Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидаларын бекіту туралы

Жаңартылған

Қазақстан Республикасы Инвестициялар және даму министрінің м.а. 2015 жылғы 25 тамыздағы № 883 бұйрығы. Қазақстан Республикасының Әділет министрлігінде 2015 жылғы 4 желтоқсанда № 12353 болып тіркелді.

      "Автомобиль көлiгi туралы" 2003 жылғы 4 шілдедегі Қазақстан Республикасы Заңының 13-бабының 23-16) тармақшасына сәйкес және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

      Ескерту. Кіріспе жаңа редакцияда – ҚР Индустрия және инфрақұрылымдық даму министрінің м.а. 15.05.2020 № 298 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Қоса беріліп отырған Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидалары бекітілсін.

      2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

      1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында және "Әділет" ақпараттық-құқықтық жүйесіне ресми жариялауға жіберуді;

      3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында қарастырылған іс-шаралардың орындалуы туралы мәліметтерді бес жұмыс күні ішінде ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының
Инвестициялар және даму
министрінің міндетін атқарушы
С. Сарсенов

      "КЕЛІСІЛДІ":

      Қазақстан Республикасының

      Қаржы министрі

      ________________ Б. Сұлтанов

      2015 жылғы 7 қазан

      "КЕЛІСІЛДІ":

      Қазақстан Республикасының

      Ұлттық экономика министрі

      ________________ Е. Досаев

      2015 жылғы 4 қараша

  Қазақстан Республикасы
Инвестициялар және даму
министрінің міндетін
атқарушының
2015 жылғы 25 тамыздағы
№ 883 бұйрығымен
бекітілген

Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидалары

      Ескерту. Қағидалар жаңа редакцияда - ҚР Көлік министрінің м.а. 05.12.2023 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидалары (бұдан әрі – Қағидалар) "Автомобиль көлігі туралы" Қазақстан Республикасының Заңы (бұдан әрі – Заң) 13-бабының 23-16) тармақшасына және "Мемлекеттік көрсетілетін қызметтер туралы" Қазақстан Республикасының Заңы (бұдан әрі – Мемлекеттік көрсетілетін қызметтер туралы заң) 10-бабының 1) тармақшасына сәйкес әзірленген және әлеуметтік маңызы бар жолаушылар тасымалын жүзеге асырумен байланысты тасымалдаушылардың залалдарын бюджет қаражаты есебінен субсидиялау және "Ауданаралық (қалааралық облысішілік), ауданішілік, қалалық (ауылдық) және қала маңындағы әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау" мемлекеттік қызмет көрсету тәртібін айқындайды.

      2. Қоғамның әлеуметтік-экономикалық жағдайына ықпал ететін және тарифтердің қолжетімділік деңгейі мен Қазақстан Республикасының аумағы бойынша халықтың еркін жүріп тұру мүмкіндігін қамтамасыз ету мақсатында ұйымдастырылатын тұрақты қатынастардағы жолаушыларды тасымалдау әлеуметтік мәні бар тасымалдар деп танылады.

      3. Субсидиялауға тарифтерін облыстардың, Астана, Алматы және Шымкент қалаларының жергілікті атқарушы органдары (бұдан әрі – жергілікті атқарушы орган) белгілейтін әлеуметтік маңызы бар қатынастары арқылы тасымалдауды орындау нәтижелері бойынша пайда болған тасымалдаушының шығындары жатады.

      4. Егер "Тұрақты маршруттар бойынша жолаушылар мен багажды тасымалдау жөнінде қызмет көрсетуге тарифтер есептеу әдістемесін бекіту туралы" Қазақстан Республикасы Көлік және коммуникация министрінің 2011 жылғы 13 қазандағы № 614 бұйрығымен (Нормативтік құқықтық актілерді мемлекеттік тіркеу тізілімінде № 7297 болып тіркелген) бекітілген Тұрақты маршруттар бойынша жолаушылар мен багажды тасымалдау жөнінде қызмет көрсетуге тарифтер есептеу әдістемесіне (бұдан әрі – Әдістеме) сәйкес анықталған жолаушыларды тасымалдау тарифі мен жергілікті атқарушы органмен белгіленген әлеуметтік маңызы бар қатынастарына арналған тариф арасындағы айырма жергілікті бюджеттен субсидияланбаса, онда тариф шамасын жергілікті атқарушы орган Әдістемеге сәйкес анықтаған жолаушыларды тасымалдау тарифі деңгейінде белгілейді.

2-тарау. Субсидиялауға жататын автомобиль көлігімен жолаушылардың әлеуметтік мәні бар тасымалдары және субсидиялар мөлшерлері

      5. Егер жергілікті атқарушы орган белгілеген жолаушыларды тасымалдау тарифі Әдістемеге сәйкес анықталған жолаушыларды тасымалдау тарифінен төмен болса, аталған маршрут әлеуметтік мәні бар тасымалдаулар санатына жатады.

      6. Өзгерістер мен толықтырулар енгізілетін осы Қағидаларға 1-қосымшаға сәйкес нысан бойынша облыстардың, республикалық маңызы бар қалалардың, астананың жергілікті өкілдік органы айқындайтын тиісті әкімшілік-аумақтық бірліктің жергілікті атқарушы органы "Автомобиль көлігі туралы" Қазақстан Республикасы Заңының 14-бабы 1-тармағының 5) тармақшасына сәйкес субсидиялауға жататын әлеуметтік маңызы бар қатынастардың тізбесін жасайды.

      7. Тасымалдаушы тиісті әкімшілік-аумақтық бірліктің жергілікті атқарушы органына осы Қағидаларға 2-қосымшаға сәйкес нысан бойынша Әдістемеге сәйкес анықталған маршруттағы тариф есебін қағаз немесе электронды түрде, осы Қағидалардың 4-тарауына сәйкес автокөлік құралдарының маршрут бойынша жалпы жылдық жүрісіне (километр) сүйене отырып анықталған маршрут құны бойынша тасымалдаулар жүзеге асырылған жағдайда осы Қағидаларға 3-қосымшаға сәйкес нысан бойынша есебін ұсынады.

      8. Осы Қағидалардың 7-тармағына сәйкес тасымалдаушы ұсынған есептердің дұрыстығын анықтау және субсидиялауға жататын әлеуметтік маңызы бар хабарламалардың тізбесі бойынша ұсыныстарды қалыптастыру үшін тиісті әкімшілік-аумақтық бірліктің жергілікті атқарушы органы; әкiмнiң өкiмiмен маршруттың (ауданаралық (қала iшкi облыс iшi), аудан iшiндегi, қалалық (селолық) және қала маңы қатынасы) құнын айқындау жөнiндегi тарифтiк комиссияны немесе комиссияны (бұдан әрi – Комиссия) құрады.

      Комиссияға жергілікті атқарушы орган әкімінің орынбасары басшылық етеді. Комиссия құрамына жергілікті өкілдік және атқарушы органдардың (жолаушылар көлігі, экономика және бюджеттік жоспарлау мәселелері бойынша уәкілетті), өңірдің өңірлік ұлттық кәсіпкерлер палаталарының, заңды тұлғалардың автокөлік бірлестіктері мен қоғамдық бірлестіктердің, автомобиль көлігі саладағы өзін-өзі реттейтін ұйымдардың өкілдері (қарастырылып отырған маршрут ұйымдастырылған елді мекенде бар болса) кіреді. Комиссияның құрамына кәсіподақтардың, тұтынушылар құқығын қорғау қоғамдарының өкілдері кіруі мүмкін. Жергілікті өкілді және атқарушы органдар өкілдерінің жалпы саны Комиссия құрамының жартысынан аспайды.

      Комиссияның өкілеттік мерзімі бес жыл. Комиссияның өкілеттіктері аяқталғаннан кейін жергілікті атқарушы орган Комиссияның құрамына өзгерістер және (немесе) толықтырулар енгізеді және оны осы тармақтың талаптарына сәйкес әкімнің өкімімен бекітеді.

      Комиссия отырыстары аудио және (немесе) бейнежазбаны пайдалана отырып, Комиссия төрағасы мен мүшелерінің қатысуымен немесе қашықтан (қашықтықтан) форматта онлайн-трансляция режимінде өткізіледі.

      Мүдделер қақтығысы туындаған жағдайда, Комиссия төрағасы мен мүшелері "Сыбайлас жемқорлыққа қарсы күрес туралы" Қазақстан Республикасының Заңына сәйкес шаралар қолданады.

