Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 33-бабы 1-тармағының 13) тармақшасына, Қазақстан Республикасының "Азаматтық қорғау туралы" Заңына, Қазақстан Республикасы Төтенше жағдайлар министрінің м.а. 2023 жылғы 10 мамырдағы "Табиғи және техногендік сипаттағы төтенше жағдайлардың сыныптамасын белгілеу туралы" №240 бұйрығына сәйкес, Екібастұз қаласының төтенше жағдайлардың алдын алу және жою жөніндегі қалалық комиссиясының кезектен тыс отырысының 2025 жылғы 18 наурыздағы №4 хаттамасы негізінде, ШЕШІМ ҚАБЫЛДАДЫМ:
1. № 1 түтін мұржа құрылымының құлауымен апат қаупінің туындауына байланысты "Болат Нұржанов атындағы Екібастұз 1-МАЭС" ЖШС-да объектілік ауқымдағы техногендік сипаттағы төтенше жағдай жариялансын.
2. Төтенше жағдайды жою басшысы болып "Болат Нұржанов атындағы Екібастұз 1-МАЭС" ЖШС-ның бас директоры Асан Акимгалиевич Наурзгалиев (келісім бойынша) тағайындалсын.
3. Осы шешiмнiң орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Екібастұз қаласының әкімі | А. Бейсекин |
