Қарағанды қалалық мәслихаты ШЕШІМ ҚАБЫЛДАДЫ:
1. "Қарағанды қаласы бойынша мүгедектігі бар балалар қатарындағы кемтар балаларды үйде оқытуға жұмсалған шығындарды өтеу тәртібі мен мөлшерін айқындау туралы" Қарағанды қалалық мәслихатының 2023 жылғы 25 мамырдағы № 30 шешіміне (Нормативтік құқықтық актілерді мемлекеттік тіркеу тізілімінде № 6416-09 болып тіркелген) келесі өзгерістер енгізілсін:
шешімнің мемлекеттік тілдегі тақырыбы жаңа редакцияда жазылсын, орыс тіліндегі мәтіні өзгермейді:
"Қарағанды қаласы бойынша мүгедектігі бар балалар қатарындағы кемтар балаларды жеке оқыту жоспары бойынша үйде оқытуға жұмсалған шығындарды өндіріп алу тәртібі мен мөлшерін айқындау туралы";
көрсетілген шешімнің қосымшасының 7 тармағы жаңа редакцияда жазылсын:
"7. Оқу шығындарын өтеу мөлшері өтініш берген айдан бастап мүгедектігі бар әрбір балаға тоқсанына он айлық есептік көрсеткішке тең төленеді.".
2. Осы шешім оның алғашқы ресми жарияланғаннан кейін күнтізбелік он күн өткен соң қолданысқа енгізіледі және 2025 жылғы 1 қаңтардан бастап туындаған құқықтық қатынастарға қолданылады.
| Төраға | А. Букенов |
