Еуразиялық экономикалық комиссия Алқасы Еуразиялық экономикалық комиссия Кеңесінің 2016 жылғы 17 наурыздағы № 17 шешімімен бекітілген Еуразиялық экономикалық одақ шеңберінде өнеркәсіптік ынтымақтастықтың негізгі бағыттарын іске асыру жөніндегі актілер мен іс-шараларды әзірлеу жоспарының 23-тармағына сәйкес
Еуразиялық экономикалық одаққа мүше мемлекеттердің индустриялық-инновациялық инфрақұрылым объектілерін (бұдан әрі тиісінше – инфрақұрылым объектілері, мүше мемлекеттер, Одақ) құру мен жұмыс істеуін қамтамасыз етудің үздік практикаларын тарату, инфрақұрылым объектілерінде орналастырылатын кәсіпорындар мен ұйымдардың кооперациясын дамыту мақсатында
мүше мемлекеттерге:
1. Осы Ұсыным Одақтың ресми сайтында жарияланған күннен бастап:
а) өнеркәсіптік (инновациялық) кластер, технологиялық (инновациялық) парк (технопарк), индустриялық (өнеркәсіптік) парк (аймақ), ғылыми-техникалық (инновациялық) орталық сияқты объектілерді қоса алғанда, инфрақұрылым объектілерінің және және мүше мемлекеттердің заңнамасында көзделген басқа да инфрақұрылым объектілерінің тізбесін қалыптастыруды және жыл сайын жаңартуды;
б) озық (моделдік) ұлттық инфрақұрылым объектілерін құру мен жұмыс істеуін қамтамасыз етудің үздік практикалары мен тәжірибесін зерделеу үшін оларды айқындауды;
в) мүше мемлекеттердің бизнес-қоғамдастықтарының қатысуымен озық (моделдік) ұлттық инфрақұрылым объектілерін құру мен жұмыс істеуін қамтамасыз ету бойынша тәжірибе алмасу жөніндегі бірлескен іс-шаралар жүргізуді;
г) Еуразиялық экономикалық комиссиямен бірлесіп, озық (моделдік) ұлттық инфрақұрылым объектілерін құрудың үздік әлемдік практикаларына, халықаралық стандарттарына және тәжірибесіне шолу жасауды, сондай-ақ объектілерді инфрақұрылым объектілеріне жатқызу өлшемшарттарын айқындау жөніндегі ұсыныстар тұжырымдауды;
д) Одақ шеңберінде инфрақұрылым объектілерін ерікті түрде сертификаттау жүйесін енгізудің орындылығы туралы мәселені зерделесін;
е) мүше мемлекеттер заңды тұлғаларының инфрақұрылым объектілеріне кемсітушіліксіз қол жеткізуін қамтамасыз ету туралы мәселені пысықтауды,
2. Еуразиялық экономикалық комиссияға:
а) 2017 жылғы 1 мамырға дейін – осы Ұсынымның 1-тармағының "а" тармақшасында көрсетілген инфрақұрылым объектілерінің тізбесін, сондай-ақ Одақтың ресми сайтына орналастыру мақсатында жыл сайын, 1 мамырға дейін оның жаңартылған нұсқасын;
б) 2017 жылғы 1 маусымға дейін - Одақтың ресми сайтына орналастыру мақсатында осы Ұсынымның 1-тармағының "б" тармақшасында көрсетілген озық (моделдік) ұлттық инфрақұрылым объектілерінің тізбесін;
в) 2017 жылғы 1 шілдеге дейін - Одақтың ресми сайтына орналастыру мақсатында осы Ұсынымның 1-тармағының "в" тармақшасына сәйкес озық (моделдік) ұлттық инфрақұрылым объектілерін құру мен жұмыс істеуін қамтамасыз ету бойынша тәжірибе алмасу жөніндегі 2017 – 2018 жылдарға арналған бірлескен іс-шаралар жоспары туралы ұсыныстарды;
г) 2018 жылғы 1 қаңтарға дейін – осы Ұсынымның 1-тармағының "г" тармақшасын орындау нәтижелері бойынша ақпаратты;
д) 2109 жылғы 1 қаңтарға дейін – осы Ұсынымның 1-тармағының "д" тармақшасына сәйкес мәселені зерделеу нәтижелері бойынша дайындалған Одақ шеңберінде инфрақұрылым объектілерін ерікті түрде сертификаттау жүйесін енгізудің орындылығына қатысты ұсыныстар беруді ұсынады.
|
Еуразиялық экономикалық комиссия Алқасының Төрағасы |
Т. Саркисян |
