Еуразиялық экономикалық одақтың ортақ электр энергетикалық нарығын қалыптастыру мақсатында 2014 жылғы 29 мамырдағы Еуразиялық экономикалық одақ туралы шарттың 16-бабы 1-тармағына, 81-бабы 1-тармағына және Жоғары Еуразиялық экономикалық кеңестің "Еуразиялық экономикалық одақтың ортақ электр энергетикалық нарығын қалыптастыру бағдарламасы туралы" 2016 жылғы 26 желтоқсандағы № 20 шешімінің 2-тармағына сәйкес:
1. Еуразиялық экономикалық одақтың (бұдан әрі – Одақ) ортақ электр энергетикалық нарығын қалыптастыру шеңберінде электр энергиясының орталықтандырылған саудасын ұйымдастыру үшін бұл алаңдардың электрондық сауда жүйесін жаңғырту (бұдан әрі -электрондық сауда жүйелері) қажеттігін ескере отырып, Қазақстан Республикасында және (немесе) Ресей Федерациясында қазіргі бар электр энергиясының сауда алаңдарын (бұдан әрі – сауда алаңдары) пайдалану орынды деп саналсын.
2. Одақтың ортақ электр энергетикалық нарығы шеңберінде электр энергиясының орталықтандырылған саудасын ұйымдастыру мақсатында сауда алаңдарының электрондық сауда жүйелерін жаңғыртуды қаржыландыру үшін бюджеттік емес көздерден тартылған қаражаттардың қажетті көлемін айқындау мақсатында 2018 жылғы 1 қазанға дейін:
Қазақстан Республикасының Үкіметі мен Ресей Федерациясының Үкіметі сауда алаңдары жүргізген электрондық сауда жүйелерін жаңғырту құнын бағалау нәтижелері туралы ақпаратты (Одақтың ортақ электр энергетикалық нарығы шеңберінде электр энергиясының орталықтандырылған саудасының тәсілдері бойынша бөліп көрсете отырып) Еуразиялық экономикалық комиссияға ұсынуды қамтамасыз етсін;
Еуразиялық экономикалық комиссия осы тармақтың екінші абзацына сәйкес ұсынылған ақпаратты Одаққа мүше мемлекеттердің үкіметтеріне жіберсін;
Одаққа мүше мемлекеттердің үкіметтері Одақтың ортақ электр энергетикалық нарығында электр энергиясының орталықтандырылған саудасын ұйымдастырудың экономикалық орындылығына бір тәулік бұрын бағалау жүргізуді және аталған бағалауды жүргізудің нәтижелері туралы ақпаратты Еуразиялық экономикалық комиссияға ұсынуды қамтамасыз етсін.
3. Одаққа мүше мемлекеттердің үкіметтері Еуразиялық экономикалық комиссиямен бірлесіп Қазақстан Республикасының және Ресей Федерациясының уәкілетті органдары ұсынған сауда алаңдары жүргізген электрондық сауда жүйелерін жаңғырту құнын бағалау нәтижелерін ескере отырып, Одақтың ортақ электр энергетикалық нарығы шеңберінде электр энергиясының орталықтандырылған саудасын қаражаттарды бюджеттік емес тартудың (соның ішінде аталған қаражаттарды кейіннен қайтару мүмкіндігінің шарттары мен тәртібіне қатысты мәселелердің) мына бір немесе бірнеше механизмдерін ұйымдастыру мақсатында электрондық сауда жүйелерін жаңғыртуды қаржыландыру үшін таңдау мәселелерін 2018 жылғы 1 қазанға дейін пысықтасын:
электрондық сауда жүйелерін сауда алаңдарының меншікті және (немесе) өз бетінше тартқан ресурстары есебінен жаңғырту;
Одаққа мүше мемлекеттердің электрондық сауда жүйелерін жаңғырту мақсатында сауда алаңдарына қаржыландыру ұсынуы;
Одақтың ортақ электр энергетикалық нарығына қатысушылардың және басқа мүдделі субъектілердің, сондай-ақ өзге де ұйымдардың электрондық сауда жүйелерін жаңғыртуды бірлесіп қаржыландыруы;
электрондық сауда жүйелерін жаңғыртуды Одаққа мүше мемлекеттердің заңнамасы тыйым салмайтын өзге де бюджеттік емес көздердің есебінен қаржыландыру.
4. Одақтың ортақ электр энергетикалық нарығын реттейтін актілерді әзірлеумен байланысты Одақтың ортақ электр энергетикалық нарығын қалыптастыру жөніндегі іс-шараларды қаржыландыру:
а) Еуразиялық экономикалық комиссия ғылыми-зерттеу жұмыстарын орындауға арнап көздеген қаражаттар (шегінде) есебінен;
б) Одаққа мүше мемлекеттердің бюджеттерінде Одаққа мүше мемлекеттердің уәкілетті органдарының қызметін қамтамасыз ету үшін тиісті қаржылық жылға арнап көзделетін қаражаттар (шегінде) есебінен жүзеге асырылады деп айқындалсын.
5. Осы Өкім Еуразиялық экономикалық одақтың ресми сайтында жарияланған күнінен бастап күшіне енеді.
Еуразиялық үкіметаралық кеңес мүшелері:
Армения Республикасынан | Беларусь Республикасынан |
Қазақстан | Қырғыз Республикасынан | Ресей Федерациясынан |
