"Салықтар және бюджетке басқа да міндетті төлемдер бойынша әкімшілік ережелер туралы" N 43 ~V950080 Нұсқауға өзгерістер мен толықтырулар енгізу туралы

Күшін жойған

Бұйрық Қазақстан Республикасы Мемлекеттік кіріс Министрілігі 1999 ж. 3 мамыр N 310. Қазақстан Республикасы Әділет министрлігінде 01.06.1999 ж. тіркелді. Тіркеу N 784. Күші жойылды - ҚР Мемлекеттік кіріс министрінің 2002 жылғы 9 сәуірдегі N 416 бұйрығымен.

-------------------Бұйрықтан үзінді---------------- Мемлекеттік кіріс министрінің 2002 жылғы 9 сәуірдегі N 416 бұйрығы
"Салық және бюджетке төленетiн басқа да мiндеттi төлемдер туралы" Қазақстан Республикасының K010209_ Кодексiн (Салық Кодексiн) қолданысқа енгiзу туралы" Қазақстан Республикасының 2001 жылғы 12 шiлдедегi Заңына сәйкес БҰЙЫРАМЫН: Күшiн жоғалтқан жекелеген бұйрықтарының тiзбесi: 38. "Салық және бюджетке төленетiн басқа да мiндеттi төлемдер жөнiндегi әкiмшiлiк ережелер туралы" N 43 Қазақстан Республикасы Мемлекеттiк кiрiс министрлiгiнiң 1999 жылғы 3 мамырдағы N 310 V990784_ бұйрығы. --------------------------------------------------- ІІІ бөлімде: 2 тармақтағы екiншi сөйлем мынадай редакцияда жазылсын:
"Нақты салық төлеушiге қатысты, сондай-ақ қылмыстық-iс жүргiзу заңдарында белгiленген жағдайларда кезектен тыс Қазақстан Республикасы Мемлекеттiк кiрiс министрiнiң нормативтiк бұйрығына сәйкес тексерулер жүргiзiледi.";
мынадай мазмұндағы 3-тармақпен толықтырылсын:
"3. Тексеру актiлерi бойынша есептелген салықтардың, алымдардың, басқа да мiндеттi төлемдердiң, айыппұлдар мен өсiмдердiң сомасы бойынша салық қызметi органы осы Нұсқаулықтың ХV бөлiмiне сәйкес хабарлама жазып бередi.".
IV бөлiмде:
1 тармақтағы "Қазақстан Республикасы Қаржы министрлiгiнiң Салық комитетi" деген сөздер "Қазақстан Республикасы Мемлекеттiк кiрiс министрлiгi Қаржы министрлiгiмен келiсiп" деген сөздермен ауыстырылсын;
6-тармақ алып тасталсын;
7-тармақтағы екiншi сөйлем алып тасталсын;
мынадай мазмұндағы IV-I бөлiммен толықтырылсын:
"IV-I. Салық салу мақсаттарына арналған тауарлардың (жұмыстардың, көрсетiлген қызметтердiң) бағаларын белгiлеу принциптерi
1. Егер осы бөлiмде өзгеше көзделмесе, тауарлардың (жұмыстардың, көрсетiлген қызметтердiң) салық салу мақсатына арналып, мәмiле тараптары көрсеткен бағалары қабылданады.
2. Салық органдары тек мынадай жағдайларда ғана мәмiле бойынша бағаның дұрыс қолданылуын бақылауға құқылы:
1) байланысқан тараптардың араларында;
2) тауар айырбасы бойынша (баспа-бас айырбас операциялар бойынша);
3) тоқсан шегiнде тауарларға (жұмыстарға, көрсетiлген қызметтерге) ұқсас (бiртектi) салық төлеушi қолданатын баға деңгейiнiң едәуiр өзгерiсi ( кез келген жағында 20 проценттен асса) кезiнде.
4) резидент еместер көрсеткен (орындаған) импортталатын тауарлардың, қызметтердiң баға деңгейi ұқсас (бiртектi) тауарлардың (жұмыстардың, көрсетiлген қызметтердiң) нарықтық бағасы деңгейiнен едәуiр асқан жағдайда (20 % артық).
