Қазақстан Республикасы Президентiнiң "Қаза тапқан, қайтыс болған әскери қызметшiлердiң ата-аналарына, асырап алушыларына, қамқоршыларына бiржолғы төлем туралы" 1999 жылғы 13 желтоқсандағы N 284 U990284_ Жарлығын орындау үшiн Қазақстан Республикасының Үкiметi ҚАУЛЫ ЕТЕДI:
1. Қазақстан Республикасы Үкiметiнiң 2000 жылға арналған республикалық бюджетте табиғи және техногендiк сипаттағы төтенше жағдайларды жоюға және өзге де күтпеген шығыстарға көзделген резервiнен қаза тапқан, қайтыс болған әскери қызметшiлердiң ата-аналарына, асырап алушыларына, қамқоршыларына бiр жолғы төлемдер үшiн Қазақстан Республикасының Еңбек және халықты әлеуметтiк қорғау министрлiгiне 62029000 (алпыс екi миллион жиырма тоғыз мың) теңге сомасында қаражат бөлiнсiн.
2. Қазақстан Республикасының Еңбек және халықты әлеуметтiк қорғау министрлiгi заңнамада белгiленген тәртiппен қаза тапқан, қайтыс болған әскери қызметшiлердiң ата-аналарына, асырап алушыларына, қамқоршыларына бiр жолғы төлемдердi қамтамасыз етсiн және 2000 жылдың екiншi тоқсанының қорытындысы бойынша Қазақстан Республикасының Қаржы министрлiгiне
қаражаттың пайдаланылуы туралы есеп ұсынсын.
3. Қазақстан Республикасының Қаржы министрлiгi бөлiнетiн қаражаттың
мақсатты пайдаланылуын бақылауды қамтамасыз етсiн.
4. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Оқығандар:
Қобдалиева Н.М.
Багарова Ж.А.
