Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 39-3 бабының 6 тармағына, Қазақстан Республикасы Ұлттық экономика министрінің 2023 жылғы 23 маусымдағы № 122 "Жергілікті қоғамдастықтың бөлек жиындарын өткізудің үлгілік қағидаларын бекіту туралы" бұйрығына (Қазақстан Республикасының Әділет Министрлігінде № 32894 болып тіркелген) сәйкес, Шалқар аудандық мәслихаты ШЕШТІ:
1. Осы шешімнің 1 қосымшасына сәйкес Ақтөбе облысы Шалқар ауданы Шалқар қаласының жергілікті қоғамдастықтың бөлек жиындарын өткізудің қағидалары бекітілсін.
2. Осы шешімнің 2 қосымшасына сәйкес Ақтөбе облысы Шалқар ауданы Шалқар қаласының жергілікті қоғамдастық жиынына қатысу үшін қала тұрғындары өкілдерінің сандық құрамы бекітілсін.
3. Шалқар аудандық мәслихатының 2022 жылғы 28 сәуірдегі № 220 "Ақтөбе облысы Шалқар ауданы Шалқар қаласының жергілікті қоғамдастықтың бөлек жиындарын өткізудің қағидаларын және жергілікті қоғамдастық жиынына қатысу үшін қала тұрғындары өкілдерінің сандық құрамын бекіту туралы" шешімінің күші жойылды деп танылсын.
4. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Шалқар аудандық мәслихатының төрағасы |
С. Бигеев |
| Шалқар аудандық мәслихатының 2023 жылғы 15 қыркүйектегі № 92 шешіміне 1 қосымша |
Ақтөбе облысы Шалқар ауданы Шалқар қаласының жергілікті қоғамдастықтың бөлек жиындарын өткізудің қағидалары
1. Жалпы ережелер
1. Осы Ақтөбе облысы Шалқар ауданы Шалқар қаласының жергілікті қоғамдастықтың бөлек жиындарын өткізудің қағидалары "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 39-3 бабының 6 тармағына, Қазақстан Республикасы Ұлттық экономика министрінің 2023 жылғы 23 маусымдағы № 122 "Жергілікті қоғамдастықтың бөлек жиындарын өткізудің үлгілік қағидаларын бекіту туралы" бұйрығына (Қазақстан Республикасының Әділет Министрлігінде № 32894 болып тіркелген) сәйкес әзірленді және Шалқар қаласының қала тұрғындарының жергілікті қоғамдастықтың бөлек жиындарын өткізудің тәртібін белгілейді.
2. Осы Қағидаларда мынадай негізгі ұғымдар пайдаланылады:
1) бөлек жергілікті қоғамдастық жиыны- қала тұрғындарының (жергілікті қоғамдастық мүшелерінің) жергілікті қоғамдастық жиынына қатысу үшін өкілдерді сайлауға тікелей қатысуы;
2) жергілікті қоғамдастық – шекараларында жергілікті өзін-өзі басқару жүзеге асырылатын, оның органдары құрылатын және жұмыс істейтін тиісті әкімшілік-аумақтық бірліктің аумағында тұратын тұрғындардың (жергілікті қоғамдастық мүшелерінің) жиынтығы.
2 тарау. Жергілікті қоғамдастықтың бөлек жиындарын өткізу тәртібі
3. Жергілікті қоғамдастықтың бөлек жиынын өткізу үшін қала аумағы учаскелерге (көшелер) бөлінеді.
4. Жергілікті қоғамдастықтың бөлек жиындарында жергілікті қоғамдастық жиынына қатысу үшін саны үш адамнан аспайтын өкілдер сайланады.
5. Шалқар қаласының әкімі жергілікті қоғамдастықтың бөлек жиынын шақырады және өткізуді ұйымдастырады.
Шағын аудан немесе көше шегінде көппәтерлі үйлер болған кезде көппәтерлі үйдің бөлек жиындары жүргізілмейді.