3. Осы бөлiмдегi 2-тармақтың 1)-3) тармақшаларында көрсетiлген жағдайларда, мәмiле тараптары қолданған тауарлардың (жұмыстардың, көрсетiлетiн қызметтердiң) бағалары ұқсас (бiртектi) тауарлардың (жұмыстардың, көрсетiлген қызметтердiң) нарықтық бағаларынан 20 проценттен астам ауытқыса (кез келген жағына), салық органы салықтар мен айыппұл санкцияларын қосып төлеу туралы шешiм шығара алады, бұл мәмiлелердiң нәтижелерi нарықтық баға ескерiле отырып есептелген негiзде есеп айырылысады. Мәмiленiң нарықтық бағасын анықтау үшiн осы бөлiмнiң 4-13-тармақтарында көзделген жағдайлар есепке алынады;
Осы бөлiмнiң 2-тармағындағы 4) тармақшасында аталған жағдайларда, резидент еместер көрсеткен (орындаған) импортталатын тауарлардың, қызметтердiң (жұмыстардың) бағалары ұқсас (бiртектi) тауарлардың (жұмыстардың, көрсетiлген қызметтердiң) нарықтық баға деңгейiнен едәуiр асса (20%-тен астам), салықтар мен айыппұл санкцияларын қосып төлеу туралы шешiм шығара алады, бұл мәмiлелердiң нәтижелерi нарықтық баға ескерiле отырып есептелген негiзде есеп айырылысады. Мәмiленiң нарықтық бағасын анықтау үшiн осы тараудың 4-13-тармақтарында көзделген жағдайлар есепке алынады.
4. Тауардың (жұмыстың, көрсетiлетiн қызметтiң) нарықтық бағасы салыстырмалы экономикалық (коммерциялық) жағдайлардағы сұраныс пен ұсыныстың өзара қатынасында нарықтағы ұқсас (жоқ болатын болса бiртектi) тауарлардың қалыптасқан бағасы қабылданады.
5. Тауарлар (жұмыстар, қызмет көрсетулер) нарығы болып Қазақстан Республикасының аумағында немесе Қазақстан Республикасынан тысқары жердегi сатып алушыға қатысты жақын жерде тауарларды (жұмыстарды, көрсетiлетiн қызметтердi) сатып алушының нақты және едәуiр қосымша шығындарсыз сатып алу мүмкiндiгi ескерiлетiн осы тауарлар (жұмыстар, көрсетiлетiн қызметтер) айналыс сапасы танылады.
6. Салық салу мақсаттары үшiн мыналар байланысты тараптар болып танылады:
Өз қызметi немесе олар өкiлдiк ететiн тұлғалардың қызметiнiң жағдайларына немесе экономикалық нәтижелерiне олардың арасындағы қатынастар тiкелей әсер етуi мүмкiн жеке адамдар және (немесе) заңды тұлғалар,атап айтқанда:
1) бiр тұлға басқа тұлғаның мүлiгiне қатысады, мұндай қатысудың үлесi 33 проценттен астамын құрайды;
2) тұлғалар Қазақстан Республикасының заңдарына сәйкес некелiк қатынастарда, туыстық немесе жекжаттық қатынастарда, асырап алушы және асыранушы, сонымен қатар қамқоршылық және қорғаншылық қатынастарында болса.
7. Оларға тән бiрдей белгiлерi бар тауарлар (жұмыстар, қызмет көрсетулер) бара-бар деп танылады.
Тауарлардың (жұмыстардың, көрсетiлген қызметтердiң) бара-барлығын анықтау кезiнде олардың физикалық сипаттамалары, рыноктағы сапасы мен беделi, шыққан елi және өндiрушi ескерiледi.
8. Бiртектi деп бара-бар болмағанымен ұқсас сипаттамалары және ұқсас бөлiктерден тұратын, мұның өзi оларға сондай функциялар атқаруға мүмкiндiк беретiн және коммерциялық жағынан бiрiн-бiрi ауыстыра алатын тауарлар (жұмыстар, қызмет көрсетулер) танылады.
Тауарлардың (жұмыстардың, қызмет көрсетулердiң) бiртектiлiгiн анықтау кезiнде олардың сапасы, тауарлық белгiсi барлығы, рыноктағы беделi, шыққан елi ескерiледi.
Рыноктағы бара-бар (олар жоқ болған жағдайда бiртектi) тауарлар (жұмыстар, қызмет көрсетулер) мәмілелерiнiң экономикалық (коммерциялық) жағдайлары салыстырмалы деп танылады, егер осындай жағдайлар айырмашылықтары бағаға әсер етпейтiн болса немесе осы бөлiмнiң 10-тармағына сәйкес түзетiлуi мүмкiн болса.