      9. Үміткерлердің жоқ болу себебіне байланысты екi реттен артық маршруттарға қызмет көрсету құқығына конкурстар өткiзiлмеген деп танылған халықтың әлеуметтiк маңызы бар тасымалдауға мұқтаждығы туындаған жағдайда, жергiлiктi атқарушы орган Комиссияның қарауына осы Қағидаларға 2-қосымшаға сәйкес нысан бойынша Әдістемеге сәйкес анықталған маршруттағы тариф есебін, осы Қағидалардың 4-тарауына сәйкес автокөлік құралдарының маршрут бойынша жалпы жылдық жүрісіне (километр) сүйене отырып анықталған маршрут құны бойынша тасымалдаулар жүзеге асырылған жағдайда осы Қағидаларға 3-қосымшаға сәйкес нысан бойынша маршрут құнының есебін енгізеді.

      Отырыстың нәтижелері бойынша Комиссия тарифтерді және (немесе) маршрут құнын айқындаудың дұрыстығын растайтын қағаз немесе электрондық нысанда хаттама қабылдайды, сондай-ақ осы тармақтың бірінші бөлігіне сәйкес жергілікті атқарушы органдардың есебін және (немесе) маршрут құнын алған күннен бастап 15 жұмыс күні ішінде әлеуметтік маңызы бар қатынастардың тізбесін жасайды.

      10. Мәселе туындаған жағдайда тариф анықтаудың дұрыстығын растау үшін Комиссия тасымалдаушыдан Әдістемеге 1-қосымша болып табылатын Жолаушыларды және багажды автомобильмен тұрақты тасымалдау тарифтерін қалыптастыруды экономикалық-математикалық моделі аясында тариф есептеуде қолданған құжаттар мен ақпаратты тек бір рет сұратады.

      Комиссия маршрут құнын анықтаудың дұрыстығын растау мақсатында сұрақтар туындаған жағдайда тасымалдаушыдан осы Қағидалардың 4-тарауына сәйкес маршруттың құнын айқындау кезінде пайдаланылған құжаттар мен мәліметтерді тек бір рет сұратады.

      Отырыстың нәтижелері бойынша Комиссия тарифтерді және (немесе) маршрут құнын айқындаудың дұрыстығын растайтын қағаз немесе электрондық нысанда хаттама қабылдайды, сондай-ақ осы Қағидалардың 7-тармағына сәйкес тасымалдаушыдан есептер түскен күннен бастап 15 жұмыс күні ішінде әлеуметтік мәні бар қатынастар тізбесін жасайды.

      Төтенше жағдай және карантиндік шектеулер кезеңінде әлеуметтік маңызы бар жолаушылар тасымалын жүзеге асыруға байланысты тасымалдаушылардың шығындарын субсидиялау нақты тасымалданған жолаушыларды ескере отырып, осы Қағидалардың 7-11-тармағына сәйкес есептік тарифті анықтау жолымен жүзеге асырылады. Комиссия тариф анықтаудың дұрыстығын осы Қағидалардың 7-тармағына сәйкес тасымалдаушыдан төлемдер түскен күннен бастап және (немесе) маршруттың құны 7 жұмыс күні ішінде растайды.

      Комиссияның тасымалдаушының ұсынған есептер бойынша ескертулері болған жағдайда, бұл есептеулер Комиссия отырысының хаттамасында барлық ескертулер көрсетіле отырып, пысықтауға жіберіледі. Ескертулерді жою мерзімі 15 жұмыс күнінен аспайды.

      Комиссия отырысының хаттамасы "Ақпаратқа қол жеткізу туралы" Қазақстан Республикасының Заңына сәйкес оған қол қойылғаннан кейін үш жұмыс күні ішінде жергілікті атқарушы органның интернет-ресурсында жарияланады.

      11. Комиссия шешімі ашық дауыс беру жолымен қабылданады, ол құрылымның жалпы санынан үштен екісі болған кезде құқықты.

      Комиссия мүшелерінің жалпы санынан көпшілік дауыс берілген болса, Комиссия шешімі қабылданған болып саналады. Теңбе-тең дауыс берілген жағдайда Комиссия төрағасының дауысы шешуші болып есептеледі.

      12. Әлеуметтік маңызы бар қатынастарды субсидиялауға бағытталған сомалар көлемін анықтау әрбір маршрут мынадай:

      1) Әдістемеге сәйкес айқындалған жолаушыларды тасымалдауға арналған тариф пен жергілікті атқарушы орган белгілеген әлеуметтік маңызы бар қатынастарына арналған тариф арасындағы айырма;

      2) тасымалдауға жоспарланған жолаушылардың жыл сайынғы саны;

      3) осы Қағидалардың 4-тарауына сәйкес айқындалатын маршруттың бір километрінің құны арасындағы айырма ретінде айқындалатын тасымалдауды орындаудан болатын, автокөлік құралдарының маршрут бойынша жалпы жылдық жүрісін (километр) негізге ала отырып, нақты көлемге көбейтілген автокөлік құралдарының маршрут бойынша жүріп өткен жүрісінің және жолаушыларды тасымалдаудан түскен қаржы қаражатының шығыны.

      13. Әлеуметтік маңызы бар қатынасты субсидиялауға арналған болжамды қаражат көлемі Әдістемеге сәйкес айқындалған жолаушыларды тасымалдауға арналған тариф пен жергілікті атқарушы орган белгілеген тариф арасындағы жылдар бөлінісінде тасымалдауға жоспарланған жолаушылардың жыл сайынғы санына көбейту айырмасы ретінде айқындалады.

      Автобустың тұрақты тасымалын жүзеге асыру үшін маршруттың құны айқындалған кезде, осы Қағидалардың 4-тарауына сәйкес, маршрут бойынша жүретін автокөлік құралдарының жалпы жылдық жүрісіне (километр) сүйене отырып, тасымалдаушылардың шығындарын субсидиялауға арналған болжамды қаражат көлемі жоспарланған жолаушылар мен багажды тасымалдау санынан алынатын кірістер мен маршрут құны арасындағы айырмасы ретінде айқындалады.

      14. Жергілікті бюджеттен субсидиялар төлеуді жүзеге асыруды жоспарлау үшін жергілікті атқарушы орган тиісті жергілікті бюджет бағдарламасы бойынша үш жылға бюджеттік өтінімді әзірлейді және оны мемлекеттік жоспарлау жөніндегі жергілікті уәкілетті органға жібереді.

      Осы Қағидалардың 13-тармақтарына сәйкес анықталған әлеуметтік мәні бар қатынастарды субсидиялауға арналған қаражат көлемі және әлеуметтік қатынастар тізілімі бюджеттік өтінім үшін негіз болып табылады.

      Жергілікті атқарушы орган облыстардың, республикалық маңызы бар қалалардың, астананың жергілікті өкілді органы жергілікті бюджетті бекіткеннен кейін 10 (он) жұмыс күні ішінде осы Қағидаларға 4-қосымшаға сәйкес әлеуметтік маңызы бар субсидияланатын хабарламалардың сомасын үш жылдық кезеңге бекітеді.

      15. Осы Қағидалардың 12-тармағына сәйкес айқындалған сома негізінде жергілікті өкілді органның шешімі заңды күшіне енген күннен бастап 7 (жеті) жұмыс күнінен аспайтын мерзімде тасымалдаушы мен жергілікті атқарушы орган арасында Әлеуметтік маңызы бар жол қатынасын субсидиялау туралы шарт (бұдан әрі – Шарт) жасалады, ал Қағидалардың 4-тарауына сәйкес автокөлік құралдарының маршрут бойынша жалпы жылдық жүрісіне (километр) сүйене отырып, айқындалатын маршрут құны бойынша тасымалдауды жүзеге асырылған кезде жергілікті атқарушы орган, тасымалдаушылар және (немесе) уәкілетті ұйым арасында шарт жасалады, ол:

      1) тараптардың орындауы үшін осы Қағидалармен айқындалған шарттарды;

      2) жылдар бөлінген үш жылға болжамдалған жолаушыларды тасымалдау санын;

      3) жыл бойынша үш жылға арналған субсидиялардың болжамды көлемін;

      4) белгіленген тарифті (тарифтердің торын);

      5) маршрут бойынша Әдістемеге сәйкес айқындалған тарифті;

      6) осы Қағидалардың 4-тарауына сәйкес автобустардың маршрут бойынша жалпы жылдық жүрісіне (километр) сүйене отырып, тұрақты автобус тасымалдауларын жүзеге асыру үшін маршрут құны анықталған кезде жылдар қимасында үш жылғы маршрутта жүріп өткен болжамдық жалпы жиынтық жолын (километр);

      7) ұсынылған растаушы құжаттарға сәйкес келмеген кезде заңсыз алынған субсидияны тасымалдаушыға қайтаруды;

      8) ұсынылған растайтын құжаттарға сәйкес келген кезде алынбаған субсидияларды жергілікті атқарушы органдардың төлеуді;

      9) тасымалдаушы маршрут бойынша белгіленген жұмыс көлемдерін (рейс, жүйелілік, жүріс) толық орындамаған жағдайда, маршрутты субсидиялау сомасынан сома тасымалдаушының орындалмағаны үшін жұмсалмаған шығыстары ескеріле отырып, барабар түрде шегеруді;

      10) жергілікті атқарушы органдардың тасымалдаушының нақты орындаған жұмысы үшін субсидиялар төлеуді;

      11) қаржы жылының қорытындылары бойынша тасымалдаушы мен жергілікті атқарушы орган арасында маршрутқа қызмет көрсету шығындары және субсидиялар сомасы бойынша өзара есеп айырысуларды жүргізуді қамтиды.

