Ескерту. Күші жойылды - Қазақстан Республикасы Президентінің 2009.06.18 N 829 Жарлығымен.
"Мемлекеттiк қызмет туралы" Қазақстан Республикасы Президентiнiң Заң күшi бар Жарлығын
U952730_
iске асыру мақсатында:
1. Қазақстан Республикасының Үкiметi:
Қазақстан Респубикасының заң актiлерiн "Мемлекеттiк қызмет туралы" Қазақстан Республикасы Президентiнiң Заң күшi бар Жарлығына сәйкес келтiру туралы 1996 жылғы 10 қаңтарға дейiн Қазақстан Республикасының Президентiне ұсыныстар берсiн;
Мемлекеттiк қызметшiлердiң бiлiктiлiк сыныптары туралы ереженiң, Мемлекеттiк қызметшiлердiң еңбегiне ақы төлеу шарттары туралы ереженiң, Кадр резервiн жасақтау және онымен жұмысты ұйымдастырудың тәртiбi туралы ереженiң, Мемлекеттiк қызметшiлердiң аттестациядан өткiзудi жүргiзудiң тәртiбi мен шарттары туралы ереженiң, Еңбек сiңiрген жылдарына проценттiк үстеме ақы төлеу үшiн мемлекеттiк қызмет стажы туралы ереженiң, Мемлекеттiк қызметшiлерге зейнетақы тағайындау үшiн еңбек сiңiрген жылдарын есептеу тәртiбi туралы ереженiң жобаларын әзiрлеп, Қазақстан Республикасының Президентiне ұсынсын;
Мемлекеттiк қызметшi болып табылмайтын, мемлекеттiк органдар мен олардың қызметiн қамтамасыз ететiн адамдардың тiзбесiн бекiтсiн;
Үкiметтiң шешiмдерiн "Мемлекеттiк қызмет туралы" Қазақстан Республикасы Президентiнiң Заң күшi бар Жарлығына сәйкес келтiрсiн;
министрлiктiң, мемлекеттiк комитеттер мен ведомстволардың осы Жарлыққа қайшы келетiн өз нормативтiк актiлерiн қайта қарап, күшiн жоюын қамтамасыз етсiн.
2. Осы Өкiм қол қойылған күнiнен бастап күшiне енедi.
Қазақстан Республикасының
Президентi
