"Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу, Механикалық көлік құралдарының жүргізушілерін даярлау, Емтихандар қабылдау және жүргізуші куәліктерін беру қағидаларын бекіту туралы" Қазақстан Республикасы Ішкі істер министрінің 2014 жылғы 2 желтоқсандағы № 862 бұйрығына өзгерістер мен толықтырулар енгізу туралы

Қазақстан Республикасы Ішкі істер министрінің 2024 жылғы 27 желтоқсандағы № 1032 бұйрығы. Қазақстан Республикасының Әділет министрлігінде 2024 жылғы 31 желтоқсанда № 35604 болып тіркелді

ЗҚАИ-ның ескертпесі!
Осы бұйрық 05.04.2025 ж. бастап қолданысқа енгізіледі

БҰЙЫРАМЫН:

"Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу, Механикалық көлік құралдарын жүргізушілерді даярлау, Емтихандар қабылдау және жүргізуші куәліктерін беру қағидаларын бекіту туралы" Қазақстан Республикасы Ішкі істер министрінің 2014 жылғы 2 желтоқсандағы № 862 бұйрығына (Нормативтік құқықтық актілердің мемлекеттік тіркеу тізілімінде № 10056 болып тіркелген) мынадай өзгерістер мен толықтырулар енгізілсін:

көрсетілген бұйрықпен бекітілген Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу қағидаларында:

16-тармақтың бірінші абзацы мынадай редакцияда жазылсын:

"16. Мопедтерді қоспағанда, көлік құралдарын тiркеу үшін оның иелерi (иелерінің өкілдері) мыналарды:"

мынадай мазмұндағы 16-4-тармақпен толықтырылсын:

"16-4. Мопедті тіркеу үшін олардың иелері (иелерінің өкілдері) мыналарды:

1) жеке басты куәландыратын құжатты (жеке басты сәйкестендіру үшін) немесе цифрлық құжаттар сервисінен электрондық нысанда;

2) Салық кодексінінің 553 және 615-баптарында көзделген тіркеу алымы мен КҚТК, МТНБ бергені үшін мемлекеттік баждың төленгенін растайтын құжаттарды;

3) осы Қағидаларға 16-қосымшаға сәйкес мопедті мемлекеттік тіркеу туралы өтінішті;

4) техникалық құжатты (бар болған жағдайда) немесе мопедтің техникалық сипаттамалары туралы мәліметті;

5) мопедтің сәйкестендіру нөмірі болмаған жағдайда сәйкестендіру нөмірін тіркеу әрекеттері жасалғанға дейін мопед иесінің өтініші бойынша уәкілетті орган береді;

6) осы Қағидаларға 12-қосымшаға сәйкес көлік құралын қарап тексеру актісін (көлік құралын бастапқы тіркеу кезінде);

7) бұрынғы КҚТК, МТНБ-ны (олар болған кезде);

8) иесінің өкілі жүгінген жағдайда келісімшартты немесе сенімхатты ұсынады."

Қағидалардың 5-қосымшасында:

8-реттік нөмірінің жолы мынадай редакцияда жазылсын:

"

8

Мемлекеттік қызметті көрсету үшін көрсетілген қызметті алушыдан талап етілетін құжаттар мен мәліметтердің тізбесі