6. Жергілікті қоғамдастықтың бөлек жиындарының шақырылу уақыты, орны және талқыланатын мәселелер туралы жергілікті қоғамдастықтың халқын Шалқар қаласының әкімі бұқаралық ақпарат құралдары арқылы немесе өзге де тәсілдермен өткізілетін күнге дейін күнтізбелік он күннен кешіктірмей хабардар етеді.
7. Жергілікті қоғамдастықтың бөлек жиынын ашудың алдында тиісті учаскеден қатысып отырған тұрғындарын тіркеу жүргізіледі.
Кәмелетке толмағандардың, сот әрекетке қабілетсіз деп таныған адамдардың, сондай-ақ сот үкімі бойынша бас бостандығынан айыру орындарында ұсталатын адамдардың жергілікті қоғамдастықтың бөлек жиынына қатысуына жол берілмейді.
Жергілікті қоғамдастықтың бөлек жиыны осы учаскеде тұратын тұрғындардың (жергілікті қоғамдастық мүшелерінің) кемінде он пайызы қатысқан кезде өтті деп есептеледі.
8. Жергілікті қоғамдастықтың бөлек жиынын Шалқар қаласының әкімі немесе ол уәкілеттік берген тұлға ашады.
Шалқар қаласының әкімі немесе ол уәкілеттік берген тұлға бөлек жергілікті қоғамдастық жиынының төрағасы болып табылады.
Жергілікті қоғамдастықтың бөлек жиынында хаттама жүргізіледі, жергілікті қоғамдастықтың бөлек жиынының хаттамасын ресімдеу үшін ашық дауыс беру арқылы хатшы сайланады.
9. Жергілікті қоғамдастық жиынына қатысу үшін қала тұрғындары өкілдерінің кандидатураларын аудандық мәслихат бекіткен сандық құрамға сәйкес жергілікті қоғамдастықтың бөлек жиынының қатысушылары ұсынады.
10. Дауыс беру ашық тәсілмен әрбір кандидатура бойынша дербес жүргізіледі. Жергілікті қоғамдастықтың бөлек жиынына қатысушылардың ең көп дауысын жинаған кандидаттар сайланды деп есептеледі.
Егер жергілікті қоғамдастықтың бөлек жиынында дауыс беру кезінде қатысушылардың дауыстары тең бөлінген жағдайда, бөлек жиынның төрағасы шешуші дауыс құқығын пайдаланады.
11. Жергілікті қоғамдастықтың бөлек жиынының хаттамасына төраға мен хатшы қол қояды және бөлек жиын өткізілген күннен бастап екі жұмыс күні ішінде жиын хатшысы тіркеу үшін тиісті Шалқар қаласы әкімінің аппаратына береді.
Жергілікті қоғамдастық жиынында немесе жергілікті қоғамдастық жиналысында хаттама жүргізіледі, онда:
1) жергілікті қоғамдастық жиынының немесе жергілікті қоғамдастық жиналысының өткізілген күні мен орны;
2) тиісті аумақта тұратын және жергілікті қоғамдастық жиынына немесе жергілікті қоғамдастық жиналысына қатысуға құқығы бар жергілікті қоғамдастық мүшелерінің жалпы саны;
3) қатысушылардың саны және олардың тегі, аты, әкесінің аты (ол болған жағдайда) көрсетілген тізім;
4) жергілікті қоғамдастық жиынының немесе жергілікті қоғамдастық жиналысының төрағасы мен хатшысының тегі, аты, әкесінің аты (ол болған жағдайда);
5) күн тәртібі, сөйленген сөздердің мазмұны және қабылданған шешімдер көрсетіледі.
