Еуразиялық экономикалық одақ шеңберіндегі техникалық реттеу туралы хаттаманың 4-тармағына (2014 жылғы 29 мамырдағы Еуразиялық экономикалық одақ туралы шартқа № 9 қосымша) және Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентіне № 2 қосымшасының 5-тармағына сәйкес Еуразиялық экономикалық комиссия Алқасы шешті:
1. Еуразиялық экономикалық комиссия Алқасының 2020 жылғы 3 наурыздағы № 30 шешіміне мынадай өзгерістер енгізілсін:
а) халықаралық және өңірлік (мемлекетаралық) стандарттар, ал олар болмаған жағдайда – қолданылуы нәтижесінде ерікті негізде көрсетілген шешіммен бекітілген Кеден одағының "Жеке қорғану құралдарының қауіпсіздігі туралы" техникалық регламенті (КО ТР 019/2011) талаптарының сақталуы қамтамасыз етілетін ұлттық (мемлекеттік) стандарттар тізбесінің 194-позициясында 3-бағандағы "МЕМСТ 12.4.310-2016" деген сөздер "МЕМСТ 12.4.310-2020" деген сөздермен ауыстырылсын;
б) халықаралық және өңірлік (мемлекетаралық) стандарттар, ал олар болмаған жағдайда – зерттеу (сынау) және өлшеу қағидалары мен әдістерін, оның ішінде көрсетілген Шешіммен бекітілген Кеден одағының "Жеке қорғану құралдарының қауіпсіздігі туралы" техникалық регламенті (КО ТР 019/2011) талаптарын қолдану және орындау және техникалық реттеу объектілерінің сәйкестігін бағалауды жүзеге асыру үшін қажет үлгілерді іріктеу қағидаларын қамтитын ұлттық (мемлекеттік) стандарттар тізбесінің 425-позициясында 3-бағанда "МЕМСТ 12.4.310-2016" деген сөздер "МЕМСТ 12.4.310-2020" деген сөздермен ауыстырылсын.
2. Осы Шешім ресми жарияланған күнінен бастап күнтізбелік 180 күн өткен соң күшіне енеді.
|
Еуразиялық экономикалық комиссия Алқасының Төрағасы |
М. Мясникович |
