ауыл шаруашылығы саласындағы өзге де мемлекеттік көрсетілетін қызметтер
	01302	Ауыл шаруашылығы саласында рұқсат құжаттарын беру (лицензиялауды, тіркеуді, сертификаттауды қоса алғанда)
014		Өнеркәсіп, индустрия және технология
	01401	Отын және энергетика
	01402	Технологиялар
	01403	Өнеркәсіп, индустрия және технологиялар саласындағы рұқсат ету құжаттарын беру (лицензиялауды, тіркеуді, сертификаттауды қоса алғанда)
	01404	Өнеркәсіп, индустрия және технологиялар саласындағы өзге де мемлекеттік көрсетілетін қызметтер
015		Мұнай-газ саласы
	01501	Мұнай-газ саласындағы рұқсат ету құжаттарын беру (лицензиялауды, тіркеуді, сертификаттауды қоса алғанда)
	01502	Мұнай-газ саласындағы өзге де мемлекеттік көрсетілетін қызметтер
016		Салықтық әкімшілендіру, бухгалтерлік есеп және қаржылық есеп, аудиторлық қызмет
	01601	Салықтық әкімшілендіру
	01602	Бухгалтерлік есеп және қаржылық есептілік
	01603	Аудиторлық қызмет
017		Қаржы нарығын және қаржы ұйымдарын мемлекеттік реттеу, бақылау және қадағалау
	01701	Банктер қызметі саласында рұқсат беру құжаттарын беру (лицензиялауды, тіркеуді, сертификаттауды қоса алғанда)
	01702	Зейнетақы қорларының қызметі саласында рұқсат ету құжаттарын беру (лицензиялауды, тіркеуді, сертификаттауды қоса алғанда)
	01703	Сақтандыру қызметтері нарығы саласында рұқсат ету құжаттарын беру (лицензиялауды, тіркеуді, сертификаттауды қоса алғанда)
	01704	Қаржы нарығы мен қаржы ұйымдарын мемлекеттік реттеу, бақылау және қадағалау саласындағы өзге де мемлекеттік көрсетілетін қызметтер
018		Кеден ісі
	01801	Кеден ісі саласындағы өзге де мемлекеттік көрсетілетін қызметтер
019		Қауіпсіздік, қорғаныс және сот әділдігі
	01901	Қауіпсіздік, сот әділдігі және қорғаныс саласында рұқсат ету құжаттарын беру (лицензиялауды, тіркеуді, сертификаттауды қоса алғанда)
	01902	Қауіпсіздік, сот әділдігі және қорғаныс саласындағы өзге де мемлекеттік көрсетілетін қызметтер
020		Бәсекелестікті қорғау
	02001	Бәсекелестікті қорғау саласында өзге де мемлекеттік көрсетілетін қызметтер
021		Дін
	02101	Дін саласында өзге де мемлекеттік көрсетілетін қызметтер
022		Жер қатынастары, геодезия және картография
	02201	Жер қатынастары
	02202	Геодезия және картография
023		Мәдениет, ақпарат және байланыс
	02301	Байланысты ұйымдастыру және ұсыну саласында рұқсат беру құжаттарын беру (лицензиялауды, тіркеуді, сертификаттауды қоса алғанда)
	02302	Ақпарат
	02303	Мәдениет
024		Төтенше жағдайлар
	02401	Төтенше жағдайлар саласындағы өзге де мемлекеттік көрсетілетін қызметтер
025		Дене шынықтыру және спорт
	02501	Дене шынықтыру және спорт саласындағы өзге де мемлекеттік көрсетілетін қызметтер
026		Сәулет-қала құрылысы қызметі
	02601	Сәулет-қала құрылысы саласында рұқсат ету құжаттарын беру (лицензиялауды, тіркеуді, сертификаттауды қоса алғанда)
	02602	Сәулет-қала құрылысы қызметі саласындағы өзге де мемлекеттік көрсетілетін қызметтер
027		Тұрғын үй-коммуналдық шаруашылық
	02701	Тұрғын үй-коммуналдық шаруашылық саласындағы өзге де мемлекеттік көрсетілетін қызметтер
028		Сыртқы саясат және шетел істері
	02801	Сыртқы саясат және шетел істері саласындағы өзге де мемлекеттік көрсетілетін қызметтер
029		Табиғи монополияларды реттеу
	02901	Табиғи монополияларды реттеу саласындағы өзге де мемлекеттік көрсетілетін қызметтер
030		Мемлекеттік қызмет
	03001	Мемлекеттік қызмет саласындағы өзге де мемлекеттік көрсетілетін қызметтер
031		Басқа
	03101	Ғарыш кеңістігін пайдалану
	03102	Апостиль қою
	03103	Статистикалық ақпаратты ұсыну
	03104	Мемлекеттiк кәсiпорындар және мемлекеттік меншік