ПРИКАЗЫВАЮ:
1. "Қазақстан Республикасы Сыбайлас жемқорлыққа қарсы іс-қимыл агенттігінде (Сыбайлас жемқорлыққа қарсы қызмет) кадр саясатын іске асырудың кейбір мәселелері туралы" Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 21 қазандағы № 18 бұйрығына (Нормативтік құқықтық актілерді тіркеу тізілімінде № 14450 болып тіркелген) мынадай өзгерістер мен толықтыру енгізілсін:
кіріспе мынадай редакцияда жазылсын:
"Құқық қорғау қызметі туралы" Қазақстан Республикасы Заңының 5-1-бабы 9) тармақшасына, 29-бабының 7 және 8-тармақтарына және 54-1-бабының 6-тармағына сәйкес БҰЙЫРАМЫН:";
1-тармақтың 7), 8) және 9) тармақшалары алып тасталсын;
көрсетілген бұйрықпен бекітілген Сыбайлас жемқорлыққа қарсы қызметтегі кадрмен қамтамасыз ету және кадр саясаты субъектілерінің жұмыс сапасы нәтижелерін бағалау әдістемесінде:
3-тармақ мынадай редакцияда жазылсын:
"3. Кадрмен қамтамасыз ету және кадр саясаты субъектілерінің жұмыс сапасы нәтижелерін бағалау (бұдан әрі – бағалау) Агенттіктің кадр қызметімен жүзеге асырылады, сонымен қатар, автоматтандырылған ақпараттық деректер базасында (ақпараттық жүйе) қалыптастырылады.";
5-тармақ мынадай редакцияда жазылсын:
"5. Агенттіктің аумақтық органдары (бұдан әрі – аумақтық органдар) бағалау жүргізу үшін ақпаратты Агенттіктің кадр қызметіне қағаз және электрондық тасығыштарда ұсынады, сонымен қатар, автоматтандырылған ақпараттық деректер базасында (ақпараттық жүйе) қалыптастырылады.";
8-тармақ мынадай редакцияда жазылсын:
"8. Бағалау мынадай өлшемшарттар бойынша жүзеге асырылады:
1) кадр ресуртстарын тиімді пайдалану;
2) қызметкерлердің аттестаттаудың нәтижелілігі;
3) қызметкерлерді оқыту.";
3-тараудың тақырыбы мынадай редакцияда жазылсын:
"3-тарау. Өлшемшарт "Қызметкерлердің аттестаттаудың нәтижелілігі";
22-тармақ мынадай редакцияда жазылсын:
"22. Қызметкерлердің аттестаттаудың нәтижелілігі" өлшемшарты бойынша (бұдан әрі – 2 өлшемшарт) бағалау есепті кезеңде аумақтық органдар қызметкерлерінің қызметіне аттестаттау нәтижелерінің негізінде жүргізіледі.";
23 және 24-тармақтар алып тасталсын;
31-тармақ мынадай редакцияда жазылсын:
"31. Қорытынды баға "Кадр ресурстарын пайдаланудың тиімділігі", "Қызметкерлердің аттестаттаудың нәтижелілігі", "Қызметкерлерді оқыту" барлық өлшемшарттар бойынша алынған нәтижелерді қосу арқылы анықталады. Сонымен қатар баллдардың жалпы сомасынан төменгі көрсеткіш баллдары алынып тасталады.";
34-тармақ мынадай редакцияда жазылсын:
"34. Алынған бағалау нәтижелеріне сәйкес кадрлармен қамтамасыз ету бойынша аумақтық органын қызметінің тиімділік дәрежесі анықталады.
Аумақтық органын қызметі тиімділігінің жоғары дәрежесі бағалау көрсеткішінің 8-тен 10 баллына дейін, орта деңгейі – 5-тен 7 баллына дейін, төменгі деңгейі – 2-ден 4 баллға дейін сәйкес келеді. 2 баллдан төмен бағалау нәтижесін көрсеткен аумақтық органның қызметі тиімсіз деп танылады.";
қосымша осы бұйрыққа қосымшаға сәйкес жазылсын;
көрсетілген бұйрықпен бекітілген Сыбайлас жемқорлыққа қарсы қызметтің жұмыс стандарттарын (қызметкердің нақты жұмыс учаскесіндегі қызмет нәтижелеріне қойылатын алгоритм, қағидалар және талаптар) белгілеу қағидаларында:
8-тармақ мынадай редакцияда жазылсын:
"8. Жұмыс стандарттарын сақтау (сақтамау) туралы ақпарат қызметкерлерді аттестаттау кезінде қолданылады.";
мынадай мазмұндағы 10-тармақпен толықтырылсын:
"10. Сыбайлас жемқорлыққа қарсы қызмет қызметкерлерінің жұмыс стандарттарын белгілеуге байланысты құжаттар сонымен қатар автоматтандырылған ақпараттық база (ақпараттық жүйе) арқылы да рәсімделеді.";
осы бұйрықтың 7, 8 және 9 қосымшалары алып тасталсын.
2. Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Кадр жұмысы департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) ресми интернет-ресурсында орналастырылуын қамтамасыз етсін.
3. Осы бұйрықтың орындалуын бақылау Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) аппарат басшысына жүктелсін.
4. Осы бұйрық алғашқы ресми жарияланғаннан кейін күнтізбелік он күн өткен соң қолданысқа енгізіледі.
|
Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Төрағасы |
А. Жұмағали |
Нысан
Кадрлық қамтамасыз ету және кадр саясаты субъектілерінің жұмыс сапасының нәтижелері туралы қорытынды
_______________________________________________________________________
(аумақтық органның атауы)
_______________________________________________________________________
(есептік кезең)
| № | Бағалаудың критерийлері | Баллдар |
|---|---|---|
1 | Кадр ресурстарын пайдаланудың тиімділігі | |
2 | Қызметкерлердің аттестаттау нәтижелілігі | |
3 | Қызметкерлерді оқыту | |
ЖАЛПЫ БАҒАСЫ: | ||
Түзетуші көрсеткіштер: | ||
4 | Қызметкерді сыбайлас жемқорлық құқық бұзушылық жасағаны үшін әкімшілік жауаптылыққа тарту фактісі | |
5 | Қызметкерді сыбайлас жемқорлық құқық бұзушылық жасағаны үшін қылмыстық жауаптылыққа тарту фактісі | |
6 | Әлеуметтанушылық мониторинг нәтижелері | |
ҚОРЫТЫНДЫ БАҒА: |
Агенттіктің аумақтық органының кадрлық қамтамасыз етуін және жұмыс сапасының нәтижелерін бағалау критерийлері бойынша талдау:
Тұжырымдар мен ұсынымдар:
Агенттіктің кадр қызметінің басшысы
___________________ _______________________________
(қолы) (қойылған қолды ашып жазу)
Аумақтық органның басшысы
___________________ _______________________________
(қолы) (қойылған қолды ашып жазу)
20___жылғы "____" ______________
