"Қазақстан Республикасы Төтенше жағдайлар министрлігінің ведомстволары мен аумақтық бөлімшелері туралы ережелерді бекіту туралы" Қазақстан Республикасы Төтенше жағдайлар министрінің 2020 жылғы 30 қазандағы № 16 бұйрығына өзгерістер мен толықтырулар енгізу туралы

БҰЙЫРАМЫН:

1. "Қазақстан Республикасы Төтенше жағдайлар министрлігінің ведомстволары мен аумақтық бөлімшелері туралы ережелерді бекіту туралы" Қазақстан Республикасы Төтенше жағдайлар министрінің 2020 жылғы 30 қазандағы № 16 бұйрығына мынадай өзгерістер мен толықтырулар енгізілсін:

көрсетілген бұйрыққа 1-қосымшада:

6-тарау алып тасталсын;

көрсетілген бұйрыққа 2-қосымшада:

13-тармақ мынадай мазмұндағы 4) тармақшамен толықтырылсын:

"4) мемлекеттік өртке қарсы қызмет органдары үшін қылмыстық-процестік заңнамада белгіленген құзыреті шегінде анықтауды жүзеге асыру.";

14-тармақ мынадай мазмұндағы 46), 47), 48), 49), 50), 51), 52), 53), 54), 55), 56) және 57) тармақшалармен толықтырылсын:

"46) мемлекеттік өртке қарсы қызмет органдары үшін қылмыстық-процестік заңнамада белгіленген құзыреті шегінде сотқа дейінгі тергеуді жүргізу;

47) тергеу және заңда көзделген өзге де процестік әрекеттерді жүргізу кезінде соттардың ұйғарымдарын, судьялардың қаулыларын, прокурорлардың жазбаша тапсырмаларын орындау;

48) өрт туралы істерді анықтау бойынша қызмет нәтижелеріне талдау жүргізу;

49) құзыреті шегінде анықтау қызметін регламенттейтін нормативтік құқықтық актілердің әзірленген жобаларына ұсыныстар енгізу;

50) құқық қорғау және арнайы органдардың қызметтерімен және басқа да ұйымдармен өзара іс-қимыл жасау;

51) қылмыстық істерді тоқтата тұрудың және тоқтатудың негізділігін зерделеу;

52) қылмыстық құқық бұзушылықтарды ашу үшін ақпараттық-аналитикалық жүйелерді пайдалану;

53) қылмыстық құқық бұзушылықтар жасауға ықпал ететін себептер мен жағдайларды анықтау және талдау, оларды жою жөнінде шаралар қолдану;

54) қылмыстық құқық бұзушылықтар жасауға ықпал ететін себептер мен жағдайларды жою туралы құзыретті мекемелерге ұсынымдар жолдау;

55) азаматтарды қабылдауды жүзеге асыру, азаматтардың, лауазымды адамдардың ауызша және жазбаша арыздарын, өтініштері мен ұсыныстарын уақтылы және толық қарау, олар бойынша шешімдер қабылдау;

56) есепке алу-тіркеу тәртібіне бақылауды жүзеге асыру;

57) Қазақстан Республикасының кодекстерінде, заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де іс-қимылдарды жүзеге асыру.";

мынадай мазмұндағы 14-1-тармақпен толықтырылсын:

"14-1. Комитет анықтау органы ретінде заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктерге ие.";

15-тармақта:

3) тармақша алып тасталсын;

мынадай мазмұндағы 5-1), 5-2), 5-3), 5-4), 5-5), 5-6), 5-7), 5-8), 5-9), 5-10), 5-11), 5-12), 5-13), 5-14), 5-15), 5-16), 5-17) және 5-18) тармақшалармен толықтырылсын:

"5-1) қылмыстық құқық бұзушылықтарды ашу және тергеу кезінде басқа органдарға, ұйымдарға және лауазымды адамдарға орындалуы міндетті тапсырмалар беру;