9. Тауарлардың (жұмыстардың, қызмет көрсетулердiң) рыноктық бағаларын анықтау кезiнде байланысты болып табылмайтын тараптардың арасындағы мәмiлелер назарға алынады. Байланысты тараптардың арасындағы мәмiлелер мынадай жағдайда, егер тараптардың байланыстылығы осындай мәмiлелердiң нәтижелерiне әсер етпесе, назарға алынуы мүмкiн.
10. Тауардың (жұмыстардың, қызмет көрсетулердiң) рыноктық бағасын анықтау кезiнде салыстырмалы жағдайларда бара-бар (бiртектi) тауарлармен (жұмыстармен, қызмет көрсетулермен) осы тауарды (жұмысты, қызмет көрсетудi) сату кезiнде жасалған мәмiлелер туралы ақпарат ескерiледi.
Мәмiлелердiң бара-бар (бiртектi) тауарлармен (жұмыстармен, қызмет көрсетумен) салыстырмалы жағдайын анықтау кезiнде мынадай жағдайлар ескерiледi: берiлетiн тауарлардың (мысалы, тауар партиясының көлемi) (жұмыстардың, қызмет көрсетулердiң) мөлшерi (көлемi), мiндеттемелердiң орындалу мерзiмi, әдетте осындай мәмiлелер түрiнде қолданылатын төлем шарты, сондай-ақ бағаға әсер етуi мүмкiн өзге де жағдайлар.
11. Бағаның деңгейiнiң ауытқу маңыздылығының дәрежесiн анықтау кезiнде тоқсан шегiндегi бара-бар (бiртектi) тауарлар (жұмыстар, қызмет көрсетулер) бойынша салық төлеушi қолданатын мәмiле жасау кезiнде байланысты емес тараптардың арасындағы бағаға немесе шегерiмге, тауарлар (жұмыстар, қызмет көрсетулер) нарығындағы сұраныс пен ұсыныс факторлары ескерiлген үстеме есепке алынады.
Тараптардың мәмiлелерiнде көрсетiлген тауарлардың бағасына егер аталған шегерiмдер тауардың жарамдылығы мерзiмiнiң бiтуiмен мерзiмi аяқталуға таяу немесе тауарларды, маркетинг (баға) саясатын iске асыру, тауарларды (жұмыстар, қызмет көрсетулер) олар үшiн жаңа рынокқа жылжыту ұқсас үлгiсi жоқ нарықтағы жаңа өнiмдердi жылжыту кезiнде, сондай-ақ тұтынушыларды олармен таныстыру мақсатында тауарлардың тәжiрибелiк модельдерi мен үлгiлерiн сату кезiнде осы бөлiмнiң 3-тармағында көзделген ережелер қолданылмайды.
12. Мәмiлелер бойынша тауарлардың (жұмыстардың, қызмет көрсетулердiң) тиiстi нарығындағы бара-бар (бiртектi) тауарлардың (жұмыстардың, қызмет көрсетулердiң) болмауы немесе бұл нарықта осындай тауарларға (жұмыстарға, қызмет көрсетулерге) сұранымның жоқтығынан, сонымен қатар, нарықтық бағаны анықтауда ақпараттық көздердiң жетiспеушiлiгiнен не жоқтығынан тиiстi бағаны анықтау мүмкiн болмаған жағдайда мынадай әдiстер пайдаланылуы мүмкiн:
1) Өнiмдi кейiн сату бағасы әдiсi, мұнда тауарлар (жұмыстар, қызметтердiң) нарық бағасы сатып алушы кейiн сату (қайта сату) кезiнде осындай тауарларды (жұмыстар, қызметтердi) сатқан және сатып алушы тартқан шығындар мен оның үстеме бағасы расталған баға айырмасы ретiнде анықталады. Yстеме баға осы қызмет сапасы үшiн қалыптасқан орташа пайда нормасын қамтамасыз ететiндей болып анықталады;
2) Жұмсау әдiсiнде тауардың (жұмыстың, қызмет көрсетудiң) нарықтық бағасы жұмсалған шығын сомасы мен үстеме бағаның сомасы ретiнде анықталады Өндiрiске (сатып алуға) және (немесе) тауарлар (жұмыстар, қызмет көрсетулер) сатуға жұмсалған тура және жанама шығындар, тасымалдау, сақтау, сақтандыру және өзге де шығындар есепке алынады. Үстеме баға осы қызмет сапасы үшiн қалыптасқан орташа пайда нормасын қамтамасыз ететiндей болып анықталады.