      16. Жергiлiктi атқарушы органдар тоқсан сайын, тоқсаннан кейiнгi айдың 5-iне дейiн автомобиль көлiгi саласындағы уәкiлеттi органға Комиссия жұмысының нәтижелерi және әлеуметтiк маңызы бар хабарламаларды субсидиялау туралы ақпаратты осы Қағидаларға 5-қосымшаға сәйкес нысан бойынша жiбередi.

3-тарау. Субсидияларды төлеу тәртібі мен шарттары

      17. Тасымалдаушы есептік айдан кейінгі әр айдың 15 күніне дейінгі мерзімде жергілікті атқарушы органға осы Қағидаларға 6-қосымшаға сәйкес нысан бойынша әлеуметтік маңызы бар қатынастары бойынша нақты тасымалданған жолаушылар туралы айлық ақпаратты (бұдан әрі – ай сайынғы есеп) жібереді.

      Осы Қағидалардың 4-тарауына сәйкес автокөлік құралдардың маршрут бойынша жалпы жылдық жүрісіне (километр) сүйене отырып айқындалған маршрут құны бойынша тасымалдаулар жүзеге асырылған кезде тасымалдаушы есептік айдан кейінгі әр айдың 10-шы күніне дейінгі мерзімде уәкілетті ұйымға ай сайынғы есеп жібереді, кейін уәкілетті ұйым есептік айдан кейінгі әр айдың 15-ші күніне дейінгі мерзімде осы Қағидаларға 7-қосымшаға сәйкес нысан бойынша орындалған жұмыс туралы ақпаратты жергілікті атқарушы органға айлық ақпаратты ұсынады. Уәкілетті ұйым болмаған жағдайда тасымалдаушы әр айдың 15-күніне дейін жергілікті атқарушы органға ай сайын ақпарат жібереді.

      "Ауданаралық (қалааралық облысішілік), ауданішілік, қалалық (ауылдық) және қала маңындағы әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың шығындарын субсидиялау" мемлекеттік көрсетілетін қызметті (бұдан әрі - мемлекеттік көрсетілетін қызмет) облыстардың, Астана, Алматы және Шымкент қалаларының, аудандардың және облыстық маңызы бар қалалардың жергілікті атқарушы органдары (бұдан әрі – көрсетілетін қызметті беруші) көрсетеді.

      18. Тасымалдаушы (жеке немесе заңды тұлға) (бұдан әрі – көрсетілетін қызметті алушы) мемлекеттік көрсетілетін қызметті алу үшін көрсетілетін қызметті берушіге "электрондық үкіметтің" веб-порталы (бұдан әрі – портал) арқылы осы Қағидаларға 8-қосымшаға сәйкес нысан бойынша көрсетілетін қызметті алушының электрондық цифрлық қолтаңбасы қойылған электрондық құжат нысанындағы ауданаралық (қалааралық облысішілік), ауданішілік, қалалық (ауылдық) және қала маңындағы әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялауға арналған өтінішті (бұдан әрі –өтініш) және осы Қағидаларға 9-қосымшаға сәйкес "Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау" мемлекеттік қызмет көрсетуге қойылатын негізгі талаптар тізбесінің (бұдан әрі – Тізбе) 8-тармағында көзделген тізбеге сәйкес құжаттар пакетін жолдайды.

      Мемлекеттік қызметті көрсету ерекшеліктері ескеріле отырып, қызметті көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызмет көрсетуге қойылатын негізгі талаптар тізбесі Тізбеде жазылған.

      Порталда көрсетілетін қызметті алушының "жеке кабинетінде" мемлекеттік көрсетілетін қызмет нәтижесін алу күнін көрсете отырып, мемлекеттік қызметті көрсету үшін өтініштің қабылданғаны туралы мәртебе көрсетіледі.

      Көрсетілетін қызметті берушінің кеңсесі құжаттарды түскен күні тіркеуді жүзеге асырады.

      Көрсетілетін қызметті алушы жұмыс уақыты аяқталғаннан кейін, демалыс және мереке күндері жүгінген кезде Қазақстан Республикасының еңбек заңнамасына сәйкес өтініштерді қабылдау келесі жұмыс күнінде жүзеге асырылады.

      Жеке басын куәландыратын құжат туралы, заңды тұлғаны мемлекеттік тіркеу (қайта тіркеу) туралы, дара кәсіпкерді мемлекеттік тіркеу туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкіметтің" шлюзі арқылы алады.

      19. Төтенше жағдай және (немесе) карантиндік шектеулер енгізуге байланысты әлеуметтік маңызы бар хабарламалар бойынша тасымалдауды мәжбүрлеп тоқтата тұру кезеңінде ағымдағы қаржы жылындағы ең төменгі жалақысына сәйкес тасымалдаушының жүргізушілерге және (немесе) кондукторларға еңбекақы төлеуге және әлеуметтік аударымдарға шығыстары субсидиялауға жатады.

      Осы тармақтың бірінші бөлігінде көрсетілген мән-жайлар туындаған жағдайда, көрсетілетін қызметті алушы мемлекеттік көрсетілетін қызметті алу үшін портал арқылы көрсетілетін қызметті берушіге осы Қағидаларға 10-қосымшаға сәйкес нысан бойынша жүргізушілердің және (немесе) кондукторлардың жалақы мен әлеуметтік аударымдары бойынша тасымалдаушының өтінішін және төлеуге жұмсалған шығыстары туралы ақпаратты жолдайды.

      20. Әлеуметтік маңызы бар субсидияланатын қатынастар бойынша жергілікті бюджеттен субсидияларды төлеуді жергілікті атқарушы орган тасымалдаушыға осы Қағидаларға 11-қосымшаға сәйкес субсидия тағайындау туралы хабарлама жіберілген күннен бастап 7 (жеті) жұмыс күнінен кешіктірмей Шарттың негізінде ай сайын жүргізеді.

      21. Мемлекеттік қызмет көрсетудің жалпы мерзімі 5 (бес) жұмыс күнін құрайды.

      22. Көрсетілетін қызметті алушыдан Тізбенің 8-тармағында көзделген тізбеге сәйкес өтініш және құжаттар топтамасы түскен кезде, көрсетілетін қызметті берушінің кеңсе орындаушысы осы өтінішті және құжаттар топтамасын көрсетілетін қызметті берушінің басшысына немесе жетекшілік ететін басшының орынбасары және (немесе) көрсетілетін қызметті берушінің құрылымдық бөлімшесінің басшысы арқылы қарау үшін жолдайды.

      Көрсетілетін қызметті берушінің орындаушысы құжаттарды тіркеген сәттен бастап 2 (екі) жұмыс күні ішінде Тізбенің 8-тармағында көзделген тізбеге сәйкес ұсынылған құжаттар топтамасының толықтығын тексереді.

      23. Ұсынылған құжаттардың толық ұсынбау және (немесе) көрсетілетін қызметті алушының қолданылу мерзімі өтіп кеткен құжаттарды ұсыну фактісі анықталған жағдайда, көрсетілетін қызметті беруші көрсетілген мерзімде өтінішті бұдан әрі қараудан дәлелді бас тарту береді.

      24. Көрсетілетін қызметті алушы Тізбенің 8-тармағында көзделген тізбеге сәйкес құжаттардың толық топтамасын ұсынған жағдайда, көрсетілетін қызметті берушінің орындаушысы 3 (үш) жұмыс күні ішінде осы құжаттар топтамасының осы Қағидалардың талаптарына сәйкестігін қарайды.

      Ұсынылған құжаттар топтамасы Тізбенің 8-тармағында көзделген тізбеге сәйкес осы Қағидалардың талаптарына сәйкес келген кезде көрсетілетін қызметті берушінің орындаушысы осы Қағидаларға 11-қосымшаға сәйкес нысан бойынша субсидия тағайындау туралы хабарламаны ресімдейді.

      Көрсетілетін қызметті берушінің орындаушысы мемлекеттік қызмет көрсету нәтижесінің жобасын көрсетілетін қызметті берушінің басшысына немесе оның міндетін атқарушыға басшының жетекшілік ететін орынбасарының және (немесе) көрсетілетін қызметті берушінің құрылымдық бөлімшесі басшысының келісуі бойынша жолдайды.

