Ескерту. Күші жойылды - Түркістан облысы Төлеби ауданының Киелітас ауылдық округi әкiмiнiң 13.09.2021 № 14 шешiмiмен (алғашқы ресми жарияланған күнінен кейін күнтізбелік он күн өткен соң қолданысқа енгізіледi).
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына, Қазақстан Республикасының 2002 жылғы 10 шілдедегі "Ветеринария туралы" Заңының 10-1 бабының 7) тармақшасына сәйкес, Қазақстан Республикасы Ауыл шаруашылығы министрлігінің Ветеринариялық бақылау және қадағалау комитетінің Төлеби аудандық аумақтық инспекциясы басшысының 2021 жылғы 31 наурыздағы № 08-02-07/108 ұсынысы негізінде, Киелітас ауылдық округінің әкімі ШЕШІМ ЕТТІ:
1. Төлеби ауданының Киелітас ауылдық округі, Сұлтанрабат елді мекені, Бадам көшесіндегі № 56 үйден ірі қара малдың "бруцеллез" ауруына оң нәтиже бергеніне байланысты, Киелітас ауылдық округі, Сұлтанрабат елді мекені, Бадам көшесіндегі (№ 50 үй - № 65 үй аралығы) 15 үйге шектеу іс-шаралары енгізілсін.
2. "Төлеби ауданының Киелітас ауылдық округі әкімінің аппараты" мемлекеттік мекемесі Қазақстан Республикасының заңнамасында белгіленген тәртіпте:
1) осы шешімнің "Қазақстан Республикасы Әділет министрлігі Түркістан облысының Әділет департаменті" Республикалық мемлекеттік мекемесінде мемлекеттік тіркелуін;
2) ресми жарияланғаннан кейін осы шешімді Төлеби ауданы әкімдігінің интернет-ресурсына орналастыруын қамтамасыз етсін.
3. Осы шешімнің орындалуын бақылауды Киелітас ауылдық округі әкімінің орынбасары Н.Садықбековке жүктелсін.
4. Осы шешім алғаш ресми жарияланған күннен бастап қолданысқа енгізіледі.
| Киелітас ауылдық округінің әкімі | П. Туребеков |