13. Тауардың (жұмыстың, қызмет көрсетудiң) нарықтық бағасын анықтау мен тану кезiнде тауарлар (жұмыстар, қызмет көрсетулер) мен биржалық котировкаларға арналған нарықтық бағалар туралы ресми ақпарат көздерi, мемлекеттiк өкiмет органдарының ақпараттық базалары және салық төлеушiлердiң салық органдарына берген ақпараттары пайдаланылады.
14. Iстi қарау кезiнде сот осы бөлiмнiң 4-13 тармақтарындағы жағдайлармен шектелместен iс үшiн маңызы бар кез келген мән-жайларды ескеруге құқылы.
15. Осы тармақтың ережелерi жиынтық жылдық кiрiсi 100 000 айлық есептiк көрсеткiштен асатын салық төлеушiлерге қолданылады. Осы шектеу акциздеуге жататын тауарларды шығарушы не (немесе) сатушы не (немесе) тауарларды экспорттаушы салық төлеушiлерге, сондай-ақ осы бөлiмнiң 2-тармағының 4) тармақшасында көрсетiлген жағдайларда қолданылмайды.";
V бөлiмде:
1, 2 және 3-тармақтардағы "Салық қызметi" және "Қаржылар қызметi" деген сөздер "Аумақтық салық органы" және "мемлекеттiк кiрiс" деген сөздермен ауыстырылсын.
4 тармақтағы "салық қызметi" деген сөз "Аумақтық салық органы" деген сөздермен ауыстырылсын.
5 және 6 тармақтардағы "салық қызметi органдарында" және "салық қызметi органдары" деген сөздер тиісiнше "аумақтық салық органдарында" және "аумақтық салық органдары" деген сөздермен ауыстырылсын.
ІХ бөлiмде:
1 тармақта "Қаржы министрлiгi Салық комитетiнiң" деген сөздер "Мемлекеттiк кiрiс министрлiгi" деген сөздермен ауыстырылсын.
Х бөлiмде:
1 тармақтағы "салық қызметi органдарына" және " Қаржы министрлiгiнiң Салық комитетiмен" деген сөздер тиісiнше "аумақтық салық органдарына" және" Мемлекеттiк кiрiс министрлiгі Қаржы министрлiгiмен келiсiп" деген сөздермен ауыстырылсын.
1-тармақ мынадай мазмұндағы абзацпен толықтырылсын:
"- әлеуметтiк салық бойынша ай сайын келесi есептi мерзiмнiң 15-i күнiнен кешiктiрiлмей төленуi керек.
7 тармақта "Қаржы министрлiгі Салық комитетiмен" деген сөздер "Мемлекеттiк кiрiс министрлiгi" деген сөздермен ауыстырылсын.
"салық қызметi органдарына" және "салық қызметi органымен" деген сөздер "аумақтық салық органдарына" және "аумақтық салық органымен" деген сөздермен ауыстырылсын;
7-тармақ мынадай мазмұндағы абзацпен толықтырылсын:
"Салық декларацияларын қабылдау алдын-ала тексерiссiз салық органдарымен жүргiзiледi. Осында ұсынылған декларациядағы мәлiметтердiң растығы мен толықтығына салық төлеушi жауап бередi.";
Мынадай мазмұндағы 8-тармақпен толықтырылсын:
"8. 1) мемлекеттiк лауазымға немесе мемлекеттiк не оған теңестiрiлген мемлекеттiк мiндеттердi және оған теңестірiлген қызметтердi атқарумен байланысты, сондай-ақ мемлекеттiк қызмет бойынша көтерiлгенде лауазымға үмiткерлер салық органына тұрғылықты жерi бойынша мыналарды табыс етедi:
кiрiстер туралы декларацияны;
салық объектiсi болып табылатын, соның iшiнде Қазақстан Республикасы аумағынан тыс орналасқан, аталған мүлiктiң бағалау құны мен орналасқан жерiн көрсете отыра мүлiк туралы декларацияны;
мыналар туралы мәлiметтердi:
банктiк мекемелердегi салымдар және құнды қағаздар туралы, оның iшiнде банк мекемесiн көрсете отырып Қазақстан Республикасы аумағынан тыс орналасқан, сонымен қатар сол тұлғалар өздерi не басқа бiр тұлғалармен бiрге иелiк ете алатын қаржы қаражаты туралы;