      Мемлекеттік қызметті көрсету нәтижесі көрсетілетін қызметті берушінің басшысы немесе оның міндетін атқарушының электрондық цифрлық қолтаңбасы қол қойылған электрондық құжат нысанында көрсетілетін қызметті алушының "жеке кабинетіне" жіберіледі.

      25. Тізбенің 9-тармағында көзделген негіздер болған кезде көрсетілетін қызметті берушінің орындаушысы көрсетілетін қызметті алушыны мемлекеттік қызмет көрсетуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша позициясын білдіру мүмкіндігі үшін тыңдауды өткізу уақыты мен орны (тәсілі) туралы хабардар етеді.

      Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабардар етілген күннен бастап 2 (екі) жұмыс күнінен кешіктірілмей жүргізіледі.

      Тыңдау нәтижелері бойынша көрсетілетін қызметті берушінің орындаушысы осы Қағидаларға 11-қосымшаға сәйкес нысан бойынша субсидия тағайындау туралы хабарламаны не Тізбенің 9-тармағында көрсетілген негіздер бойынша осы Қағидаларға 12-қосымшаға сәйкес нысан бойынша субсидия тағайындаудан бас тарту туралы хабарлама жіберу тәсілімен мемлекеттік қызмет көрсетуден бас тарту туралы дәлелді жауапты ресімдейді.

      Көрсетілетін қызметті берушінің орындаушысы мемлекеттік қызмет көрсету нәтижесінің жобасын көрсетілетін қызметті берушінің басшысына немесе оның міндетін атқарушыға басшының жетекшілік ететін орынбасарының және (немесе) көрсетілетін қызметті берушінің құрылымдық бөлімшесі басшысының келісімі бойынша жолдайды.

      Мемлекеттік қызметті көрсету нәтижесі көрсетілетін қызметті берушінің басшысы немесе оның міндетін атқарушының ЭЦҚ қол қойылған электрондық құжат нысанында көрсетілетін қызметті алушының "жеке кабинетіне" жіберіледі.

      26. Жылдың соңғы күнтізбелік айы үшін бюджеттік субсидияларды төлеу кейіннен келесі жылдың 25 қаңтар мерзімінен кешіктірмей нақты деректер бойынша жасалған есепті ұсына отырып, 20 желтоқсаннан кешіктірмей ұсынылған, болжамды деректер бойынша жасалған субсидияланатын қатынастар бойынша есеп негізінде жүзеге асырылады.

      27. Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шағым көрсетілетін қызметті берушіге және (немесе) шешіміне, әрекетіне (әрекетсіздігіне) шағым жасалып отырған лауазымды адамға беріледі.

      Көрсетілетін қызметті беруші, шешіміне, әрекетіне (әрекетсіздігіне) шағым жасалып отырған лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам, егер ол 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылдаса, шағымды қарайтын органға шағым жібермеуге құқылы.

      Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік көрсетілетін қызметтер туралы" Қазақстан Республикасының Заңы 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

      Егер Қазақстан Республикасының заңдарында өзгеше көзделмесе, сотқа шағым жасауға Қазақстан Республикасы Әкімшілік рәсімдік-процестік кодексінің 91-бабының 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.

      28. Жергілікті атқарушы орган Мемлекеттік қызмет көрсету сатысы туралы деректерді "Мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректер енгізу қағидаларын бекіту туралы" Қазақстан Республикасы Көлік және коммуникация министрінің міндетін атқарушының 2013 жылғы 14 маусымдағы № 452 бұйрығымен (Нормативтік құқықтық актілерді мемлекеттік тіркеу тізілімінде № 8555 болып тіркелген) бекітілген Мемлекеттік қызмет көрсету сатысы туралы мемлекеттік қызметтер көрсету мониторингінің ақпараттық жүйесіне деректерді енгізу қағидаларына сәйкес мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      29. Автомобиль көлігі саласындағы уәкілетті орган заңға тәуелді нормативтік құқықтық актіні бекіткен немесе өзгерткен күннен бастап үш жұмыс күні ішінде мемлекеттік қызмет көрсету тәртібін айқындайтын заңға тәуелді нормативтік құқықтық актілерге енгізілген өзгерістер және (немесе) толықтырулар туралы ақпаратты жергілікті атқарушы органдарға, өтініштерді қабылдауды және мемлекеттік қызмет көрсету нәтижелерін беруді жүзеге асыратын ұйымдарға, "электрондық үкіметтің" ақпараттық-коммуникациялық инфрақұрылымының операторына, сондай-ақ Бірыңғай байланыс орталығына жібереді.".

4-тарау. Тұрақты тасымалдауды жүзеге асыру үшін маршруттың құнын анықтау тәртібі

      30. Құны жол жүру ақысын электронды жинау жүйесін пайдалана отырып, көлік құралдарының жалпы жылдық жүрісіне, белгілі бір кезеңдегі маршруттың құнын есептеуге немесе белгілі бір жұмыс көлемін орындауға негізделетін маршрут бойынша тасымалдауды жүзеге асыру кезінде (көрсетілетін қызметтері) мынадай түрдегі экономикалық-математикалық модельді пайдаланады:

      СМ = (Зпс + Зэсоп + Здисп + (Зп + Зн) * R) * Кндс

      формула (1)

      СМ = (Зпс + Засп + (Зп + Зн) * R) * Кндс

      формула (2)

      мұнда:

      СМ – белгілі кезеңге маршрут құны немесе көлік жұмысының белгілі көлемін орындау үшін;

      Зпс – жылжымалы құрам (сыйымдылығы орта және үлкен жылжымалы құрам сатып алу бойынша лизингтік төлемдер, көлік құралдарын сақтандыру құны, сыйымдылығы кіші автобустар бойынша амортизация) сатып алуға тасымалдаушы жұмсайтын нормативтік (есептік) шығындардың жалпы сомасы;

      Зп – тасымалдаушының тікелей нормативтік (есептік) жалпы сомасы (отын, жағармай материалдары, автокөлік құралдарды жөндеу және оларға техникалық қызмет көрсету, автошиналарды ауыстыру және жөндеу, жүргізушілер мен кондукторлардың еңбекақысы);

      Зн – тасымалдаушының қосымша шығындарының жалпы сомасы;

      Зэсоп – тарифтерді электронды жинау жүйесі операторының қызметтерін ескеретін шығындар (осы қызметке тасымалдаушы төлем жасаған кезде);

      Здисп – диспетчерлік жүйе операторының қызметтерін есепке алатын шығындар (осы қызметке тасымалдаушы төлем жасаған кезде);

      Засп – автовокзалдардың, автовокзалдардың және жолаушыларға қызмет көрсету пункттерінің қызметтерін есепке алатын шығындар;

      Кндс – 1,12 тең қосылған құн салығына коэффициент (12% ретінде қолданылады).

      Формула (2) жол жүру ақысын электронды жинау жүйесін пайдаланбайтын ауданаралық (қалааралық облысішілік) және ауданішілік тасымалдауға қолданылады.

      ҚҚС коэффициентін айқындау үшін "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексі) сәйкес ҚҚС жарнасы қолданылады.

      ҚҚС коэффициенті тасымалдаушының оның қызметкерлерінің еңбек ақысымен байланысты, сондай-ақ тіркелген активтердің амортизациясымен байланысты шығындарына қолданылмайды. Осындай шығындарға тіркелген активті ҚҚС-ті ескерусіз сатып алуға, оны өндіруге, салуға, монтаждауға және жабдықтауға шығындар жатады.

      31. Баптар бойынша нормативтік шығындардың іріленген есептері мынадай орындалады:

      1) Зпс – жылжымалы құрамды сатып алуға тасымалдаушының жалпы құны кіреді:

      Жылжымалы құрамды сатып алу бойынша жылдық лизингтік төлемнің (жылдық аннуитет) сомасы формула бойынша есептеледі.

      Лгод = ((Стс * (1 + N * Rуд) – Cтс * Aтс)/ N) * Aм

      формула (3)

      мұндағы:

      Лгод - жылжымалы құрамды сатып алу үшін жылдық лизингтік төлемнің (жылдық аннуитет) сомасы;

      N – лизинг шартының мерзімі;

      Стс - маршрутқа бекітілген көлік құралдарының орташа құны, теңгемен;

      Өндірушіден немесе ресми дилерлер арқылы сатып алынған жаңа көліктер үшін бұл сатып алынған күннен бастап үш жылға дейінгі сатып алу құны болады.

      Өндірушіден немесе ресми дилерлер арқылы сатып алынған көлік құралдарын қайта бағалау оларды бағалау қызметін жүзеге асыратын ұйымдар сатып алған күннен бастап үш жыл өткен соң жүргізіледі.

