Еуразиялық экономикалық одақтың Кеден кодексінің (бұдан әрі – Кодекс) 164-бабы 1-тармағының 1-тармақшасына сәйкес Еуразиялық экономикалық комиссия Алқасы шешті:
1. Тауарларға арналған декларация (бұдан әрі – ТД) Кодекстің 164-бабы 1-тармағының 1-тармақшасында көрсетілген жағдайдан басқа мына:
а) Одақтың кедендік аумағында қайта өңдеу жөніндегі операцияларды кедендік аумақта қайта өңдеудің кедендік рәсіміне орналастырылатын және ТД-да көрсетілген шетелдік тауарлардың декларанты тікелей жүзеге асырған, бұл ретте мына шарттар сақталған:
ТД-да қайта өңделген өнімдерді алу үшін пайдаланылатын барлық шетелдік тауарлар туралы мәліметтер көрсетілген;
егер кеден органына ТД тапсырылған Одаққа мүше мемлекеттің (бұдан әрі – мүше мемлекет) заңнамасында жалпы кедендік құнның өзге шамасы айқындалмаған болса, ТД-да көрсетілген тауарлардың жалпы кедендік құнының шамасы 10 000 евроға балама сомадан аспайтын;
қайта өңделген өнімдердегі шетелдік тауарларды сәйкестендіру тәсілі ретінде Кодекстің 167-бабының екінші – бесінші абзацтарында белгіленген сәйкестендіру тәсілдерінің бірі пайдаланылған;
егер мұндай қорытынды беру кеден органына ТД тапсырылған мүше мемлекеттің заңнамасында көзделген болса, ТД-да мүше мемлекеттің уәкілетті органының (ұйымының) не тәуелсіз сараптамалық ұйымының сандық және (немесе) пайыздық мәнде қайта өңдеу өнімдерінің шығу нормалары туралы қорытындысы туралы мәліметтер көрсетілген;
б) олар туралы мәліметтер ТД-да көрсетілген шетелдік тауарлар аумағында кедендік аумақта қайта өңдеудің кедендік рәсіміне орналастырылатын мүше мемлекеттің уәкілетті органы Кодекстің 169-бабының 2-тармағына сәйкес қайта өңдеу өнімдерінің стандартты шығу нормаларын белгілеген, бұл ретте мына шарттар сақталған:
ТД-да осындай стандартты нормаларды белгілейтін құжат туралы мәліметтер көрсетілген;
қайта өңделген өнімдердегі шетелдік тауарларды сәйкестендіру тәсілі ретінде Кодекстің 167-бабының екінші – бесінші абзацтарында белгіленген тәсілдердің бірі пайдаланылған жағдайларда Еуразиялық экономикалық одақтың (бұдан әрі – Одақ) кедендік аумағында тауарларды қайта өңдеу шарттары туралы құжат ретінде пайдаланылады деп белгіленсін.
2. Осы Шешімнің 1-тармағының ережелері Еуразиялық экономикалық одақтың кедендік аумағына әкелуге және (немесе) Еуразиялық экономикалық одақтың кедендік аумағынан әкетуге рұқсат беру тәртібі белгіленген тауарлар тізбесінің (Еуразиялық экономикалық комиссия Алқасының 2015 жылғы 21 сәуірдегі № 30 шешіміне № 2 қосымша) 2.9 және 2.10-бөлімдеріне енгізілген тауарлар үшін қолданылмайды.
3. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
Т. Саркисян |