акционер немесе құрылтайшы (қатысушы) ретiнде заңды тұлғалардың жарғылық капиталындағы қатысу мөлшерiн және толық банктiк және аталған ұйымдардың басқа деректемелерiн көрсете отырып өзiнiң тура және жанама қатысуы туралы;
трасттар мен мемлекеттер туралы, оларда сәйкес банктiк шоттардың нөмiрлерi көрсетiле отырып тiркелген болса, егерде тұлға не оның зайыбы (әйелi) осы трасттардың бенефициары болып табылса;
басқа ұйымдардың атаулары мен деректемелерiнде олардың тұлғаға немесе оның зайыбына (әйелiне) тиесiн айлық есептiк көрсеткiштiң мөлшерiнен мың есе артық материалдық немесе қаржылық қаражаттың мазмұны мен уақытша сақталуы жөнiнде шарттық қатынастары, келiсiмдерi және мiндеттемелерi (оның iшiнде және ауызша) бар болатын болса;
2) мемлекеттiк қызметтегi адамдар жыл сайын өздерiнiң өкiлеттерiн орындау кезiнде, сонымен қатар терiс уәждер бойынша мемлекеттiк қызметтен босатылған адамдар босағаннан кейiн үш жыл iшiнде салық заңдарында белгiленген тәртiп бойынша тұрғылықты жерi бойынша салық органына декларация ұсынады;
3) мемлекеттiк қызметке немесе мемлекеттiк не оған теңестiрiлген мiндеттердi орындаумен байланысты, немесе мемлекеттiк қызметтi атқарушылар болып табылатын үмiткердiң зайыбы (әйелi) тұрғылықты жерi бойынша Қазақстан Республикасының аумағы мен одан тысқары орналасқан және салық салу объектiсi болып танылатын кiрiстер мен мүлiк туралы декларациялар табыс етедi;
4) 1), 2) тармақшаларында аталған тұлғалар тиiсiнше өздерi қызметке кiруге үмiткер органға немесе жұмыс орнынан 1), 2), 3) тармақшаларында атап өтiлген декларациялар мен мәлiметтердi алғандығы туралы салық органынан анықтама табыс етедi.
ХI бөлiмде:
үшiншi абзацтағы "Қазақстандағы тұрақты мекеме көрсеткен қызмет көрсетулер үшiн кiрiстер, егер" деген сөздер "Қазақстандағы тұрақты мекеменiң жұмыстарды орындаудан және қызмет көрсетулерден алынған кiрiстерi, егер" деген сөздермен ауыстырылсын;
Төртiншi абзацтағы "қызмет көрсеткен" деген сөздер "жұмыстарды, қызмет көрсетулердi жүзеге асырған" деген сөздермен ауыстырылсын.
ХІІI бөлiмде:
1-тармақтың екiншi абзацындағы "(вексельден басқа)" деген сөздер "(вексель және олардың негiзiнде және көмегiмен банк шоттарындағы қолма-қол ақшаны банк қабылдайтын және беру жүргiзiлетiн төлем құжаттарынан басқа)" сөздерiне ауыстырылсын;
бесiншi абзацтан кейiн мынадай мазмұндағы алтыншы абзацпен толықтырылсын:
"салық органында көрсетiлген инкассалық тапсырманы (өкiмдi) салық төлеушi мен оның дебиторы толық төлеуi үшiн банктiк шотта ақша жетiспеген жағдайда салық органының инкассалық тапсырмасы(өкiмi) салық төлеушiнiң және оның дебиторының тиiсiнше банк шотына ақшаның келiп түсуiне қарай жүргiзiледi.";
"5" және "172" цифрлары тиiсiнше "4" және "171" цифрлармен ауыстырылсын;