1) Көлік құралдарының жекелеген түрлерін тіркеу, есепке алу және есептен шығару туралы мәліметтерді тіркеу, өзектендіру (түзету) үшін олардың иелері (иелерінің өкілдері) Мемлекеттік корпорацияға жүгінген кезде: жеке басты куәландыратын құжатты (жеке басты сәйкестендіру үшін), оның ішінде цифрлық құжаттар сервисінен алынған электронды нысанда; "Салық және бюджетке төленетін басқа да міндетті төлемдер туралы" Қазақстан Республикасы кодексінің (бұдан әрі – Салық кодексі) 553 және 615-баптарына сәйкес КҚТҚ, МТНБ бергені үшін тіркеу алымдары және мемлекеттік бажды төлегенін растайтын құжаттарды; көлік құралын бастапқы тіркеу кезінде кәдеге жарату төлемін енгізу туралы сертификат; көлік құралының электрондық паспорттары жүйесінің ұлттық операторының ақпараттық жүйесі арқылы көлік құралының электрондық паспорты (көлік құралы шассиінің электрондық паспорты) (көлік құралын бастапқы тіркеу кезінде); ЕАЭО кеден аумағына көлік құралдарын уақытша кіргізу туралы кеден органдары берген құжаттар (уақытша әкелінген көлік құралын шектеулі мерзімге тіркеген жағдайда); Бұрынғы КҚТҚ және МТНБ-ны (олар болған кезде); егер көлік құралының бұрынғы иесі заңды тұлға болып табылса, осы ұйымның мөрімен куәландырылған (жеке кәсіпкерлік субъектілерін қоспағанда) заңды тұлғаның көлік құралын өзінің құрылымдық бөлінісіне немесе басқа заңды не жеке тұлғаға бөлу және беру туралы бұйрығы (өкімі); көлік құралына меншік құқығын растайтын құжат; егер көлік құралының конструкциясына оны тіркегенге дейін өзгерістер енгізілсе, Кеден одағы комиссиясының 2011 жылғы 9 желтоқсандағы № 877 шешімімен бекітілген "Дөңгелекті көлік құралдарының қауіпсіздігі туралы" Кеден одағының техникалық регламентіне 18-қосымшаға сәйкес нысан бойынша көлік құралының оның конструкциясына енгізілген өзгерістермен оның қауіпсіздік талаптарына сәйкестігі туралы куәлік: көлік құралын қарап тексеру актісі ұсынылады. Мопедтерді тіркеу үшін олардың иелері (иелерінің өкілдері): жеке басты куәландыратын құжат (жеке басын сәйкестендіру үшін) немесе цифрлық құжаттар сервисінен электрондық нысанда; Салық кодексінің 553 және 615-баптарында көзделген КҚТК, МТНБ бергені үшін тіркеу алымдары және мемлекеттік бажды төлегенін растайтын құжаттарды; осы Қағидаларға 16-қосымшаға сәйкес мопедті мемлекеттік тіркеу туралы өтініш; ашық ақпараттық көздерден ұсынылған мопедтің техникалық сипаттамалары туралы болған жағдайда техникалық құжат немесе мәліметтер; мопед рамасының нөмірі болмаған кезде сәйкестендіру нөмірін тіркеу әрекеттері жасалғанға дейін мопед иесінің өтініші бойынша уәкілетті орган береді; осы Қағидаларға 12-қосымшаға сәйкес көлік құралын қарап тексеру актісін (көлік құралын бастапқы тіркеу кезінде); бұрынғы КҚТК, МТНБ (олар болған кезде); иесінің өкілі жүгінген жағдайда келісімшарт немесе сенімхат ұсынады. 2) Көлік құралдарын, оның ішінде мопедті есептен шығару үшін олардың иелері (иелерінің өкілдері) Мемлекеттік корпорацияға жүгінген кезде: жеке басты куәландыратын құжат (жеке басты сәйкестендіру үшін), оның ішінде цифрлық құжаттар сервисі арқылы электронды нысанда; көлік құралына меншік құқығын растайтын құжат; бұрынғы КҚТҚ және МТНБ ұсынады. 3) Көлік құралдарын тіркеу үшін ЭҮП немесе ақпараттандыру объектілері арқылы жүгінген кезде: Салық кодексінің 553 және 615-баптарына сәйкес ТҚКҚ, МТНБ бергені үшін тіркеу алымдары мен мемлекеттік бажды төлегенін растайтын құжаттардың, сондай-ақ мемлекеттік органдардың тиісті ақпараттық жүйесі арқылы аталған мәліметтерді алу жағдайын қоспағанда, кәдеге жарату төлемін (көлік құралын бастапқы тіркеу кезінде) енгізу туралы сертификаттың электронды көшірмелері; көлік құралы паспортының электронды көшірмесі (көлік құралы шассиінің паспорты) ұсынылады. Егер көлік құралына көлік құралының электрондық паспорты (көлік құралы шассиінің электрондық паспорты) ресімделсе, көлік құралының паспортын (көлік құралы шассиінің паспорты) ұсыну талап етілмейді; егер көлік құралының бұрынғы иесі заңды тұлға болып табылса, осы ұйымның мөрімен куәландырылған (жеке кәсіпкерлік субъектілерін қоспағанда) заңды тұлғаның көлік құралын өзінің құрылымдық бөлінісіне немесе басқа заңды не жеке тұлғаға бөлу және беру туралы бұйрықтың (өкімнің) электронды көшірмесі; көлік құралына меншік құқығын растайтын құжаттың электронды көшірмесі ұсынылады.

