Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңына, Қазақстан Республикасының Жер Кодексіне, "Қазақмыс корпорациясы" ЖШС нің 11.11.2024 жылғы № ЗТ-2024-05924165 өтінішін негізге ала отырып, Қарқаралы ауданының әкімдігі ҚАУЛЫ ЕТЕДІ:
1. Осы қаулының қосымшасына сәйкес "Қазақмыс корпорациясы" жауапкершілігі шектеулі серіктестігіне, Қарқаралы ауданы, Бақты ауылдық округінің босалқы жерінен өтетін уақытша айналма жолына, жалпы көлемі 0,5660 га меншік иелері мен жер пайдаланушылардан жер учаскелерін алып қоймай, "Қарағанды-Аягуз-Тарбағатай-Бұғаз" автожолында орналасқан Қадыр өзені арқылы өтетін жол көпіріне жөндеу жұмыстарын жүргізу үшін 2026 жылдың 31 желтоқсанға дейін қауымдық сервитут белгіленсін.
2. Жер пайдаланушы- "Қазақмыс корпорациясы" жауапкершілігі шектеулі серіктестігі (келісім бойынша) жер пайдаланушыларға және жер учаскесінің иелеріне толық көлемде шығындарын өтеуді қамтамасыз етсін, шығын көлемі және олардың өтемақысы Қазақстан Республикасының қолданыстағы заңнамасына сәйкес тараптардың келісімдері бойынша белгіленсін.
3. "Қарқаралы ауданының жер қатынастары бөлімі" мемлекеттік мекемесі осы қаулыдан туындайтын басқа да шараларды қабылдасын.
4. Осы қаулының орындалысына бақылау жасау жетекшілік ететін аудан әкімінің орынбасарына жүктелсін.
5. Осы қаулы оның алғашқы ресми жарияланған күнінен бастап қолданысқа енгізіледі.
| Қарқаралы ауданының әкімі | Ә.Арғынов |
| Қарқаралы ауданының әкімдігінің 2024 жылғы "20" желтоқсандағы № 409 қаулысына қосымша |
"Корпорация Казахмыс" жауапкершілігі шектеулі серіктестігіне қауымдық сервитут белгіленетін жер учаскелерінің тізбесі
№ | Орналасқан жері | Кадастырлық номері | Жалпы көлемі, га | жария сервитут белгіленуге жататын учаскелердің бөліктерінің ауданы (лицензия шекарасында) га; |
1 | Қарқаралы ауданы Бақты ауылдық округінің босалқы жері | 09-133- | 0,5660 | |
Барлығы: | 0,5660 |