соңғы абзацтағы "Қаржы министрлiгiнiң Салық комитетімен" сөздерi "Мемлекеттiк кiрiс министрлiгi" сөздерiмен ауыстырылсын. ХV бөлiмде: ХV бөлiмнiң атауы мен 1-тармақ мынадай редакцияда жазылсын: "ХV. Салықтардың, алымдардың және басқа да мiндеттi төлемдер сомаларының есептелуi туралы жазбаша хабарлама 1. Салық қызметi салықтар, алымдар және басқа да мiндеттi төлемдердiң жүргiзiлген құжаттық және камеральдық тексерiс нәтижелерi бойынша есептелген жағдайда салық төлеушiге мынадай мазмұндағы мәлiметтердi жазбаша хабарлап табыстайды: салық төлеушiнiң тегi, аты және әкесiнiң аты (немесе атауы); салық төлеушiнiң тiркеу нөмiрi; жазбаша хабарлама жасалған күнi; салықтардың, алымдардың, басқа да мiндеттi төлемдердiң және айыппұл санкцияларының есептелген сомасы; төленгенi туралы талап және төлеудiң мерзiмi; төлеудiң орны мен тәсiлi; шағым беру тәртiбi. Жазбаша хабарламаны тапсыру рәсiмi осы Нұсқаулықтың VI бөлiмiндегi 1, 2 тармақтарда жазылған.". ХVI бөлiмде: Бөлiмнiң атауы келесi редакцияда жазылсын: "ХVI. Салықтарды, алымдарды және басқа да мiндеттi төлемдердi төлеу"; 1-тармақтағы "салықтар" деген сөзiнен кейiн "алымдар және басқа да мiндеттi төлемдер" деген сөздермен толықтырылсын; а) тармақшасындағы 2-абзац алып тасталсын;
б) тармақшасындағы бiрiншi абзацтағы "жиырма бесi күнi" деген сөздерден кейiн "айында" деген сөзбен толықтырылсын және абзац "өткен тоқсан бойынша салықтың алтыдан бiр мөлшерi сомасында немесе салық төлеушiнiң қалауы бойынша өткен онкүндiк үшiн нақты айналымы бойынша" деген сөздермен толықтырылсын;
б) тармағындағы бесiншi абзац мынадай редакцияда жазылсын:
"- тiркелмеген резидент емес үшiн Қазақстан Республикасының резидентi бюджетке салық төлеудi тауарлар (жұмыстар, қызмет көрсетулер) беру жүргiзiлген сол есептi кезеңде жүргiзедi";
в) тармақшасындағы "iшуге арналған этил спиртi мен тағамдық шикiзаттан өндiрiлген тазартылған этил спиртi" деген сөздер "спирттiң барлық түрлерiне" деген сөздермен ауыстырылсын;
"өңделген және өңделмеген елтiрi терiлерi (көртышқанның, қоянның, иттiң, бұғының және қойдың терiлерiнен басқа); пальтоны, шолақ пальтоны, жәкеттердi, жамылғыларды, палантиндердi, боаны, шарқаттарды, бас киiмдер мен жағаларды, тондарды, пластиналарды (көртышқанның, қоянның, иттiң, бұғының және қойдың терiлерiнен басқа) қоса табиғи терi бұйымдарын; пальтоны, шолақ пальтоны, жәкеттердi, елтiрi қолданылып өңделген жамылғыларды (көртышқанның, қоянның, иттiң, қойдың терiлерiнен басқа); табиғи былғарыдан жасалған киiм-кешек" деген сөздер алып тасталсын; "оқ ату және газ қаруы (мемлекеттiк өкiмет органдарының қажетi үшiн сатып алынғандардан басқа)" деген сөздерден кейiн "газ конденсатын қоса шикi мұнай, электр энергиясы" деген сөздермен толықтырылсын; мынадай мазмұндағы к) тармақшасымен толықтырылсын: к) әлеуметтiк салық бойынша: - төлеу ай сайын, айдың екiншi жартысы үшiн жалақы төлеу үшiн белгiленген мерзiмде, бiрақ жалақының төленгенiне қарамастан келесi айдың 15-күнiнен кешiктiрiлмей жүргiзiледi.". ХVII бөлiмде: 3-тармақта: "Қазақстан Республикасының Қаржы министрлiгi" деген сөздер "Қазақстан Республикасының Мемлекеттiк кiрiс министрлiгi" деген сөздермен ауыстырылсын; "90" цифры "60" цифрымен ауыстырылсын; 7-тармақ алып тасталсын. ХVIII бөлiмде: 2-тармақтағы мысалдан кейiн мынадай мазмұндағы абзацпен толықтырылсын:
"Қызметiнiң бiрден бiр түрi жылу өндiру, бөлу және тасымалдау салаларында қызмет көрсету болып табылатын заңды тұлғаларға салық және (немесе) айыппұл санкцияларын төлеуге мерзiм ұзартылған кезде мұрсат беру кезеңiне өсiм есептелмейдi".
ХIХ бөлiмде:
2-тармақтағы "1998 жылдың 1 қаңтарына дейiн" деген сөздер "2001 жылдың 1 қаңтарына дейiн" деген сөздермен ауыстырылсын.
ХХ бөлiмде:
ХХ бөлiм мынадай редакцияда жазылсын:
"ХХ. Салықтар, алымдар және басқа да мiндеттi төлемдер бойынша төленбеген қарыздарды салық қызметi органдарының өндiрiп алуы";
"1.Салықтарды, алымдарды және басқа да мiндеттi төлемдердi төлеу мемлекет алдындағы борыш болып табылады.
2. Қазақстан Республикасының салық заңдарында белгiленген мерзiмде аумақтық салық органдарына ұсынылған декларациялар мен (немесе) есептесулер бойынша салық төлеушi есептеумен салықтар немесе ағымдағы және аванстық төлемдер, сондай-ақ алымдар мен басқа да мiндеттi төлемдердi төлемеген жағдайда, аумақтық салық органдары салық төлеушiнiң шоттарындағы қаражатты салық төлеушiнiң келiсiмiнсiз салықтар, ағымдағы және аванстық төлемдер, алымдар, басқа да мiндеттi төлемдер және өсiмдер бойынша құралған қарыздар көлемiнде өндiрiп алуға құқылы.
3. Салық қызметi органының тексеру актiлерi бойынша Қазақстан Республикасының салық заңдарында белгіленген мерзiмде бюджет кiрiсiне салықтардың, алымдардың, басқа да мiндеттi төлемдердiң, айыппұлдар мен өсiмдердiң есептелген сомалары төленбеген жағдайда, аумақтық салық органдары егер салық төлеушi осындай төлем сомасына келiсетiн болса, тексеру актiлерi бойынша есептелген салық төлеушiнiң банк шотындағы қаражат сомасы мөлшерiнде өндiрiп алуға құқылы.
4. Тексеру актiсi бойынша анықталған және есептелген салықтар, алымдар, басқа да мiндеттi төлемдер, айыппұлдар мен өсiмдер сомаларына осы Нұсқаулықтың ХХХI және ХХХII бөлiмдерiнде белгiленген тәртiппен 5 банк күнi iшiнде шағым бермеу осы бөлiмнiң 6-тармағы бойынша келiсу болып саналады.
Салық төлеушi осы тараудың 3 тармағына келiспеген жағдайда Нұсқаулықтың ХХХI және ХХХII тарауларында бекiтiлген тәртiппен 5 банк күнi iшiнде тексеру актiлерi бойынша салықтардың, алымдардың, басқа да мiндеттi төлемдердiң, айыппұлдар мен өсiмдердiң және анықталған шағым беру және есептелген сомаларға салық төлеушiнiң банк шотындағы көрсетiлген сомаларды өндiрiп алу тоқтатылады.
Тексеру актiсi бойынша салықтардың, алымдардың, басқа да мiндеттi төлемдердiң, айыппұлдар мен өсiмдердiң анықталған және есептелген сомаларын өндiрiп алу тексеру актiсi бойынша салықтардың, алымдардың, басқа да мiндеттi төлемдердiң, айыппұлдар мен өсiмдердiң есептелгенi туралы жазбаша хабарламада көрсетiлген төлем мерзiмi не өсiм есептелiп, ХХХI бөлiмде белгiленген тәртiппен және шарттармен салық төлеушiнiң келiсiмiнсiз жүргізiледi.
5. Салық төлеушiнiң банк шоттарында қаражат болмаған жағдайда аумақтық салық органдары салық төлеушiнiң алдында қарызы бар екенiн растайтын салық төлеушi мен оның дебиторының арасындағы өзара есеп айырысуларды салғастыру актiсi болса, салықтар, алымдар, басқа да мiндеттi төлемдер, айыппұлдар мен өсiмдердi және (немесе) құралған қарыздары шегiнде оның дебиторларының банк шоттарынан салық қызметiнiң тексеру актiсi бойынша есептелген салықтар, алымдар, басқа да мiндеттi төлемдер, айыппұлдар мен өсiмдердiң сомаларын өндiрiп алуға құқылы.";
ХХVI бөлiмде:
бiрiншi абзацта "Егер Қазақстандағы тұрақты мекеме көрсеткен қызметтер үшiн кiрiстерi..." деген сөздер "Егер Қазақстандағы мекеменiң жұмыстар атқару мен қызметтер көрсетуден кiрiстерi..." деген сөздермен ауыстырылсын; екiншi абзацта "қызметтер көрсеткен" деген сөздер "жұмыстар, қызметтердi iске асырған" деген сөздермен ауыстырылсын; ХХVII бөлiмде: 2-тармақтың 3-абзацында "91" цифры "61" цифрымен ауыстырылсын; 2-тармақтың соңғы абзацында "өзгерiстерiмен (есеп)" деген сөздер "осы нұсқаулықтың Х бөлiмiнiң 2-тармағына сәйкес жасалған" деген сөздермен ауыстырылсын. ХХVIII бөлiмде: төртiншi абзац алып тасталсын. ХХIХ бөлiмде: 1-тармақта "100" цифры "50" цифрымен ауыстырылсын; 1-тармақ мынадай мазмұнмен толықтырылсын: "Көрсетiлген айып көлемi декларацияның қай есеп мерзiмiне өткiзiлгенiне қарамастан 01.04.99 ж. қолданылады."; 2-тармақтың үшiншi абзацында "1/9" цифры "1/6" цифрымен ауыстырылсын; 4-тармақта: "енгiзiлген" деген сөз "есептелген" деген сөзбен ауыстырылсын; мынадай мазмұндағы екiншi абзацпен толықтырылсын:
"Мұның өзiнде, егер бiр жылдағы табыс салығының нақты есептелген сомасы жыл iшiнде алдын ала есептелген төлемдердiң сомасынан асуы бюджетке төленетiн соманың жетiспеуiне әкеп соқса, айыппұл санкциялары қолданылады."
5-тармақ мынадай мазмұндағы абзацпен толықтырылсын:
"қазақстандық көзден кiрiс алатын, Қазақстан Республикасының аумағында тауарларды (жұмыстарды, қызметтердi) iске асыратын, Қазақстан Республикасының аумағында тiркелген резидент емес тұлғаның қосылған құн салығын төлемегенi үшiн Қазақстан Республикасының резидентiне тиесiлi салық сомасының 100 процентi мөлшерiнде айыппұл салынады.".
ХХХI бөлiмде:
2 және 3-тармақтарда "30" цифры "10" цифрымен ауыстырылсын;
мынадай мазмұндағы 3-1-тармағымен толықтырылсын:
"3-1. Егер тексеру актiсi бойынша есептелген салықтар, алымдар және басқа да мiндеттi төлемдер, айыппұлдар мен өсiмдер сомалары туралы салық төлеушiге хабарланған күннен бастап 30 банк күнi өткеннен кейiн салық төлеушiнiң өтiнiшi қанағаттандырылмаса немесе салық төлеушi салық қызметi органының шешiмiне сотқа шағым бермесе, аумақтық салық органы салық қызметi органының тексеру актiсi бойынша есептелген салықтар, алымдар және басқа да мiндеттi төлемдер, айыппұлдар мен өсiмдер сомаларын салық төлеушiнiң келiсiмiнсiз оның банктiк шоттарынан өндiрiп алуға құқылы.
Егер хабарланған күннен бастап 30 күннiң iшiнде салық төлеушi салық қызметi органының шешiмiне сотқа шағым берсе, аумақтық салық органы соттың шешiмi бойынша күшi бар (заңды)деп танылып, салық қызметi органының тексеру актiсi бойынша есептелген салықтар, алымдар және басқа да мiндетті төлемдер, айыппұлдар мен өсiмдер сомаларын салық төлеушiнiң келiсiмiнсiз оның банктiк шоттарынан өндiрiп алуға құқылы.";
4-тармақтың бiрiншi абзацы алынып тасталсын.
Мынадай қосымшалар алып тасталсын:
1. "Кәсіпкерлік қызметпен айналысатын жеке адамдарға арналған салық салудың оңайлатылған режимі туралы ереже" N 1 қосымша оған қоса берілген N 1 - N 6 қосымшаларымен;
2. "Олар үшін жер негізгі өндіріс құралы болып табылатын шаруа (қожалық) шаруашылықтары мен ауыл шаруашылығы тауар өндірушілеріне салық салудың оңайлатылған режимі туралы" N 2 қосымша оған қоса берілген N 1 - 4 қосымшалармен. "Жанама әдістердің тәсілдерінің бірін қолдану негізінде салық салу объектісін айқындау тәртібі" N 3 қосымшаның бесінші абзацында "салық комитетіне" деген сөздер "аумақтық салық органына" деген сөздермен ауыстырылсын. "Салық салу мақсатында шетелдік заңды тұлғаларды есепке алу мен тіркеу тәртібі" N 4 қосымшаның 4-тармағында және оған қоса берілген N 1 және N 2 нысандарында "Мемлекеттік салық комитетінің" деген сөздер "Мемлекеттік кіріс министрлігінің" деген сөздермен ауыстырылсын. Оқығандар: Омарбекова А. Қасымбеков Б.