";

осы бұйрыққа қосымшаға сәйкес 16-қосымшамен толықтырылсын.

2. Қазақстан Республикасы Ішкі істер министрлігінің Әкімшілік полиция комитеті заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасының Әділет министрлігінде мемлекеттік тіркегеннен кейін бес жұмыс күні ішінде Қазақстан Республикасы Ішкі істер министрлігінің Заң департаментіне осы тармақтың 1) тармақшасында көзделген іс-шаралардың орындалуы туралы хабарлауды қамтамасыз етсін.

3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына жүктелсін.

4. Осы бұйрық 2025 жылғы 5 сәуірден бастап қолданысқа енгізіледі және ресми жариялануға жатады.

Қазақстан Республикасы ішкі істер министрі

Е. Саденов

"Келісілді"

Қазақстан Республикасы

Қаржы министрлігі

"Келісілді"

Қазақстан Республикасы

Цифрлық даму, инновациялар және

аэроғарыш өнеркәсібі министрлігі

"Келісілді"

Қазақстан Республикасы

Сауда және интеграция министрлігі

	Қазақстан Республикасы ішкі істер министрі 2024 жылғы 27 желтоқсандағы № 1032 Бұйрыққа қосымша
	Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу қағидаларына 16-қосымша

Аумақтық полиция органына (көрсетілетін қызметті берушіге) Кімнен: _______________________ ____________________________________

(тегі, аты, әкесінің аты (ол болған жағдайда) не заңды тұлғаның атауы)

______________________ (жеке сәйкестендіру нөмірі (ЖСН) не бизнес-сәйкестендіру нөмірі (БСН)) ________________________________ (заңды мекенжай) өкілі (бар болса): ____________________________________ ____________________________________

(тегі, аты, әкесінің аты (ол болған жағдайда) ____________________________________ (өтініш берушінің ұялы байланысының абоненттік нөмірі) Мопедті мемлекеттік тіркеу туралы өтініш

Мынадай мопедті мемлекеттік тіркеу жүргізуді сұраймын:

1. Маркасы

2. Моделі

3. Шығарылған жылы

4. Басқару құқығына санат

5. Техникалық санат

6. Сәйкестендіру нөмірі(VIN) (*болған кезде)

7. Шасси нөмірі (рамалар) (*болған кезде)

8. Жүктемесіз масса, kg

9. Рұқсат етілген max. салмағы, kg

10. Қозғалтқыш көлемі, текшені қараңыз

11. Қозғалтқыштың ат күші

12. Қозғалтқыш қуаты киловатт

13. Түсі

14. Өндіруші ел

Рамада сәйкестендіру нөмірі болмаған кезде оны беру "Доңғалақты көлік құралдарының қауіпсіздігі туралы" (КО ТР 018/2011) Кеден одағының техникалық регламентіне 7-қосымшада белгіленген көлік құралдарын сәйкестендіруге қойылатын талаптарға сәйкес жүргізіледі.

___________20____ ж. "____" _______ (қолы) (күні)