      Қайталама нарықта сатып алынған көлік құралдары, сондай-ақ жалға алынған көлік құралдары үшін – бағалау қызметін жүзеге асыратын ұйымдар айқындайтын орташа нарықтық құн.

      Бағалау қызметін жүзеге асыратын ұйымдар айқындаған көлік құралдарының құны ол анықталған күннен бастап үш жыл ішінде жарамды.

      Электр автобустар мен отын ретінде сутегін пайдаланатын көліктер үшін жөндеу және техникалық қызмет көрсету шығындары өндірушінің деректері бойынша анықталады.

      Ryд – келісім-шарт бойынша лизингтік пайыздық мөлшерлеме;

      Атс – лизинг шарты бойынша аванстық төлем сомасы

      (көлік құралының құнына пайыздық мөлшерлеме);

      2) Лизинг бағдарламасы шеңберінде көлік құралдары иелерінің жауапкершілігін сақтандыру шартын жасасу кезінде төленетін жылдық сақтандыру сыйлықақысының мөлшері Қазақстан Республикасының 1999 жылғы 1 шілдедегі Азаматтық кодексіне (Ерекше бөлім) сәйкес айқындалады.

      3) Жылжымалы құрамды сатып алу үшін лизинг төлемдері болмаған жағдайда, олардың жалпы жүрісін ескере отырып, маршрутқа бекітілген көлік құралдарының амортизациялық аударымдарының сомасы өтелуге жатады. Формула арқылы есептелген:

      За = 0,15 х Ам х КР х Ц,

      формула (4)

      мұнда:

      За - амортизация шығындары;

      0,15-15 % көлемінде автокөлік құралдары бойынша амортизация нормасы (әлеуметтік-кәсіпкерлік корпорация болып табылатын лизинг алушыдан алынған автокөлік құралдарын қоспағанда, жалға алынған автокөлік құралдарына қолданылмайды);

      Кр – автокөлік құралдары резервінің коэффициенті.

      4) Зп – тасымалдаушының тікелей нормативтік (есептік) жалпы сомасы мынадан тұрады:

      Зт – осы маршрутта пайдаланылатын автокөлік құралдарының жалпы жүріп өткен жолына есептегенде автомобильдік отын электр энергиясы/газ/сутегі шығындары тариф есептелетін күнгі барлық қолданыстағы үстемелер мен 1 литр бензиннің/1 киловат электр энергиясының/1 килограмм сутегінің дара бағасын есепке алып, 100 километр жұмсалған отын/электр энергиясы/газ/сутегі шығындарының базалық нормаларына сүйеніп анықталады (осы бөлшек сауда бағасы Қағидалардың 9-тармағына сәйкес тарифті анықтаудың дұрыстығы расталғанға дейін жарамды):



      формула (5)

      мұнда:

      0,01 - 100 километрден 1 километрге отын шығынын қайта есептеу;

      Lоб - төмендегі формула бойынша есептелетін маршрутқа қызмет көрсетуде автокөлік құралдарының жылдық жүріп өткен жолы:



      формула (6)

      мұнда:

      Др - бір жылда маршрутқа қызмет көрсетілген күндер саны (жыл бойы әр жұмыс істеу режимінде Кж = 365) (жергілікті атқарушы органдар бекіткен маршруттар кестесіне сәйкес айқындалады);

      n - бағдардағы рейс айналымдарының күнделікті саны (демалыс, мереке, жұмыс күндеріне, жылдың маусымдылығына байланысты жылдағы бару жолында айырмашылық болған кезде олардың орташа мәні алынады);


- маршруттағы рейс айналымдарының қашықтығы километр;

- күнделікті нөлдік жүріп өткен жол, километр;

      Маршрут сипаттамаларының көрсеткіштерінің әртүрлі мәндері жұмыс және демалыс күндері бойынша әртүрлі мәндерге тең болса, онда автокөлік құралдарының жалпы жылдық жүріп өткен жолы осы көлемдерді жинақтаумен жұмыс және демалыс күндері бойынша жеке анықталады.

      Жазғы және қысқы кезеңдердегі маршрут кестесінің әртүрлі мәндерімен және (немесе) маршрут толық емес күнтізбелік жыл ішінде жұмыс істейді, содан кейін жанармай құны маршрут кестесіне сәйкес жазғы және қысқы жүрістерді ескере отырып анықталады.

      Шығ. жаз = 0,01 х Lж.ж. х НТ х Цл.т. х КНл.

      формула

      формула (7)

      Шығ.қыс = 0,01 х Lж.қ. х НТ х Цз.т. х КН з.

      формула (8)

      Шығ. = Отын шығ.ж. + Отын шығ.қ.

      формула (9)

      мұнда: Отын шығ.жаз, - жазғы автомобиль отынының құны;

      Шығ., - қысқы мотор отынының құны;

      Lж.l - жазда автокөліктердің жылдық жүрісі;

      Lж.c. - қыста автокөліктердің жылдық жүрісі;

      KНж., KНқ. - трассадағы (жазғы, қысқы) көлік құралдарын пайдаланудың нақты жағдайлары үшін базалық мөлшерлемеге үстемеақылардың жиынтық коэффициенті.

      НТ – көліктің 100 километріне литр/киловатт/килограмм отын шығынының негізгі нормасы;

      Дизель отынын (бензинді)/газды тұтынудың базалық нормасы мен жинақталған үстеме коэффициенті "Қазақстан Республикасының мемлекеттік органдарына арналған жанар-жағармай материалдары шығыстарының және автокөлікті күтіп ұстауға арналған шығыстардың нормаларын бекіту туралы" Қазақстан Республикасы Үкіметінің 2009 жылғы 11 тамыздағы № 1210 қаулысына (бұдан әрі – Отын шығынының нормасы) сәйкес анықталады.

      Электрлік автобустар үшін 100 километрге сағатына киловатт электр энергиясын тұтыну нормасы және ол үшін жалпы қосымша ақы коэффициенті Өндіруші зауыттың деректері бойынша анықталады.

      Отын ретінде сутегіні пайдаланатын автокөлік құралдары үшін 100 километрге сағатына килограмм сутегі отынын тұтыну нормасы және ол үшін жалпы қосымша ақы коэффициенті Өндіруші зауыттың деректері бойынша анықталады

      Цо – дизельдік отынның (бензиннің)/газдың/электр энергиясының/сутегінің бағасы.

      Дизельдік отынның (бензиннің)/газдың/сутегінің бағасы мына формула бойынша анықталады:



      формула (10)

      мұнда:

      Ақыс Ажаз- ККл (коэффициент климаттық) мәнін анықтайтын Отынды шығындау нормаларының 10-шы кесте бойынша кезеңдер шегінде өңір бойынша анықталған бір жылдағы қысқы және жазғы айлар саны.

      Бқ.ш. Бж.о.- тариф есептеу күніне отынның дара құны (жазғы және қысқы).

      Жазғы кезеңде тарифті есептеу кезінде өткен қысқы кезеңнің соңғы айында басым болған қысқы отынның 1 литрінің/1 килограммның бөлшек сауда бағасы облыс бойынша отын шығынының құнын анықтайтын 10-кестеге сәйкес кезеңдерде айқындалады. Ккл (климаттық коэффициент), негіз ретінде алынады.

      5) Шжж - жанар-жағармай материалдарына шығындар автомобильдік отынға шығындардың 10%-ға тең:

      формула (11)



      6) Шжт- жөндеу және техникалық қызмет көрсету шығыстары осы маршрутқа қызмет көрсету үшін бекітілген автокөлік құралдары құнынан 10% (қызмет мерзімі 1 жылдан 3 жылға дейінгі көліктер үшін), 15% (автокөлік құралдары үшін пайдалану мерзімі 3 жылдан 7 жылға дейін) және 20 % (автокөлік құралдары үшін пайдалану мерзімі 7 жылдан астам) ретінде қабылданады:

      Шжт = Кшт* Ам * Кр * Ц

      формула (12)

      мұнда:

      Кшт - автокөлік құралдарға жөндеу және техникалық қызмет көрсету шығыстарының коэффициенті;

      Ам- кесте бойынша маршруттағы автокөлік құралдарының бір күн ішіндегі саны;

      Кр – автокөлік құралдары резервінің коэффициенті, (1,2 ретінде тең шығындарды есептеу үшін алынатын кесте бойынша автокөлік құралдар маршруттарына бекітілгендердің жалпы санының маршрутқа жеткізуге жататын автокөлік құралдарының 1,2 санына қатынасы);

      Ц – маршрутта бекітілген 1 автокөлік құралының орташа адал нарықтық құны, теңгемен;

      Өндірушіден немесе ресми дилерлер арқылы сатып алынған жаңа көліктер үшін бұл сатып алынған күннен бастап үш жылға дейінгі сатып алу құны болады.

      Өндірушіден немесе ресми дилерлер арқылы сатып алынған автокөлік құралдарын қайта бағалау оларды бағалау қызметін жүзеге асыратын ұйымдар сатып алған күннен бастап үш жыл өткен соң жүргізіледі.

      Қайталама нарықта сатып алынған автокөлік құралдары, сондай-ақ жалға алынған автокөлік құралдары үшін – бағалау қызметін жүзеге асыратын ұйымдар айқындайтын орташа нарықтық құн.

      Бағалау қызметін жүзеге асыратын ұйымдар айқындаған автокөлік құралдарының құны ол анықталған күннен бастап үш жыл бойы қолданылады.

      Электробустар, отын ретінде сутегіні пайдаланатын автокөлік құралдары үшін жөндеу және техникалық қызмет көрсету шығыстары Өндіруші зауыттың деректері бойынша анықталады.

      7) Шш – маршруттағы автокөлік құралдарының жылдық жүрісіне есептелген автошиналарды пайдалану шығыстарын мынадай формула бойынша анықтауға болады:



      формула (13)

      мұнда:

      Цш – бір шина жиынтығының орташа сатып алу бағасы (шина, камера, жиек таспасы), есептеу кезінде теңгемен. Бұл сатып алу бағасы осы Қағидалардың 10-тармағына сәйкес тарифті анықтаудың дұрыстығы расталғанға дейін жарамды);

      М – автокөлік құралдарының доңғалақ саны (қосалқы доңғалақсыз);

      Lоб - маршрутқа қызмет көрсету кезіндегі автокөлік құралдардың жалпы жылдық жүрісі;

      Ш – автошиналар жүрісінің пайдаланымдық нормасы отын шығысының нормасына сәйкес анықталады, километр;

      Кш – автошиналар жүрісінің пайдаланымдық нормасын түзету коэффициенті отын шығысының нормасына сәйкес анықталады.

      Электробустардың, отын ретінде сутегіні пайдаланатын автокөлік құралдарының автошиналары жүрісінің пайдаланымдық нормасын түзету коэффициенті Өндіруші зауыттың деректері бойынша анықталады

      8) Ззп – маршрутқа қызмет көрсету бойынша жүргізушілер мен (және) кондукторлардың (автокөлік құралдары экипаждарының) жалпы жылдық төлем сомасы мынадай формула бойынша анықталады:

      Шжа = (Мр* (ZB * NB * ZK * NK) * АМ* К) * 1,2

      формула (14)

      мұнда:

      Мр – бір жылда маршрутқа қызмет көрсетілетін айлардың саны (жұмыстың тәулік ішінде және күнделікті режимі кезінде Мр = 12);

      ZВ – автокөлік құралы жүргізушісінің орташа айлық жалақысы Қазақстан Республикасындағы немесе көлік және қойма шаруашылығы саласындағы бір қызметкердің орташа айлық атаулы жалақысының (кәсіпкерлік қызметті жүзеге асыратын шағын кәсіпкерлік субъектілерін қоса алғанда) деңгейіне қатысты белгіленеді. Өтінімдерді берудің алдындағы тоқсандағы статистикалық мәліметтер негізінде тасымалдаушы тіркеледі;

      ZК – кондуктордың орташа айлық жалақысы жүргізушінің жалақысының 70% деңгейінде белгіленеді;

      Nв, Nк – маршрутта әр автокөлік құралдарға бекітілген жүргізушілердің (кондукторлардың) нормативтік саны;

      К – тасымалдаушының есептік деректерімен расталған сомада еңбек жалақысы мен қызметкерлерді сақтандыруға әлеуметтік есептеуін есепке алатын коэффициент.

      1,2 – аурулық, еңбек, оқудағы жұмысшылардың есептеулерін ескеретін түзету коэффиценті.

      Жүргізушілерге және (немесе) кондукторларға жалақы төлеу фактісі қызметкерлерге еңбекақы төлеу туралы актінің үзінді көшірмемен расталады.

      9) Шү – тасымалдаушының үстеме шығындарының нормативті сомасы осы маршрутқа қызмет көрсету бойынша тікелей шығындардың жиынтық сомасының пайызын құрайды және мына формула бойынша айқындалады:

      Шү = Шт * П

      формула (15)

      мұнда: П – үстеме шығыстардың нормативті сомасының пайызы үстеме шығыстарды есептеу сомасының расталатын көлеміне қарай 15%-дан бастап 20%-ға дейін құрайды.

      Үстеме шығыстарды есептеу сомасы:

      өндіріс шығындарына жататын салықтар мен алымдар (әлеуметтік аударымдарды, әлеуметтік салықты, міндетті әлеуметтік медициналық сақтандыруды, қосымша құн салығы мен корпоративтік табыс салығын қоспағанда);

      автокөлік құралдары иелерінің азаматтық-құқықтық жауапкершілігін және тасымалдаушының жолаушылар алдындағы азаматтық-құқықтық жауапкершілігін міндетті сақтандыруға, сондай-ақ жүргізушілердің және (немесе) кондукторлардың өмірін сақтандыруға арналған шығыстар;

      автокөлік құралдарын міндетті техникалық қарап-тексеруден өткізуге арналған шығыстар;

      тасымалдаушының балансында тұрған және тасымалдау процесіне тартылған өндірістік-техникалық базаның әкімшілік ғимараттары мен объектілерінің (жабық автотұрақ, тазалау-жуу кешені, өндірістік алаңшалар мен цехтар) коммуналдық төлемдеріне арналған шығыстар;

      тасымалдаушының балансында тұрған және қалалық және қала маңындағы тасымалдау процесіне тартылған өндірістік-техникалық базаның әкімшілік ғимараттары мен объектілері (жабық автотұрақ, тазалау-жуу кешені, өндірістік учаскелер мен цехтар) бойынша амортизацияға арналған шығыстар;

      ауданаралық (қала ішілік облысішілік) және ауданішілік маршруттар бойынша тасымалдау процесіне тартылған өндірістік-техникалық базаның (жабық автотұрақ, тазалау-жуу кешені, өндірістік учаскелер мен цехтар) әкімшілік ғимараттары мен объектілері бойынша амортизацияға арналған шығыстар;

      тасымалдауды ұйымдастыруға тартылған тасымалдаушы қызметкерлерінің (механик, медицина қызметкері, диспетчер) еңбекақысын қамтиды.

      Үстеме шығыстарды есептеу сомасы тек құны Қағидалардың 4-тарауына сәйкес айқындалатын әлеуметтік маңызы бар маршрутқа қызмет көрсетуге ғана қолданылады.

      Тасымалдауды ұйымдастыруға тартылған тасымалдаушының қызметкерлеріне (механик, медицина қызметкері, диспетчер) еңбекақы төлеу қызметкерлерге еңбекақы төлеу ведомосінен үзінді көшірмемен расталады.

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
1-қосымша
Нысаны

Субсидиялауға жататын әлеуметтік маңызы бар автомобиль қатынастарының тізбесі

р/с№

Маршрут атауы және (немесе) нөмірі

Маршрут түрі

1

2

3







  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
2-қосымша
  Нысан

Әдістемеге сәйкес анықталған маршруттағы тариф есебі

      Ұйымның атауы __________________________

Маршрут атауы және (немесе) нөмірі

Маршрут түрі

Әдістемеге сәйкес анықталған 1 жолаушыға арналған тариф, теңге

Болжалды тасымалдау көлемі жыл бойы жолаушылар, адам





      Ұйым басшысы

      Бас бухгалтер

      Мөрдің орны (бар болса) немесе ұйым басшысының электрондық цифрлық қолтаңбасы

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
3-қосымша
Нысан

Маршрут құнының есебі

      Ұйымның атауы __________________________

Маршрут атауы және (немесе) нөмірі

Маршрут түрі

Ұзындығы маршрут, км

Бағасы маршрут, теңге

Болжалды тасымалдау көлемі жыл бойы жолаушылар, адам






      Ұйым басшысы

      Бас бухгалтер

      Мөрдің орны (бар болса) немесе ұйым басшысының электрондық цифрлық қолтаңбасы

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
4-қосымша
Нысан

Әлеуметтік маңызы бар субсидияланған қатынастар сомасы

р/с №

Маршрут атауы және (немесе) нөмірі

Маршрут түрі

Маршрут құны осы Қағидалардың 4-тарауына сәйкес айқындалады (теңге)

Әдістемеге сәйкес белгіленген тариф (теңге)

Жергілікті атқарушы орган белгілейтін тариф номи (теңге)

Айырмашылық Әдістемеге сәйкес анықталған тарифтер арасында жергілікті атқарушы орган белгілейтін код пен тариф дене (теңге)

Әлеуметтік маңызы бар жол қозғалысын субсидиялау көлемі 3 жылға жыл сайынам

20__ жыл

20__жыл

20__жыл

1

2

3

4

5

6

7

8









  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
5-қосымша
Нысан

Комиссия жұмысының және әлеуметтік маңызы бар қатынастарды субсидиялау нәтижелері

      1-кесте

Маршрут атауы не нөмірі*, сондай-ақ осы маршрутқа қызмет көрсететін тасымал даушының атауы

Маршрут түрі

Қағидалар дың 7-тармағына сәйкес маршрутқа тариф бойынша есептеулер ұсынылған күні (күні: күн, ай, жыл)

Маршрутқа тариф бойынша есептеулерді себепті көрсете отырып қайта пысықтауға жіберілген күні (күні: күн, ай, жыл)

Әлеуметтік маңызы бар қатынастар тізбесін жасау күні (күні: күн, ай, жыл)

Комиссия жұмысының нәтижелері бойынша тарифті белгілеу күні (күні: күн, ай, жыл)

Бюджеттік өтінімді әзірлеу күні (күні: күн, ай, жыл)

Бюджетті бекіту күні (күні: күн, ай, жыл)

Әлеуметтік маңызы бар субсидияла натын қатынастар бойынша үш жылдық кезеңге сомманы бекіту күні (күні: күн, ай, жыл)

1

2

3

4

5

6

7

8

9

10









































      2-кесте

Маршрут атауы не нөмірі*, енгізілген әлеуметтік маңызы бар хабарламалар тізбесіне, сондай-ақ осы маршрутқа қызмет көрсететін тасымал даушының атауы

Маршрут түрі

Әдістемеге сәйкес айқындал ған тариф (теңге)

Жергілікті атқарушы органы белгілеген тариф (теңге)

Маршрут бойынша үш жылдық кезеңге бөлінген субсидия көлемі әлеуметтік маңызы бар қатынастар тізіміне енгізілді

Осы маршрутқа қажетті субсидия көлемі (теңге)

Есептік кезеңде тасымалдаушыға осы маршрутқа төленген субсидия (теңге)

Бірінші жылға арналған сома (теңге / 20__ жыл)

Екінші жылға арналған сома (теңге / 20__ жыл)

Үшінші жылға арналған сома (теңге / 20__ жыл)

1

2

3

4

5

6

7

8

9

10










































Барлығы (барлық маршруттар үшін 2-кестенің 6, 7, 8, 9, 10-бағандары бойынша жалпы сома көрсетіледі)









      * Осы Кестелердегі 2-бағанды толтыру кезінде қалалық (ауылдық) немесе қала маңындағы қатынастарда маршрут нөмірі көрсетіледі, ал ауданішілік немесе ауданаралық (қалааралық облысішілік) қатынастарда маршруттың бастапқы және соңғы пункттерінде орналасқан елді мекендердің атаулары көрсетіледі.

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
6-қосымша
Нысан

Әлеуметтік маңызы бар автомобиль қатынастары бойынша нақты тасымалданған жолаушылар туралы ақпарат

      20 __ жылға арналған ____________________

      (ұйымның атауы)

      _________________________ облысы (қала, аудан) бойынша

Маршрут атауы және (немесе) нөмірі

Маршрут түрі

1 жолаушыға бекітілген тариф, теңге

Есептік ай ішінде тасымалданған жолаушылар саны

Жолаушылар тасымалынан түскен қаражат, теңге






      Ұйым басшысы

      Бас бухгалтер

      Мөрдің орны (бар болса) немесе ұйым басшысының электрондық цифрлық қолтаңбасы

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
7-қосымша
Нысан

Орындалған жұмыс туралы ақпарат

      _______________________________________________

      (уәкілетті ұйымның атауы)

      __________________________________

      облысы (қала, аудан) бойынша

      20___ ж. ___________________ үшін

р/н №

Маршруттар саны, бірлік

Орындалған тасымал көлемі, км

Жалпы
маршрут құны, теңге

Жолаушыларды тасымалдаудан түскен қаражат, теңге

1

2

3

4

5






      Ұйым басшысы

      Бас бухгалтер

      Мөрдің орны (бар болса) немесе ұйым басшысының электрондық цифрлық қолтаңбасы

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
8-қосымша
Нысан

Өтініш

      1. Жолаушылар мен багажды автомобильмен тұрақты тасымалдауды ұйымдастыру шарты (бұдан әрі – шарт):

      1) шарт нөмірі №: ________;

      2) шарт жасасу күні (күні, айы, жылы): __________;

      3) шарт қолдану мерзімі (күні, айы, жылы): __________.

      2. Маршрут түрі:

      1) қалалық (ауылдық) □;

      2) қала маңындағы □;

      3) ауданішілік □;

      4) ауданаралық (қалааралық облысішілік) □.

      3. Маршрут атауы және (немесе) нөмірі: ____________.

      4. Маршрутқа қызмет көрсетудің кезеңі:

      1) қызмет көрсетуді бастау күні (күні, айы, жылы) _____________;

      2) қызмет көрсетуді аяқтау күні (күні, айы, жылы) _____________.

      5. Субсидия сомасы (цифрмен және теңгемен көрсетіледі): ____________;

      6. Тізбенің 8-тармағында көзделген тізбеге сәйкес құжаттардың топтамасы қоса беріледі.

      Осымен:

      көрсетілген барлық деректердің ресми байланыстар болып табылатындығы және оларға қызметті жүзеге асыру немесе жеке әрекеттердің мәселелері бойынша кез келген ақпаратты жіберуге болатындығы;

      қоса берілген құжаттардың барлығы шындыққа сәйкес келетіні және жарамды болып табылатындығы расталады;

      көрсетілетін қызметті алушы ақпараттық жүйелерде қамтылған, заңмен қорғалатын құпияны құрайтын қолжетімділігі шектеулі дербес деректерді пайдалануға келісімін береді.

      * Осы өтініштің 3-тармағы бойынша мәліметтерді толтырған кезде қалалық (ауылдық) немесе қала маңындағы қатынастарда маршруттың нөмірі көрсетіледі, ал ауданішілік немесе ауданаралық (қалааралық облысішілік) қатынастарда маршруттың бастапқы және соңғы пункттерінде орналасқан елді мекендердің атаулары көрсетіледі.

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
9-қосымша
Нысан

"Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау" мемлекеттік қызмет көрсетуге қойылатын негізгі талаптардың тізбесі

1.

Көрсетілетін қызметті берушінің атауы

Облыстардың, Астана, Алматы және Шымкент қалаларының, аудандардың және облыстық маңызы бар қалалардың жергілікті атқарушы органдары

2.

Мемлекеттік көрсетілетін қызметті ұсыну тәсілдері (қол жеткізу арнасы)

портал арқылы

3.

Мемлекеттік қызметті көрсету мерзімі

5 (бес) жұмыс күні ішінде

4.

Мемлекеттік қызметті көрсету нысаны

Электронды (толық автоматтандырылған)

5.

Мемлекеттік қызметті көрсету нәтижесі

Субсидия тағайындау туралы хабарлама не субсидия тағайындаудан бас тарту туралы хабарлама жіберу тәсілімен мемлекеттік қызмет көрсетуден бас тарту туралы дәлелді жауап.
Мемлекеттік қызмет көрсету нәтижесін ұсыну нысаны: электрондық.
Мемлекеттік қызметті көрсету нәтижесі көрсетілетін қызметті берушінің басшысы немесе оның міндетін атқарушының электрондық цифрлық қолтаңбасы қол қойылған электрондық құжат нысанында көрсетілетін қызметті алушының "жеке кабинетіне" жіберіледі.

6.

Мемлекеттік қызмет көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері

Тегін

7.

Көрсетілетін қызметті берушінің, Мемлекеттік корпорацияның және ақпарат объектілерінің жұмыс графигін

1) көрсетілетін қызметті берушінің – Қазақстан Республикасының еңбек заңнамасына сәйкес демалыс және мереке күндерін қоспағанда, дүйсенбіден бастап жұманы қоса алғанда, сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін;
2) порталда – жөндеу жұмыстарын жүргізуге байланысты техникалық үзілістерді қоспағанда тәулік бойы.
Көрсетілетін қызметті алушы жұмыс уақыты аяқталғаннан кейін, демалыс және мереке күндері жүгінген кезде Қазақстан Республикасының еңбек заңнамасына сәйкес өтініштерді қабылдау және мемлекеттік қызметті көрсету нәтижелерін беру келесі жұмыс күнінде жүзеге асырылады

8.

