Қазақстан Республикасы Жер кодексінің 18-бабына, 69-бабының 4-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 31-бабына сәйкес, жер комиссиясының 2021 жылғы 23 қыркүйектегі № 796 қорытындысы негізінде Қостанай қаласының әкімдігі ҚАУЛЫ ЕТЕДІ:
1. "Bolashak Construction Company KZ" жауапкершілігі шектеулі серіктестігіне жылу трассасын пайдалану үшін Қостанай қаласы, Береке шағын ауданы, "Жұлдыз" тұрғын үй кешені мекенжайы бойынша жалпы алаңы 0,1700 гектар жер учаскесіне қауымдық сервитут белгіленсін.
2. Осы қаулының орындалуын бақылау Қостанай қаласы әкімінің жетекшілік ететін орынбасарына жүктелсін.
3. Осы қаулы қол қойылған күнінен бастап қолданысқа енгізіледі.
| Әкім | Қ. Ахметов |
