Еуразиялық экономикалық комиссия туралы ереженің 7 және 44-тармақтарына сәйкес (Еуразиялық экономикалық одақ туралы 2014 жылғы 29 мамырдағы шартқа тіркелген № 1 қосымша) Еуразиялық экономикалық комиссиясының алқасы шешті:
2012 жылғы 7 наурыздағы Еуразиялық экономикалық комиссиясы алқасының "Сауда жөніндегі консультативтік комитет туралы" №6 шешіміне қосымшаға сәйкес өзгерістер енгізілсін.
Осы шешім ресми жарияланған күнінен бастап 30 күнтізбелік күн өткен соң күшіне енеді.
|
Еуразиялық экономикалық комиссиясы алқасының төрағасы |
М. Мясникович |
| Еуразиялық экономикалық комиссиясы алқасының 2023 жылғы 27 желтоқсандағы №184 шешіміне ҚОСЫМША |
Еуразиялық экономикалық комиссиясы алқасының 2012 жылғы 7 наурыздағы № 6 шешіміне енгізілетін ӨЗГЕРІСТЕР
1. Кіріспеде "Еуразиялық экономикалық комиссиясы туралы 2011 жылғы 18 қарашадағы шарттың 19-бабымен" деген сөздер "Еуразиялық экономикалық комиссиясы туралы ереженің 7 және 44-тармақтарымен (Еуразиялық экономикалық одақ туралы 2014 жылғы 29 мамырдағы шартқа тіркелген № 1 қосымша)" деген сөздермен ауыстырылсын.
2. 5-тармақтың күші жойылды деп танылсын.
3. Көрсетілген шешіммен бекітілген Сауда жөніндегі консультативтік комитет туралы ережеде:
а) мәтін бойынша тиісті түрдегі және септіктегі "Тараптар" деген сөз тиісті түрдегі және септіктегі "мүше мемлекеттер" деген сөздермен ауыстырылсын;
б) 1-тармақтың екінші және үшінші абзацтары мынадай редакцияда жазылсын:
"Комитеттің негізгі міндеті осы Ережеге сәйкес Еуразиялық экономикалық одаққа мүше мемлекеттердің (бұдан әрі тиісінше – мүше мемлекеттер, Одақ) өкілдерімен Жоғары Еуразиялық экономикалық кеңестің, Еуразиялық үкіметаралық кеңестің және Еуразиялық экономикалық комиссияның (бұдан әрі – Комиссия) халықаралық шарттары мен актілерінің жобалары жөніндегі сауда мәселелері бойынша консультациялар өткізу болып табылады.
Комитет өз қызметінде Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық одақ туралы 2014 жылғы 29 мамырдағы шартты (бұдан әрі – Шарт), Одақ құқығын құрайтын басқа да халықаралық шарттар мен актілерді, Еуразиялық экономикалық комиссияның Жұмыс регламентін, сондай-ақ осы Ережені басшылыққа алады.";
в) 6-тармақта:
1-тармақшадағы "Кеден одағының (бұдан әрі – КО СЭҚ ТН)" деген сөздер "Еуразиялық экономикалық одақтың" деген сөздермен ауыстырылсын;
2-тармақшадағы "Кеден одағының (бұдан әрі – КО БКТ)" деген сөздер "Еуразиялық экономикалық одақтың" деген сөздермен ауыстырылсын;
3-тармақшадағы "КО БКТ" деген сөздер "Еуразиялық экономикалық одақтың бірыңғай кедендік тарифі" деген сөздермен ауыстырылсын;
6- тармақша алып тасталсын;
7-тармақшадағы "Кеден одағының бірыңғай кедендік аумағы" деген сөздер "Одақтың кеден аумағы" деген сөздермен ауыстырылсын;
8-тармақша алып тасталсын;
9-тармақша мынадай редакцияда жазылсын:
"9) одақтың кедендік аумағында Шарттың 46-бабында айқындалған үшінші елдермен саудада бейтарифтік реттеудің бірыңғай шараларын енгізу, қолдану, ұзарту және жою;";
10 – 14 тармақшалар алып тасталсын;
15- тармақша мынадай редакцияда жазылсын:
"15) үшінші елдермен саудада бейтарифтік реттеу шаралары қолданылатын тауарлардың бірыңғай тізбесіне өзгерістер мен толықтырулар енгізу;";
мынадай мазмұндағы 151 және 152- тармақшалармен толықтырылсын:
"151) мүше мемлекеттердің үшінші елдермен саудада мүше мемлекет біржақты тәртіппен енгізетін бейтарифтік реттеудің уақытша шараларын қолдануы;
152) Комиссияның құзыретіне жатқызылған бейтарифтік реттеу саласындағы өзге де мәселелер;";
16 және 17-тармақшалардағы "шет мемлекеттерден шыққан және Кеден одағының бірыңғай кедендік аумағына арналған" деген сөздер "үшінші елдерден шыққан және Одақтың кедендік аумағына әкелінетін" деген сөздермен ауыстырылсын;
г) 14-тармақтағы "бағыттаушы" деген сөз "бағыттаушы" деген сөзбен ауыстырылсын.
