РҚАО-ның ескертпесі!
Келісімге өзгеріс енгізу көзделген - ҚР Үкіметінің 2009.04.02 N 460 Қаулысымен бекітілген Хаттамамен.
Бұдан былай Тараптар деп аталатын Қазақстан Республикасының Yкiметi мен Ресей Федерациясының Yкiметi,
Қазақстан Республикасы мен Ресей Федерациясы арасындағы қарым-қатынасты дамыту үшiн қолайлы жағдайлар жасау мақсатымен,
Қазақстан-Ресей мемлекеттiк шекарасы арқылы адамдарды, көлiк құралдарын, жүктердi, тауарларды және жануарларды өткiзудiң тәртiбiн жетiлдiрудiң қажеттiгiн басшылыққа ала отырып, сондай-ақ жасырын көшi-қонды, қару-жарақтың, есiрткi мен жүйкеге әсер ететiн заттардың контрабандасын анықтау және жолын кесу мақсатымен,
төмендегiлер туралы келiстi:
1-бап
Қазақстан-Ресей мемлекеттiк шекарасын адамдардың және көлiк құралдарының кесiп өтуi үшiн, жүктердiң, тауарлардың және жануарлардың басқа жерге орнын ауыстыруы үшiн Тараптар мемлекеттiк шекара арқылы көп жақты және екi жақты өткiзу пункттерiн орнатады (бұдан әрi - өткiзу пункттерi).
Өткiзу пункттерiнiң тiзбелерiн Тараптар дипломатиялық арналар бойынша келiседi.
Тараптардың келiсiмi бойынша Қазақстан Республикасының азаматтарын және Ресей Федерациясының азаматтарын өткiзудiң жеңiлдетiлген пункттерi орнатылуы мүмкiн.
2-бап
Қазақстан-Ресей мемлекеттiк шекарасын автомобильдiк өткiзу пункттерi арқылы кесiп өту көлiк құралдарын пайдаланумен немесе жаяу жүзеге асырылады.
3-бап
Өткiзу пункттерiнде адамдарды, көлiк құралдарын, тауарларды және жануарларды шекаралық, кедендiк және қажет болғанда бақылаудың басқа да түрлерi (бұдан әрi - бақылау) Қазақстан Республикасының заңдарына, Ресей Федерациясының заңдарына және олар қатысушылар болып табылатын халықаралық шарттарға сәйкес жүзеге асырылады.
4-бап
Өткiзу пункттерiнiң ашылуы оларды абаттандыру және Тараптардың әрқайсысы мемлекеттерiнiң бақылау органдарының қызметi үшiн қажеттi инфрақұрылымды жасау аяқталған соң жүзеге асырылады.
Тараптар бip-бipiн белгіленген өткізу пункттерін ашу немесе жабу туралы өткізу пункттерін ашуды немесе жабуды жоспарлаған мерзімге дейін 30 күн қалғанда хабарландырады.
Ескерту. 4-бапқа өзгеріс енгізілді - ҚР Үкіметінің 2012.05.18 № 639 Қаулысымен.
5-бап
Өткiзу пункттерiнiң жұмыс режимi Қазақстан Республикасы мен Ресей Федерациясының шекаралық және кедендiк ведомстволарының арасындағы өзара уағдаластық бойынша анықталады.
6-бап
Өткiзу пункттерi арқылы қозғалысты шектеу немесе тоқтату қауiпсiздiк тұрғысындағы пайымдаулар, санитарлық-карантиндiк себептер, табиғи апаттар салдары, эпидемиялар мен эпизоотиялар бойынша жүзеге асырылуы мүмкін.
Осындай шектеулердi енгiзетiн Тарап екiншi Тарапқа шектеулердiң себептерiн және күшiне енуi мерзiмдерiн атаумен оларды кiргiзу жоспарланған уақытқа дейiн 24 сағаттан кешiктiрмей дипломатиялық арналар бойынша хабарлайды.
Тараптар өткiзу пункттерiнiң объектiлерiн немесе коммуникациялық ғимараттарды жоспарлы жөндеуге байланысты Қазақстан-Ресей мемлекеттiк шекарасы арқылы қозғалысты шектеу немесе тоқтату туралы бiр-бiрiне осындай жұмыстардың басталуына дейiн олардың аяқталу мерзiмi туралы мәлiмдеумен үш ай бұрын хабарлайды.
7-бап
Ерекше бiр жағдайларда (табиғи апаттар, өрт, тасқын, эпидемия, эпизоотия, техногендi сипаттағы апаттар, шұғыл медициналық жәрдем көрсету және т.б.) Тараптардың әрқайсысы мемлекеттерiнiң шекаралық және кедендiк ведомстволары Қазақстан Республикасының азаматтарын және Ресей Федерациясының азаматтарын, көлiк құралдарын және құрал-жабдықтарын мемлекеттiк шекара арқылы өткiзудi бақылаудың белгiленген тәртiбiн сақтай отырып, жұмыс істеп тұрған өткiзу пункттерiнен тысқары жерде өзара уағдаластық бойынша жүзеге асыра алады.
8-бап
Өткiзу пункттерiнiң тиiстi қызметiн қамтамасыз ету үшiн Тараптардың әрқайсысы өз мемлекетiнiң аумағында қажеттi инфрақұрылымды жасайды.
Автомобильдiк және темiржол өткiзу пункттерi объектiлерiнiң құрылысын жобалауда, сондай-ақ салу барысында Қазақстан Республикасының аумағында және Ресей Федерациясының аумағында бiрлескен бақылауды жүргiзу үшiн жағдай жасау мүмкiндiгi көзделедi және де мұндай объектiлер құрылысының жобалары өзара келiсiлуге жатады.
Бiрлескен шекаралық және кедендiк бақылауды ұйымдастыру мен жүзеге асырудың тәртiбiн Қазақстан Республикасы мен Ресей Федерациясының шекаралық және кедендiк ведомстволарының басшылары белгiлейдi әрi хаттамамен ресiмделедi.
9-бап
Тараптардың өзара келiсiмi бойынша осы Келiсiмге өзгертулер мен толықтырулар енгiзiлуi мүмкiн, олар жеке хаттамамен ресiмделедi. Аталған хаттама осы Келiсiмнiң ажыратылмас бөлiгi болып табылады.
10-бап
Осы Келiсiм оған қол қойылған күннен бастап отыз күннен соң күшiне енедi әрi бес жыл iшiнде қолданыста болады және егер Тараптардың бiрде-бiрi өзiнiң оның қолданысын тоқтататын ниетi туралы екiншi Тарапқа Келiсiмнiң қолданылу мерзiмiнiң аяқталуына дейiн алты ай бұрын жазбаша хабарламаса, келесi бес жылға өздiгiнен ұзартылады.
Астанада 1998 жылғы 23 желтоқсанда әрқайсысы қазақ және орыс тiлдерiнде екi дана болып жасалды және де екi мәтiннiң күшi бiрдей.
(Қолдары)
