Армения Республикасынан Еуразиялық экономикалық комиссия Кеңесінің мүшесіне және Еуразиялық экономикалық комиссия Алқасының мүшелеріне кандидатуралар туралы

Жоғары Еуразиялық экономикалық кеңестің 2015 жылғы 1 қаңтардағы № 103 шешімі.

Жоғары Еуразиялық экономикалық кеңес шешті:

1. Армения Республикасынан Еуразиялық экономикалық комиссия Кеңесінің мүшесі болып Габриелян Ваче Вазгенович тағайындалғаны туралы ақпарат назарға алынсын.

2. Еуразиялық экономикалық комиссия Алқасының мүшелері болып мыналар бекітілсін:

Алқа мүшесі (Министр) – Арутюнян Роберт Хосрорович;

Алқа мүшесі (Министр) – Минасян Карине Агасиевна;

Алқа мүшесі (Министр) – Нранян Ара Рудикович.

3. Еуразиялық экономикалық комиссияға жалпы штат саны шегінде Еуразиялық экономикалық комиссия Алқасы мүшелерінің 3 хатшылығын қосымша құруға рұқсат етілсін.

4. Жоғары Еуразиялық экономикалық кеңестің "Еуразиялық экономикалық комиссия департаменттерінің саны туралы" 2011 ж. 19 желтоқсандағы № 5 шешімінің 1-тармағындағы "8" деген цифр "11" деген цифрлармен ауыстырылсын.

Жоғары Еуразиялық экономикалық кеңес мүшелері:

Армения Республикасынан

Беларусь Республикасынан

Қазақстан Республикасынан

Ресей Федерациясынан