Мемлекеттік қызмет көрсету үшін көрсетілетін қызметті алушыдан талап етілетін құжаттар мен мәліметтердің тізбесін

1) әлеуметтік маңызы бар қатынастар бойынша іс жүзінде тасымалданған жолаушылар туралы ақпарат;
2) Қағидалардың 4-тарауына сәйкес автокөлік құралдарының маршрут бойынша жалпы жылдық жүрісіне (км.) сүйене отырып анықталған маршрут құны бойынша тасымалдаулар жүзеге асырылған кезде, орындалған жұмыс туралы ақпарат;
3) осы Тізбеге 1-қосымшаға сәйкес билеттерді сату жөніндегі ақпарат;
4) осы Тізбеге 2-қосымшаға сәйкес жолаушыларды тасымалдаудан түскен қаржы қаражаты туралы ақпарат;
5) тасымалдаулар ауданаралық (қалааралық облысішілік) немесе ауданішілік қатынастарда жүзеге асырылған кезде, автовокзалдардың (автостанциялардың, жолаушыларға қызмет көрсету пункттерінің) диспетчерлік қызметінің құжаты немесе ауылдық округтің әкімінен немесе оны алмастыратын адамнан осы маршрут бойынша орындалған рейстерді растайтын анықтамалар;
6) Қағидалардың 4-тарауына сәйкес айқындалған маршрут бойынша құны тасымалдауды жүзеге асыру кезінде маршрут (км) бойынша автокөлік құралдарының жалпы жылдық жүрісін негізгі ала отырып, елді мекеннің бірыңғай диспетчерлік қызметінен осы маршрут бойынша орындалған рейстерді растайтын құжат;
7) диспетчерлік қызметтің қалалық және қала маңындағы маршруттар бойынша рейстерді орындамағанын растайтын (бар болған жағдайда) құжаты.
Осы тармақтың 1), 2), 3), 4), 5), 6) және 7) тармақшаларында көрсетілген құжаттар электрондық көшірмеде немесе ұйым басшысының электрондық цифрлық қолтаңбасында ұсынылады.
Жеке басын куәландыратын құжат туралы, заңды тұлғаны мемлекеттік тіркеу (қайта тіркеу) туралы, дара кәсіпкерді мемлекеттік тіркеу туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкіметтің" шлюзі арқылы алады.

9.

Қазақстан Республикасының заңдарында белгіленген мемлекеттік қызмет көрсетуден бас тарту үшін негіздер

1) көрсетілетін қызметті алушының мемлекеттік көрсетілетін қызметті алу үшін ұсынған құжаттарының және (немесе) олардағы деректердің (мәліметтердің) анық еместігін анықтау;
2) көрсетілетін қызметті алушының және (немесе) мемлекеттік қызметті көрсету үшін қажетті ұсынылған материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі;
3) көрсетілетін қызметті алушыға қатысты белгілі бір мемлекеттік қызметті алуды талап ететін қызметті немесе жекелеген қызмет түрлерін тоқтата тұру немесе тыйым салу туралы заңды күшіне енген сот шешімі (үкімі) болуы.

10.

Мемлекеттік қызмет көрсету, оның ішінде электрондық нысанда және Мемлекеттік корпорация арқылы ерекшеліктері ескеріле отырып, өзге де талаптар

Көрсетілетін қызметті алушы электрондық цифрлық қолтаңбасы болған жағдайда, мемлекеттік көрсетілетін қызметті портал арқылы электрондық нысанда алуға мүмкіндігі бар.
Көрсетілетін қызметті алушының мемлекеттік қызметті көрсетудің тәртібі мен мәртебесі туралы ақпаратты порталдың "жеке кабинеті", сондай-ақ мемлекеттік қызметтер көрсету мәселелері бойынша бірыңғай байланыс орталығының 1414, 8 800 080 7777 телефоны арқылы қашықтықтан қол жеткізу режимінде алу мүмкіндігі бар.

  "Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау"
мемлекеттік қызмет көрсетуге
қойылатын негізгі
талаптардың тізбесіне
1-қосымша
Нысан

Билеттерді сату бойынша ақпарат

      Ұйымның атауы _______________________

Маршрут атауы және (немесе) нөмірі

Бір реттік жол жүру билеттерін сату туралы ақпарат

билеттің түрі

саны (дана)

билеттің бағасы (теңге)

жалпы сомасы (теңге)

1

2

3

4

5


ересек




балалар үшін




жеңілдетілген




Жиыны:




Ұзақ мерзімді жол жүру билеттерін сату туралы ақпарат

билеттің түрі

саны (дана)

билеттің бағасы (теңге)

жалпы сомасы (теңге)

ересек




балалар үшін




жеңілдетілген




Жиыны:




      Әкiмшiлiк орталық болып табылатын облыстық маңызы бар қалаларда, республикалық маңызы бар қалаларда, астанада тасымалдауды жүзеге асырған кезде билеттерді сату бойынша есеп маршрутта пайдаланылатын жолақыны электрондық төлеу жүйесімен расталады.

      Жолақыны электрондық төлеу жүйесі оператторының (бұдан әрі - оператор) атауы _________________.

      Тасымалдаушы мен оператор арасында жасалған шарт 20 ______ жылғы ___________ № ________. Шарттың қолдану мерзімі 20 ____ жылғы ________.

      Ұйым басшысы

      Бас бухгалтер

      Мөрдің орны (бар болса) немесе ұйым басшысының электрондық цифрлық қолтаңбасы

  "Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау"
мемлекеттік қызмет
көрсетуге қойылатын негізгі
талаптардың тізбесіне
2-қосымша
Нысан

Жолаушылар тасымалынан түскен қаржылық қаражат туралы ақпарат

      Ұйымың атауы ___________________________________

Маршрут атауы және (немесе) нөмірі

Сома (теңге)

бір реттік жол жүру билеттерін сатудан

ұзақ мерзімді жол жүру билеттерін сатудан

жеңілдетілген жол жүруден алынған өтемақы

Жиыны

1

2

3

4

5










Жүктеу

      Ұйым басшысы

      Бас бухгалтер

      Мөрдің орны (бар болса) немесе ұйым басшысының электрондық цифрлық қолтаңбасы

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
10-қосымша
Нысан

Жүргізушілердің және (немесе) кондукторлардың жалақысы мен әлеуметтік аударымдары бойынша тасымалдаушының шығыстары туралы ақпарат

      Ұйымның атауы ________________________

Маршрут атауы және (немесе) нөмірі


Жүргізушілер саны, адам


Ағымдағы қаржы жылы деңгейінде жүргізушілердің ең төменгі жалақысы, теңге


Жүргізушілердің ағымдағы қаржы жылы деңгейіндегі әлеуметтік аударымдары, теңге


Кондукторлар саны, адамдар


Ағымдағы қаржы жылы деңгейінде кондукторлардың ең төменгі жалақысы, теңге


Ағымдағы қаржы жылы деңгейіндегі кондукторлардың әлеуметтік аударымдары, теңге


Жиыны


      Ұйым басшысы

      Бас бухгалтер

      Мөрдің орны (бар болса) немесе ұйым басшысының электрондық цифрлық қолдаңбасы

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
11-қосымша
Нысан

Субсидия тағайындау туралы №____ хабарлама

      Көрсетілетін қызметті алушы: _____________________________________

      (жеке сәйкестендiру нөмiрi/бизнес-сәйкестендiру нөмiрi)

      Мемлекеттік көрсетілетін қызмет: "Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау"

      Маршрут түрі: ___________

      Маршрут атауы және (немесе) нөмірі: ____________

      Маршрутқа қызмет көрсетудің кезеңі: ___________

      Мәртебе: Субсидия тағайындалды

      Хабарлама берген жергілікті атқарушы орган: _______________________

      __________________________________________________________________

      Хабарлама жіберілетін уақыты мен күні: 20 ____ жылғы "___" ________

  Әлеуметтік маңызы бар
жолаушылар тасымалдауларын
жүзеге асырумен байланысты
тасымалдаушылардың
шығындарын бюджет қаражаты
есебінен субсидиялау
қағидаларына
12-қосымша
Нысан

Субсидия тағайындаудан бас тарту туралы №____ хабарлама

      Көрсетілетін қызметті алушы: _____________________________________

      (жеке сәйкестендiру нөмiрi/ бизнес-сәйкестендiру нөмiрi)

      Мемлекеттік көрсетілетін қызмет: "Ауданаралық (қалааралық облысішілік),

      ауданішілік, қалалық (ауылдық) және қала маңындағы қатынастарда әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау"

      Маршрут түрі: ___________

      Маршрут атауы және (немесе) нөмірі: ____________

      Маршрутқа қызмет көрсетудің кезеңі: ___________

      Мәртебе: Субсидия тағайындаудан бас тартылды

      Негізі: __________________________________________________________

      __________________________________________________________________

      Хабарлама берген жергілікті атқарушы орган:

      __________________________________________________________________

      Хабарлама жіберілетін уақыты мен күні: 20 ____ жылғы "___" ______


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады