ЗҚАИ-ның ескертпесі!
Қолданысқа енгізілу тәртібін 4-тармақтан қараңыз
БҰЙЫРАМЫН:
1. Қазақстан Республикасы Әділет министрінің кейбір бұйрықтарына қоса беріліп отырған толықтырулар енгізу тізбесі бекітілсін.
2. Сараптама қызметін ұйымдастыру департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) бұйрықты Қазақстан Республикасы Әділет министрлігінің ресми интернет-ресурсында жариялауды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Әділет вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Әділет министрі |
А. Ескараев |
| Қазақстан Республикасы Әділет министрі 2024 жылғы 10 желтоқсандағы № 1015 Бұйрығымен бекітілген |
Қазақстан Республикасы Әділет министрінің толықтырулар енгізілетін кейбір бұйрықтарының тізбесі
1. "Cот сараптамаларының күрделілік санаттарын айқындау қағидаларын, сот сараптамаларының күрделілік санаттарына қарай оларды жүргізу мерзімдерін есептеу тәртібін, сондай-ақ сот сараптамаларын жүргізуді тоқтата тұрудың және мерзімін ұзартудың негіздері мен тәртібін бекіту туралы" Қазақстан Республикасы Әділет министрінің 2017 жылғы 27 наурыздағы № 303 бұйрығына (Нормативтік құқықтық актілерді мемлекеттік тіркеу тізілімінде № 14961 болып тіркелді) мынадай толықтыру енгізілсін:
жоғарыда көрсетілген бұйрықпен бекітілген Cот сараптамаларының күрделілік санаттарын айқындау қағидалары, сот сараптамаларының күрделілік санаттарына қарай оларды жүргізу мерзімдерін есептеу тәртібі, сондай-ақ сот сараптамаларын жүргізуді тоқтата тұрудың және мерзімін ұзартудың негіздері мен тәртібінде:
қосымша мынадай мазмұндағы 30-тармақпен толықтырылсын:
"30. Зияткерлік меншік объектілерінің сот сараптамасы
31.1 Дараландыру құралдарының белгіленуін сот-сараптамалық зерттеу
1) күрделілігі орташа дәрежедегі:
ауызша белгілеудің басым элементтерін анықтау;
3 элементтен аспайтын бейнелеу белгілерінің басым элементтерін анықтау;
2) күрделі:
4 және одан да көп элементтен тұратын бейнелеу белгілерінің басым элементтерін анықтау;
құрамдастырылған белгілердің басым элементтерін анықтау;
5 графемадан аспайтын немесе 3 таңбадан аспайтын араластыру дәрежесіне дейінгі ұқсастық тұрғысынан ауызша белгілеулерді зерттеу;
5 элементтен аспайтын араластыру дәрежесіне дейінгі ұқсастық тұрғысынан әріптік және цифрлық белгілеулерді зерттеу;
3 элементтен аспайтын араластыру дәрежесіне ұқсастық тұрғысынан бейнелеу белгілеулерін зерттеу;
3) аса күрделі:
сирек кездесетін даралау құралдарын зерттеу (голографиялық; дыбыстық; иіс сезу; өзгеретін (оның ішінде қозғалатын;) позициялық; жарық; түс және басқалар);
6 және одан да көп графемадан (әріптен) немесе 4 және одан да көп белгілерден (иероглифтерден) тұратын араласу дәрежесіне ұқсастық тұрғысынан ауызша белгілеулерді зерттеу;
6 және одан да көп элементтен (графемалар, сандар және сол сияқтылар) тұратын араластыру дәрежесіне ұқсастық тұрғысынан әріптік және цифрлық белгілеулерді зерттеу;
4 және одан да көп элементтен тұратын араластыру дәрежесіне ұқсастық тұрғысынан бейнелеу белгілеулерін зерттеу;
құрамдастырылған белгілердің араластыру дәрежесіне дейін ұқсастығын зерттеу.".
2. "Сот сараптамасын жүргізуге арналған арнайы жарақтандырылған үй-жайларға қойылатын стандарттар мен талаптарды бекіту туралы" Қазақстан Республикасы Әділет министрінің 2017 жылғы 28 наурыздағы № 310 бұйрығына (Нормативтік құқықтық актілерді мемлекеттік тіркеу тізілімінде № 14972 болып тіркелген) мынадай толықтырулар енгізілсін:
Сот сараптамасын жүргізуге арналған арнайы жарақтандырылған үй-жайлардың стандарттары мен талаптарына 1-қосымша мынадай мазмұндағы реттік нөмірі 42-1-жолмен толықтырылсын:
"
42-1 | Зияткерлік меншік объектілерінің сот сараптамасы | м2 | 23,2 |
";
Сот сараптамасын жүргізуге арналған арнайы жарақтандырылған үй-жайлардың стандарттары мен талаптарына 4-қосымша мынадай мазмұндағы реттік нөмірі 23-жолмен толықтырылсын:
"
23 | Зияткерлік меншік объектілерінің сот сараптамасы | Дараландыру құралдарының белгіленуін сот-сараптамалық зерттеу | 1. Дербес компьютер жиынтықта |
2. 10х дейін үлкейткіш әйнек | |||
3. Сандық камера | |||
4. Сейф | |||
5. Металл өлшеу сызғыштары 150мм, 300мм, 500мм. |
".
3. "Сот сараптамасы органдары сот сарапшыларының жүктемелері нормативтерін бекіту туралы" Қазақстан Республикасы Әділет министрінің 2017 жылғы 30 наурыздағы № 327 бұйрығына (Нормативтік құқықтық актілерді мемлекеттік тіркеу тізілімінде № 14985 болып тіркелген) мынадай толықтыру енгізілсін:
көрсетілген бұйрықпен бекітілген Сот сараптамасы органдары сот сарапшыларының жүктемелері нормативтерінде 1-қосымша мынадай мазмұндағы реттік нөмірі 23-жолмен толықтырылсын:
"
23 | Зияткерлік меншік объектілерінің сот сараптамасы | 2 | 1 | 1 |
".