| Шалқар аудандық мәслихатының 2023 жылғы 15 қыркүйектегі № 92 шешіміне 2 қосымша |
Ақтөбе облысы Шалқар ауданы Шалқар қаласының жергілікті қоғамдастық жиынына қатысу үшін қала тұрғындары өкілдерінің сандық құрамы
№ | Көшелердің атауы | Жергілікті қоғамдастық жиынына қатысу үшін өкілдерінің саны (адам) |
1. | Шалқар қаласының О.Құлетов, Жилкооперация, Ж.Таушанов, 1 Мамыр, Батақтың Сарысы, Жамбыл, Абай, Алтынсарин, С.Маманов, Жылқаман батыр көшелері тұрғындары үшін | 2 |
2. |
Шалқар қаласының М.Әуезов, Т.Ахтанов, Байқазақ батыр, | 2 |
3. | Шалқар қаласының В.Цеханович, Е.Батырғарин, И.Доценко, Ә.Жангелдин, Мамай Достанұлы көшесі, Қыз Жібек, Т.Жалмағанбетов, Қарашоқат, Шілікті, Тұмалыкөл, Шуақ көшелері тұрғындары үшін | 2 |
4. | Шалқар қаласының Ы.Карагулин, З.Мұстафин, Питомник, Арал, Мөңке би, С.Жаманқұлов, Шоқысу көшелері тұрғындары үшін | 2 |
5. | Шалқар қаласының Г.Резванов, Т.Алдияров, Ә.Биекенов, Ю.Гагарин, Ә.Мұңайтбасұлы, Москва, Д.Үмбетжанұлы, Ақтөбе, Жаңа, И.Тұрғанбаев, Құлқай ата, Ораз би Тәтеұлы, Е.Ниязов, Ұлы Борсық, Мұзбел көшелері тұрғындары үшін | 2 |
6. | Шалқар қаласының Жаңа құрылыс, Өртшілер, Тоқымашылар, Желтоқсан, Мырзығұл Шыманұлы, Г.Титов, Электр, Ульянов, Достық, Борсық көшелері тұрғындары үшін | 2 |
7. | Шалқар қаласының Т.Шойғарин, Ш.Рафиков, Н.Қобландин, Ө.Сейітов, Т.Бисенов, Қара өткел көшелері тұрғындары үшін | 2 |
8. | Шалқар қаласының Әйтеке би, Қ.Ақшолақов, Мәуміт батыр, Ж.Жармағамбетов, Достық, Көл, Клуб, І.Үргенішбаев, Ә.Молдағұлова көшелері тұрғындары үшін | 2 |
9. | Шалқар қаласының Қ.Қонақбайұлы, Ақтан Ақайұлы, Бейбітшілік, Есет Көтібарұлы, Көл жағалауы, Қазанғап, Н.Юсупов, Ж.Дүйісов, Бақ, А.Жұбанов, Т.Көшербаев, Оңтүстік көшелері тұрғындары үшін | 2 |
10. | Шалқар қаласының Ұран Бақтыбай, Т.Басенов, Алшын Қаражігіт би, Б.Сүлейменов, М.Сыдықұлы, Ж.Мекебаев, Н.Жақсыбаев, Е. Жаңбыршин, Ә.Төлегенов, Ә.Құрманов, Мектеп, Космонавттар, М.Мамедова көшелері тұрғындары үшін. | 2 |
11. | Шалқар қаласының А.Тихонов, Дала, Шетырғыз, Өнер, Талдықұм, Ә.Байсалбаев, Жастар, Өндіріс, Солтүстік шоссе, Ы.Нұртаев, Құрманғазы, Елтезер, Жәлімбет, Х. Есбосынов, Энергетиктер, Кіші, Н.Кенжебаев, Н.Тәжібаев, Сазтөбе көшелері тұрғындары үшін | 2 |
12. | Шалқар қаласының Көкжиде, Сарықамыс көшелері тұрғындары үшін | 1 |
13. | Шалқар қаласының Тағыберген Жамашұлы, Жеңіске 40 жыл, О.Ақжанов, Еңбек, С.Боранбайұлы, Д.Қалағанов, Бостандық, Байланыс, Ү.Адилшинов, Ақирек, Наурыз, Ынтымақ, Аяққұм, Ы.Абдуллин, Мәдениет, Т.Жұмағалиев, Қазақай Ахун, Ерназар Бекет, Б.Тұңғатаров, Ә.Жанаманов, Ағайынды Қалжановтар, Қ.Сәлпенов, Ж.Қабақбаев, М.Қадыров, Е.Жоламанов, Қ.Қаратайұлы, Жанұзақовтар көшелері тұрғындары үшін | 2 |
Барлығы | 25 | |
