«Нормативтік құқықтық актілер туралы» Қазақстан Республикасы Заңының 21-1-бабына сәйкес, БҰЙЫРАМЫН:
1. «Сыртқы экономикалық қызметке (СЭҚ) қатысушыларды тіркеу» мемлекеттік қызмет көрсетудің стандартын бекіту туралы» Қазақстан Республикасы Қаржы министрінің 2007 жылғы 14 желтоқсандағы № 463 (Қазақстан Республикасының Әділет министрлігінде 2008 жылғы 18 қаңтарда Нормативтік құқықтық актілерді мемлекеттік тіркеудің тізілімінде № 5099 болып тіркелген, Қазақстан Республикасының Орталық атқарушы және өзге де орталық мемлекеттік органдарының актілер жинағында 2008 жылғы 28 мамырда № 5 жарияланған) бұйрығының күші жойылды деп танылсын.
2. Қазақстан Республикасы Қаржы министрлігі Кедендік бақылау комитеті (Ғ.К. Әмрин) заңнамамен белгіленген тәртіпте:
1) осы бұйрықтың көшірмесін бір апталық мерзімде Қазақстан Республикасы Әділет министрлігіне жолдауды;
2) оны бұқаралық ақпарат құралдарында ресми жариялауын қамтамасыз етсін.
3. Осы бұйрық қол қойылған күнінен бастап күшіне енеді.
Қазақстан Республикасы
Премьер-Министрінің орынбасары
Қазақстан Республикасының
Қаржы министрі Б. Сұлтанов
