Ескерту. Күші жойылды - Қазақстан Республикасы Президентінің 2009.06.18 N 829 Жарлығымен.
АҚШ пен Қазақстан арасындағы экономикалық ынтымақтастықты дамыту мен нығайту мақсатында:
1. Қазақстан Республикасы Президентiнiң жанынан Американ-қазақ iскерлiк ынтымақтастығының мәселелерi жөнiндегi арнайы консультативтiк топ құрылсын және оның құрамы бекiтiлсiн (қоса берiлiп отыр).
2. Қазақстан Республикасы Президентiнiң жанындағы Американ-қазақ iскерлiк ынтымақтастығының мәселелерi жөнiндегi арнайы консультативтiк топ туралы ереже бекiтiлсiн (қоса берiлiп отыр).
Қазақстан Республикасының
Президентi
Қазақстан Республикасы
Президентiнiң
1997 жылғы 11 қарашадағы
N 3760 өкiмiмен
бекiтiлген
Қазақстан Республикасының Президентi жанындағы
Американ-қазақ iскерлiк ынтымақтастығының мәселелерi
жөнiндегi арнайы консультативтiк топтың құрамы
Дуэйн О.Андреас - "Арчер Дэниэлс Мидланд"
Ганс Бекерер - "Дир және компания"
Ричард Чейни - "Халлибуртон" компаниясы
Кеннет Дерр - "Шеврон" компаниясы
Пол Дж.Фрибург - "Континентал Грейн"
Джон Б.Хесс - "Амерада Хесс"
Уильям Дж.Лоури - "Амоко" корпорациясы
Люсио А.Ното - "Мобил" корпорациясы
Юджин Р.Маркгарт - "Консолитейд Эдисон"
Питер Дж.Петерсон - "Блекстоун" тобы
Дэвид Рокфеллер - Шет елдермен байланыстар
жөнiндегi кеңес
Стивен Волк - "Шерман және Стерлинг" фирмасы
Қазақстан Республикасы
Президентiнiң
1997 жылғы 11 қарашадағы
N 3760 өкiмiмен
бекiтiлген
Қазақстан Республикасының Президентi жанындағы
Американ-қазақ iскерлiк ынтымақтастығының мәселелерi
жөнiндегi арнайы консультативтiк топ туралы
Ереже
I. Жалпы ережелер
1. Қазақстан Республикасының Президентi жанындағы Американ-қазақ iскерлiк ынтымақтастығының мәселелерi жөнiндегi арнайы консультативтiк топ (бұдан былай - Топ) пiкiрсайыстар, жазбаша меморандумдар, баяндамалар мен талдау мәлiметтерi арқылы Қазақстан Республикасының Басшылығына мына салаларда ресми емес негiзде консультациялар беру үшiн құрылды:
1) макро және микроэкономикалық саясат;
2) монетарлық және қазыналық саясат;
3) экономикалық заңдар;
4) инвестициялық саясаттың экономикалық ынталандыру мен тетiктерiн талдауды қоса алғанда, инвестицияларды тарту бағдарламалары;
5) өнеркәсiптiк базалық салаларын, әсiресе жоғары технологиялық секторларды, ауыл шаруашылығын, қаржы секторы мен инфрақұрылымды дамыту мәселелерiн қоса алғанда, стратегиялық жоспарлау;
6) адам ресурстарын дамыту, еңбек, денсаулық сақтау, бiлiм беру саласындағы әлеуметтiк бағдарламалар;
7) басқарудың, мемлекеттiк қызметшiлер кадрларын даярлау мен қайта даярлаудың пәрмендiлiгiн арттыру мәселелерi.
2. Топтың негiзгi мiндеттерi:
1) Қазақстан Республикасының 2030 жылға дейiнгi даму стратегиясын iске асыру жөнiнде, сондай-ақ экономикалық өсуi, табиғат пайдаланудың тиiмдi тәсiлдерiн қамтамасыз ету мен әлеуметтiк реформаларды жүргiзу бөлiгiнде елдiң тұрақты дамуының ауқымды проблемаларын шешу жөнiнде ұсыныстар мен ұсынымдарды талдау жасап, Қазақстан Республикасы Президентiнiң қарауына енгiзу;
2) Қазақстанның сыртқы экономикалық ынтымақтастығы мен әлемдiк экономикалық қоғамдастыққа интеграциялануының мәселелерi жөнiнде консультациялар жасау үшiн тартылған халықаралық экономикалық және қаржы ұйымдарымен өзара iс-қимылды жүзеге асыру болып табылады.
3. Қазақстан Республикасы Президентiнiң тапсырмаларын орындау үшiн Топ өз жұмысына қоғамдық негiзде АҚШ пен Қазақстанның жетекшi корпорациялары мен банк-қаржы құрылымдарының жауапты қызметкерлерiн тарта алады.
4. Тұрақты даму жөнiндегi ұлттық кеңес Хатшылығы Топтың жұмыс органы болып табылады.
