Солтүстік Қазақстан облысы Айыртау ауданының бас мемлекеттік ветеринариялық-санитариялық инспекторының 2024 жылғы 19 тамыздағы № 06-05/127 ұсынысы негізінде "Ветеринария туралы" Қазақстан Республикасы Заңының 10-1-бабының 8) тармақшасына, "Құқықтық актілер туралы" Қазақстан Республикасы Заңының 27-бабының 1-тармағына сәйкес, Солтүстік Қазақстан облысы Айыртау ауданы Гусаковка ауылдық округінің әкімі ШЕШІМ ҚАБЫЛДАДЫ:
1. Солтүстік Қазақстан облысы Айыртау ауданы Гусаковка ауылдық округінің Гусаковка ауылындағы "Гусаковка" жауапкершілігі шектеулі серіктестігінің аумағында ірі қара малдың бруцеллез ауруының ошағын жою жөніндегі ветеринариялық іс-шаралар кешенінің аяқталуына байланысты белгіленген шектеу іс-шаралары алынып тасталсын.
2. Солтүстік Қазақстан облысы Айыртау ауданы Гусаковка ауылдық округі әкімінің 2024 жылғы 15 маусымдағы № 10 "Шектеу іс-шараларын белгілеу туралы" (Нормативтік құқықтық актілерді мемлекеттік тіркеу тізілімінде № 197745 болып тіркелген) шешімінің күші жойылды деп танылсын.
3. Осы шешімінің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі
| С. Оспанов |
