"Қазақстан Республикасы Индустрия және инфрақұрылымдық даму министрлігінің Көлік комитеті" мемлекеттік мекемесінің және оның aумақтық бөлімшелерінің ережелерін бекіту туралы" Қазақстан Республикасы Индустрия және инфрақұрылымдық даму министрінің 2019 жылғы 31 қаңтардағы № 58 бұйрығына өзгерістер мен толықтырулар енгізу туралы

"Қазақстан Республикасы Индустрия және инфрақұрылымдық даму министрлігінің кейбір мәселелері туралы" Қазақстан Республикасы Үкіметінің 2018 жылғы 19 қыркүйектегі № 936 қаулысына сәйкес БҰЙЫРАМЫН:

1. "Қазақстан Республикасы Индустрия және инфрақұрылымдық даму министрлігінің Көлік комитеті" мемлекеттік мекемесінің және оның aумақтық бөлімшелерінің ережелерін бекіту туралы" Қазақстан Республикасы Индустрия және инфрақұрылымдық даму министрінің 2019 жылғы 31 қаңтарындағы № 58 бұйрығына (2019 жылғы 31 мамырда "Әділет" ақпараттық-құқықтық жүйесінде жарияланған) мынадай өзгерістер мен толықтырулар енгізілсін:

бұйрықтың тақырыбы мынадай редакцияда жазылсын:

"Қазақстан Республикасы Индустрия және инфрақұрылымдық даму министрлігінің Көлік комитеті" республикалық мемлекеттік мекемесінің және оның aумақтық бөлімшелерінің ережелерін бекіту туралы;";

1-тармақта:

5) тармақшаның орыс тіліндегі мәтініне өзгеріс енгізілді, қазақ тіліндегі мәтіні өзгермейді;

19) тармақша мынадай редакцияда жазылсын:

"19) осы бұйрыққа 19-қосымшаға сәйкес "Қазақстан Республикасы Индустрия және инфрақұрылымдық даму министрлігі Көлік комитетінің "Қазақстан Республикасының порттарының теңiз әкiмшілiгi" республикалық мемлекеттік мекемесінің ережесі бекітілсін.";

көрсетілген бұйрықпен бекітілген "Қазақстан Республикасы Индустрия және инфрақұрылымдық даму министрлігінің Көлік комитеті" республикалық мемлекеттік мекемесінің ережесінде:

12-тармақта:

12) тармақша алынып тасталсын;

14-тармақта:

8) тармақша мынадай редакцияда жазылсын:

"8) шет мемлекеттiң туын көтерiп жүзетiн кемені Каспий теңізінің қазақстандық секторында пайдалануға рұқсат беру;";

16-тармақ мынадай мазмұндағы 4-1), 4-2), 4-3), 4-4), 4-5), 4-6), 4-7), 4-8), 4-9), 4-10), 4-11), 4-12), 4-13), 4-14), 4-15), 4-16), 4-17), 4-18), 4-19), 4-20), 4-21), 4-22), 4-23), 4-24), 4-25), 4-26), 4-27), 4-28), 4-29), 4-30) және 4-31) тармақшалармен толықтырылсын:

"4-1) қайта жабдықтау салдарынан кеменiң техникалық деректерi өзгерген жағдайда шағын көлемдi кемелердi қайта тiркеудi жүргiзу;

4-2) қауіпсіздік сертификатын беру;

4-3) басқа мемлекеттердің аумағында кемелермен болған авариялық жағдайларды тергеп-тексеруге қатысу;

4-4) навигациялық орталықтың көрсететін қызметтерін пайдалану тарифтерін (бағасын) әзірлеу;

4-5) теңіз порттарын, оның ішінде халықаралық маңыздағы мәртебесі бар теңіз порттарын, порт құрылыстарын және теңіз порты акваториясын пайдалану қағидаларын әзірлеу;

4-6) теміржолдарды техникалық пайдалану, оларға қызмет көрсету және жөндеу қағидаларын әзірлеу;

4-7) жылжымалы құрамның қызмет ету мерзімдерін ұзарту қағидаларын әзірлеу;

4-8) теміржол өткелдерін техникалық пайдалану, оларға қызмет көрсету және жөндеу қағидаларын әзірлеу;

4-9) жүктерді теміржол көлігімен тасымалдау қағидаларын әзірлеу;

4-10) теміржол көлігіндегі жол жүрісі қауіпсіздігін бұзушылықтарды тергеп-тексеру қағидаларын әзірлеу;

4-11) қауіпсіздік сертификатының нысанын әзірлеу;

4-12) кiрме жолдар мен жанасу станциялары жұмысының бірыңғай технологиялық процестерін әзірлеу қағидаларын әзірлеу;

4-13) тасымалдаушы мен экспедитор арасындағы жүктерді теміржол көлігімен тасымалдауды ұйымдастыру туралы үлгілік шарттарды әзірлеу;

4-14) жасанды құрылысжайларды техникалық пайдалану, қызмет көрсету және жөндеу қағидаларын әзірлеу;

4-15) жылжымалы құрамды техникалық пайдалану, оларға қызмет көрсету және жөндеу қағидаларын әзірлеу;

4-16) жол жүрісі қауіпсіздігін бұзушылықтар туралы ақпараттың нысандарын әзірлеу;

4-17) кемелерді өлшеу жөніндегі қағидаларды әзірлеу;

4-18) қоршаған ортаны қорғау саласындағы уәкілетті органмен келісу бойынша кемелерден ластануды болғызбау жөніндегі қағидаларды әзірлеу;

4-19) теңіз порты мәртебесін беру қағидаларын әзірлеу;

4-20) теңіз портының міндетті көрсететін қызметтері үшін бағаларды (тарифтерді) қолдану қағидаларын әзірлеу;

4-21) Қазақстан Республикасының аумақтық суларында жүзу қағидаларын әзірлеу;

4-22) мемлекеттік техникалық флот кемелерінің жанар-жағармай материалдарын жұмсау (заттай мәндегі) нормаларын әзірлеу;

4-23) суға батқан мүлікті көтеру құнын айқындау әдістемесін әзірлеу;

4-24) уәкілетті органның лауазымды адамдарының әкімшілік құқық бұзушылықтар және әрекеттер жасау фактілерін тіркеу үшін техникалық құралдарды пайдалану қағидаларын әзірлеу;

4-25) уәкілетті органның аумақтық бөлімшесінде жүктерді жүк және мамандандырылған автокөлік құралдарымен тасымалдау, сондай-ақ арнаулы автомобильдермен қызметтер көрсету жөніндегі қызметті тіркеу тәртібін әзірлеу;

4-26) механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесімен ақпараттық өзара іс-қимылды жүзеге асыратын мамандандырылған бағдарламалық қамтылымға қойылатын талаптарды әзірлеу;

4-27) Ұлттық теңіз тасымалдаушысы мәртебесін беру қағидаларын және шарттарын әзірлеу;

4-28) азаматтық қорғау саласындағы уәкілетті органмен, Қорғаныс министрлігімен және Ұлттық қауіпсіздік комитетімен бірлесіп, Каспий теңізінің қазақстандық секторында құтқару операцияларын жүргізу қағидаларын әзірлеу;

4-29) материалдар мен жабдықтардың азайтылмайтын қорларының тізбесін, кеме қатынасы шлюзі үшін оларды пайдалану және сақтау тәртібін әзірлеу;

4-30) Жылжымалы құрам мемлекеттік тізілімінен алып тастау тәртібін белгілеу;

4-31) шағын көлемді кемелерді қарап-тексеру актісінің және ұйғарымның нысанын әзірлеу;";

16-тармақта:

27) тармақша мынадай редакцияда жазылсын:

"27) теміржол көлiгiнде тасымалдау және басқа да қызметті жүзеге асыратын жеке және заңды тұлғалардың қызметін, оның ішінде олармен:

темiржол желiсiнiң станциялық және магистральдық жолдар мен темiржолдағы кiрме жолдарды күтiп-ұстауды, жылжымалы құрамды күтiп-ұстауды, пайдалануды және жөндеуді;

Жолаушыларды, багажды, жүктерді, жүк-багажды және поштамен жөнелтілімдерін теміржол көлігімен тасымалдау қағидаларын;

темiржол көлiгiнде жүру қауiпсiздiгiн қамтамасыз етуге бағытталған техникалық құралдарды, сондай-ақ жасанды құрылыстарды және теміржол өтпелерін күтіп-ұстауды, пайдалануды және жөндеуді сақтау бөлігінде бақылау-өлшеу техникалық құралдары мен аспаптарын қолдана отырып, тексеруді жүзеге асыру;";

көрсетілген бұйрықпен бекітілген "Қазақстан Республикасы Индустрия және инфрақұрылымдық даму министрлігінің Көлiк комитетi" республикалық мемлекеттік мекемесінің қарамағындағы аумақтық органдардың тізбесінде:

5) тармақшаның орыс тіліндегі мәтініне өзгеріс енгізілді, қазақ тіліндегі мәтіні өзгермейді;

18) тармақша мынадай редакцияда жазылсын:

"18) Қазақстан Республикасы Индустрия және инфрақұрылымдық даму министрлігі Көлік комитетінің "Қазақстан Республикасының порттарының теңiз әкiмшілiгi" республикалық мемлекеттік мекемесі.";

көрсетілген бұйрықпен бекітілген "Қазақстан Республикасы Индустрия және инфрақұрылымдық даму министрлігі Көлік комитетінің "Ақмола облысы бойынша көліктік бақылау инспекциясы" республикалық мемлекеттік мекемесінің ережесінде:

1-тармақ мынадай редакцияда жазылсын:

"1. "Қазақстан Республикасы Индустрия және инфрақұрылымдық даму министрлігі Көлік комитетінің Ақмола облысы бойынша көліктік бақылау инспекциясы" республикалық мемлекеттік мекемесі (бұдан әрі - Инспекция) Қазақстан Республикасы Индустрия және инфрақұрылымдық даму министрлігі Көлік комитетінің (бұдан әрі - Комитет) аумақтық органы болып табылады және әуе және құбыржол көлігін қоспағанда, көлік саласындағы бақылау-қадағалау функцияларын жүзеге асырады.";

Қазақстан Республикасының
Индустрия және инфрақұрылымдық
даму министрінің міндетін атқарушы	Қ. Өскенбаев

Базаның жай-күйі

Құқықтық ақпараттық қызметі

Қолдау қызметі

Соңғы құжаттар

Кеңінен таралған құжаттар