Аудандық мәслихаттың кейбір шешімдерінің күші жойылды деп тану туралы

Ақтөбе облысы Шалқар аудандық мәслихатының 2016 жылғы 14 қаңтардағы № 269 шешімі

Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6 бабына және Қазақстан Республикасының 1998 жылғы 24 наурыздағы № 213 "Нормативтік құқықтық актілер туралы" Заңының 21-1 бабына сәйкес, Шалқар аудандық мәслихаты ШЕШІМ ҚАБЫЛДАДЫ:
1. Аудандық мәслихаттың келесі шешімдерінің күші жойылды деп танылсын:
1) Аудандық мәслихаттың 2015 жылғы 28 қыркүйек № 237 "Шалқар аудандық мәслихатының аппараты" мемлекеттік мекемесінің "Б" корпусы мемлекеттік әкімшілік қызметшілерінің қызметін жыл сайынғы бағалау әдістемесін бекіту туралы (нормативтік құқықтық актілерді мемлекеттік тіркеу тізілімінде № 4546 санымен тіркелген, "Шежірелі өлке" газетінің 2015 жылғы 30 қазандағы № 44 (709) санымен жарияланған.
2. Осы шешім қол қойылған күнінен бастап күшіне енеді.

Аудандық мәслихаттың сессия төрағасы	Ж. Утегенов
Аудандық мәслихаттың хатшысы	М. Жиенғазина