5-2) іс жүргізіліп жатқан материалдар мен қылмыстық істер бойынша азаматтарды, лауазымды адамдарды, заңды тұлғалардың өкілдерін шақыру, олардан түсініктемелер, құжаттар, олардың көшірмелерін алу, жауап алу, сондай-ақ дәлелсіз себеппен келуден жалтарған адамдарды белгіленген тәртіппен күштеп әкелу;

5-3) сотқа дейінгі іс жүргізу бойынша міндеттерді шешуді қамтамасыз ететін мамандандырылған есепке алуды, ақпараттық жүйелерді пайдалану;

5-4) азаматтардың жекелеген учаскелер мен аумақтарға кіруін шектеу немесе уақытша тыйым салу, жедел-іздестіру іс-шаралары мен тергеу әрекеттерін жүргізу кезінде оларды белгілі бір жерден кетпеуге міндеттеу;

5-5) коммерциялық, банктік немесе заңмен қорғалатын өзге де құпияны құрайтын мәліметтерді жария етуге Қазақстан Республикасының заңнамалық актілерінде белгіленген талаптарды сақтай отырып, кедергісіз және өтеусіз, қозғалған қылмыстық істер бойынша меншік нысанына қарамастан мемлекеттік органдар мен ұйымдардан, оның ішінде қылмыстық құқық бұзушылықтардың алдын алу және оларды ашу мақсатында анықтау мен тергеуді жүзеге асыратын арнайы органдардан ақпарат пен материалдар алу;

5-6) заңды және жеке тұлғаларға қылмыстық құқық бұзушылықтар жасауға ықпал ететін себептер мен жағдайларды жою жөнінде орындалуы міндетті ұсынымдар беру;

5-7) анықтаушыларды тағылымдамадан өткізу және олардың біліктілігін арттыру (қайта мамандандыру) жөнінде, сондай-ақ материалдық-техникалық қамтамасыз етуді жақсарту жөнінде ұсыныстар енгізу;

5-8) қылмыстық істер бойынша сотқа дейінгі іс жүргізуді жүзеге асыру мәселелері бойынша нормативтік құқықтық актілерді әзірлеу, жетілдіру және іске асыру жөнінде ұсыныстар енгізу;

5-9) құзыретіне кіретін мәселелер бойынша кеңестерге, семинарларға, конференцияларға қатысу;

5-10) жүктелген функцияларды орындау үшін қажетті құжаттарды, анықтамаларды, есептерді және басқа да мәліметтерді сұрату және алу;

5-11) есептерді, статистикалық деректерді, мәліметтерді сұрату;

5-12) адамның және азаматтың құқықтары мен бостандықтарын қорғау;

5-13) жасалған немесе дайындалып жатқан кез келген қылмыстық құқық бұзушылық туралы арыздар мен хабарларды қабылдау, тіркеу және қарау, сондай-ақ арыз берушіге заңнамада белгіленген мерзімде арызды қарау нәтижелері туралы толық және анық ақпарат беру;

5-14) мемлекеттік өртке қарсы қызмет органдары үшін қылмыстық-процестік заңнамада белгіленген құзыреті шегінде қылмыстық істер бойынша сотқа дейінгі іс жүргізуді жүзеге асыру;

5-15) анықтау жүргізу кезінде заңда көзделген құпияны қамтамасыз ету, қылмыстық процеске қатысушылардың және өзге де адамдардың өмірін, денсаулығын, ар-намысын, қадір-қасиетін және мүлкін қорғау жөнінде заңнамаларда көзделген шараларды қолдану;

5-16) іздестіру, тергеу және заңда көзделген өзге де процестік іс-қимылдарды жүргізу кезінде судьялардың қаулыларын, прокурордың жазбаша тапсырмаларын орындау;

5-17) сотқа дейінгі іс жүргізуді тексеру және есепке алу-тіркеу тәртібіне бақылау жүргізу үшін анықтаушылардың оқиға орнына шығуын жүзеге асыру;

5-18) қылмыстық құқық бұзушылықтарды, оларды жасаған адамдарды, қылмыстық істерді есепке алу құжаттарын, анықтаушылардың жұмыс нәтижелері туралы есептерді жасау және ұсыну";

көрсетілген бұйрыққа 5-қосымшада: