Монреальда 1980 жылғы 6 қазанда жасалған Халықаралық азаматтық авиация туралы конвенцияны өзгертуге қатысты хаттама (83-bis бап) бекітілсін.
Қазақстан Республикасының
Президенті
Халықаралық азаматтық авиация туралы конвенцияны
өзгертуге қатысты
ХАТТАМА
(2002 жылғы 10 қыркүйекте күшіне енді - ҚР СІМ-нің ресми сайты)
(1980 жылғы 6 қазанда Монреальда қол қойылды)
ХАЛЫҚАРАЛЫҚ АЗАМАТТЫҚ АВИАЦИЯ ҰЙЫМЫНЫҢ АССАМБЛЕЯСЫ,
1980 жылғы 6 қазанда Монреальда өзiнiң 23-сессиясына ЖИНАЛЫП,
әуе кемелерiн жалға, кiреге алу және халықаралық ұшуларды орындау кезiнде оларды алмасу туралы А21-22 және А22-28 қарарларды НАЗАРҒА АЛА ОТЫРЫП,
Заң комитетiнiң 23-сессиясы дайындаған Халықаралық азаматтық авиация туралы конвенцияға түзетудiң жобасын НАЗАРҒА АЛА ОТЫРЫП,
Уағдаласушы мемлекеттер әуе кемелерiн жалға, кiреге алу және оларды алмасу немесе мұндай әуе кемелерiне қатысты қандай да болмасын осындай iс-әрекет жасалған жағдайда тiркелген мемлекетiнiң белгiлi бiр функциялары мен міндеттерiн әуе кемесiн пайдаланушының мемлекетiне беру туралы ереженi әзiрлеуге ортақ ниет бiлдіретiндiгiн АТАП КӨРСЕТЕ ОТЫРЫП,
1944 жылғы 7 желтоқсанда Чикагода жасалған Халықаралық азаматтық авиация туралы конвенцияны жоғарыда көрсетiлген мақсаттарда өзгерту қажет деп ЕСЕПТЕЙ ОТЫРЫП,
1. Жоғарыда аталған Конвенцияның 94 а) бабының ережелерiне сәйкес көрсетiлген Конвенцияға ұсынылған мынадай түзетудi БЕКIТЕДI:
83-баптан кейiн мынадай жаңа 83-bis бап қосылсын:
"83-bis бап
Белгілі бір функциялар мен міндеттерді беру
а) Уағдаласушы мемлекетте тiркелген әуе кемесi әуе кемелерiн жалға, кiреге алу немесе өзара алмасу шартына сәйкес немесе егер оның мұндай қызмет орны болмаса, негiзгi қызмет орны басқа Уағдаласушы мемлекетте орналасқан пайдаланушының кез келген осындай шартына сәйкес пайдаланылатын жағдайда 12, 30, 31 және 32 а) баптардың ережелерiне қарамастан, тiркелген мемлекетi осындай басқа мемлекетпен келiсiм бойынша оған 12, 30, 31 және 32 а) баптарда көзделген осы әуе кемесiне қатысты тiркеу мемлекетi ретiндегi өзiнiң функциялары мен мiндеттерiнiң бәрiн немесе бiр бөлiгiн бере алады. Тiркелген мемлекетi берiлген функциялар мен мiндеттерге қатысты жауапкершiлiктен босатылады.
b) Беру көзделген мемлекеттердің арасындағы келiсiм Кеңесте тiркелгенге және 83-бапқа сәйкес жарияланғанға дейiн немесе келiсiмнiң бар екендiгi және оның мәнi туралы екiншi мүдделi Уағдаласушы мемлекеттiң өкiметiне немесе мемлекет келiсiмнiң тарапы-мемлекетке тiкелей хабарлағанға дейiн беру басқа Уағдаласушы мемлекеттерге қатысты қолданылмайды.
с) Жоғарыда айтылған а) және b) тармақтарының ережелерi де 77-бапта көзделген жағдайларға да қолданылады".
2. Аталған Конвенцияның айтылған 94 а) бабының ережелерiне сәйкес жоғарыда айтылған түзету оны тоқсан сегіз Уағдаласушы мемлекет бекiткеннен кейiн күшiне енеді деп БЕЛГIЛЕЙДI, және
3. Халықаралық азаматтық авиация ұйымының Бас хатшысы мәтiндерi бiрдей тең болып табылатын орыс, ағылшын, испан және француз тiлдерiнде және жоғарыда айтылған түзету мен төменде жазылған ережелердi қамтитын Хаттама жасайды деп ҚАУЛЫ ЕТЕДI:
а) Хаттамаға Ассамблеяның Төрағасы мен оның Бас хатшысы қол қояды;
b) Хаттама айтылған Халықаралық азаматтық авиация туралы конвенцияны бекіткен немесе оған қосылған кез келген мемлекеттiң бекiтуi үшiн ашық;
с) бекiту грамоталары Халықаралық азаматтық авиация ұйымына сақтауға тапсырылады;
d) Хаттама оны бекiткен мемлекеттерге қатысты тоқсан сегізінші бекiту грамотасы сақтауға тапсырылған күнi күшiне енедi;
е) Бас хатшы барлық Уағдаласушы мемлекеттерге Хаттаманы бекiту туралы әрбiр құжаттың сақтауға тапсырылған күнi туралы дереу хабарлайды;
f) Бас хатшы барлық мемлекеттерге - аталған Конвенцияның қатысушыларына Хаттаманың күшiне енген күнi туралы дереу хабарлайды;
g) Хаттаманы жоғарыда көрсетiлген күннен кейiн бекiткен кез келген Уағдаласушы мемлекетке қатысты Хаттама олар өздерiнiң бекiту грамоталарын Халықаралық азаматтық авиация ұйымына сақтауға тапсырғаннан кейiн күшiне енедi.
ОСЫНЫҢ НӘТИЖЕСIНДЕ Ассамблеяның жоғарыда көрсетiлген iс-қимылдарына сәйкес,
Осы Хаттаманы Ұйымның Бас хатшысы жасады,
ОСЫНЫ КУӘЛАНДЫРУ YШIН, оған Ассамблея уәкiлеттендiрген Халықаралық азаматтық авиация ұйымы Ассамблеяның жоғарыда айтылған жиырма үшiншi сессиясының Төрағасы мен Бас хатшысы осы Хаттамаға қол қойды,
бiр мың тоғыз жүз сексенінші жылдың қазан айының алтыншы күнi Монреальда орыс, ағылшын, испан және француз тiлдерiнде бiр құжат түрiнде ЖАСАЛДЫ және де олардың әрқайсысындағы мәтiн бiрдей тең болып табылады. Осы Хаттама Халықаралық азаматтық авиация ұйымының мұрағатында сақтауға қалдырылады, ал оның куәландырылған көшiрмесiн Ұйымның Бас хатшысы барлық мемлекеттерге - бiр мың тоғыз жүз қырық төртiншi жылдың желтоқсан айының жетiншi күнi Чикагода жасалған Халықаралық азаматтық авиация туралы конвенцияның тараптарына жолдайды.
Ассамблеяның 23-ші Бас хатшы сессиясының Төрағасы
Мамандар:
Қасымбеков Б.А.
Жұманазарова А.Б.
