«Құрылықтық қайраңда орналасқан стационарлық платформалар
қауіпсіздігіне қарсы бағытталған заңсыз іс-әрекеттермен күрес
туралы хаттамаға 2005 жылғы хаттаманы ратификациялау туралы»
Қазақстан Республикасының 2016 жылғы 15 наурыздағы № 473-V Заңына БАСПАСӨЗ ХАБАРЛАМАСЫ
Қазақстан Республикасының 2016 жылғы 15 наурыздағы № 473-V Заңымен Құрылықтық қайраңда орналасқан стационарлық платформалар қауіпсіздігіне қарсы бағытталған заңсыз іс-әрекеттермен күрес туралы хаттамаға 2005 жылғы хаттамасы ратификацияланды.
2003 жылы Қазақстан Республикасы Римде 1988 жылғы 10 наурызда жасалған Құрылықтық қайраңда орналасқан стационарлық платформалар қауіпсіздігіне қарсы бағытталған заңсыз іс-әрекеттермен күрес туралы хаттамаға қосылған.
2005 жылдың 14 қазанында Лондонда осы Хаттамаға өзгерістер енгізілді.
Құрылықтық қайраңда орналасқан стационарлық платформалар қауіпсіздігіне қарсы бағытталған террористік іс-әрекеттердің алдын алу және жолын кесу, қылмыскерлерді жазадан бұлтартпауды қамтамасыз ету бойынша ынтымақтастық үшін халықаралық-құқықтық негізін құру Хаттамаға 2005 жылғы хаттаманың мақсаты болып табылады.
Заңды қабылдау халықаралық терроризмге қарсы күресте Қазақстанның шет елдермен тәжірибелік іс-қимылдың тиімділігін арттыруды, Қазақстан Республикасының құрылықтық қайраңында орналасқан теңіз кемелерінің және жасанды құрылыстардың қауіпсіздігіне құқықтық кепілдіктерді күшейтуді қамтамасыз етуге мүмкіндік береді.
Қазақстан Республикасының
Энергетика министрлігі
