Қазақстан Республикасының Үкiметi мен Қырғыз Республикасының Үкiметi арасындағы 2000 жылы Нарын-Сырдария су қоймалары сарқырамаларының су-энергетика ресурстарын пайдалану туралы 2000 жылғы 23 мамырдағы келiсiмдi (бұдан әрi - Келiсiм) iске асыру және 2000 жылы Оңтүстiк Қазақстан мен Қызылорда облыстарының суарылатын жерлерiн суғарыс суымен қамтамасыз ету мақсатында Қазақстан Республикасының Үкiметi қаулы етеді:
1. Оңтүстiк Қазақстан және Қызылорда облыстарының әкiмдерi,
"Қазақстан темiржолы" (бұдан әрi - "Қазақстан темiржолы" РМК) және
"Қаныш Сәтпаев атындағы канал" республикалық мемлекеттiк кәсiпорны (бұдан
әрi - "Қаныш Сәтпаев атындағы канал" РМК) республикалық мемлекеттiк
кәсiпорны Қазақстан Республикасына Тоқтағұл СЭС-ынан (Қырғыз Республикасы)
вегетация кезеңiнде берілетiн көлемi 580 млн. кВт.с. электр энергиясын
қабылдауды қамтамасыз етсiн, оның iшiнде:
Оңтүстiк Қазақстан облысы - 100 млн.кВт.с; (Р ор.сағ.=60 МВт)
Қызылорда облысы - 60 млн.кВт.с; (Р ор.сағ.=35 МВт)
"Қазақстан темiржолы" РМК - 120 млн.кВт.с; (Р ор.сағ.=75 МВт)
"ЕЕҚПЖ" РМК - 60 млн.кВт.с; (Р ор.сағ.=35 МВт)
"Жамбылэнерго" ААҚ" - 240 млн. кВт (Рср.сағ.=110 МВт)
Электр энергиясын қабылдау мына кесте бойынша жүзеге асырылсын:
Оңтүстiк Қазақстан және Қызылорда облыстары және "Жамбылэнерго" ААҚ"
2000 жылғы 1 маусымнан 31 тамызға дейiн;
"Қазақстан темiржолы" РМК - 2000 жылғы 1 маусымнан 31 тамызға дейiн;
"ЕҚКПЖ" РМК - 2000 жылғы 15 маусымнан 31 тамызға дейiн.
Оңтүстік Қазақстан, Қызылорда облыстарының әкiмдерi мен жоғарыда
аталған ұйымдардың басшылары:
Бiшкек қаласының ЖЭС-ынан алынған электр энергиясына қайтарымды
көмiрдi жеткiзiп, өтемақы берудi жүзеге асырсын;
ай сайын Қазақстан Республикасының Үкiметіне Қырғыз Республикасынан алынған электр энергиясының және көмiрдiң қайтарым жеткiзiлiмiнің көлемi туралы ақпарат берiп отырсын.
Ескерту. 1-тармақ өзгерді - ҚР Үкіметінің 2000.07.10. N 1032
қаулысымен. P001032_
Ескерту. 1-тармақ өзгерді - ҚР Үкіметінің 2000.11.01. N 1653
қаулысымен. P001653_
2. Келiсiмдi орындау жөнiндегi операторлар болып қазақстандық тараптан:
оңтүстiк аймақтардың суармалы жерлерiн суғаруға арналған су беру жөнiнде - Қазақстан Республикасының Табиғи ресурстар және қоршаған ортаны қорғау министрлiгiнiң Су ресурстары жөнiндегi комитетi;
Қырғыз Республикасынан жеткiзiлетiн электр энергиясын беру жөнiнде - "Электр желiлерiн басқару жөнiндегi қазақстандық компания" ("КЕGОК" ААҚ).
3. Қазақстан Республикасының Табиғи монополияларды реттеу, бәсекелестiктi қорғау және шағын бизнестi қолдау жөнiндегi агенттiгi Қырғыз Республикасынан 2000 жылғы вегетация кезеңiнде алынатын электр энергиясы үшiн өтемақы ретiнде берiлетiн көмiрдi темiржол көлiгiмен тасымалдауға қолданылып жүрген тарифтiң 50 пайызы мөлшерiнде жеңiлдiк белгiлесiн;
"Қазақстан темiр жолы" РМК" көмiр жеткiзу үшiн жылжымалы темiр жол составын iркiлiссiз берiп тұруды қамтамасыз етсiн.
Ескерту. 3-тармақ толықтырылды - ҚР Үкіметінің 2000.11.01. N 1653
қаулысымен. P001653_
4. Қазақстан Республикасының Мемлекеттік кiрiс министрлiгi мен Қазақстан Республикасының Қаржы министрлiгi жоғарыда көрсетiлген Келiсiмнiң 6-бабының негiзiнде электр энергиясы мен көмiр беруге келiсiм-шарт жасасқан шаруашылық субъектiлерiн 2000 жылғы 1 маусым - 31 желтоқсан кезеңiне кедендiк алымдарды және акциздердi төлеуден босатсын.
Ескерту. 4-тармақ өзгерді - ҚР Үкіметінің 2000.11.01. N 1653
қаулысымен. P001653_
5. 2001 жылдың вегетация кезеңiне Тоқтағұл су қоймасында судың қорын жинақтау және Арнасай құламасына судың зая ағуын болдырмау мақсатында 2000 жылғы 1 маусымнан бастап, осы қаулыда бекiтiлген көлемдерін қоспағанда, Қырғыз Республикасынан электр энергиясының импортына 20 МВт орта сағаттық қуат көлемiнде квота белгiленсiн.
6. Оңтүстiк Қазақстан және Қызылорда облыстарының әкiмдерi Қазақстан Республикасының Табиғи ресурстар және қоршаған ортаны қорғау министрлiгiнiң Су ресурстары жөнiндегi комитетiне вегетациялық суғаруға суды үнемдеу, ауыл шаруашылығы дақылдарының құрылымдары мен егiстік алқаптарын оңтайландыру жөнiндегi бекiтiлген iс-шараларын жiберсiн.
Қарағанды облысының әкімі "Қаныш Сәтпаев атындағы канал" РМК-на көмiр жіберу жөнінде нақты көмек көрсетсiн.
Ескерту. 6-тармақ толықтырылды - ҚР Үкіметінің 2000.11.01. N 1653
қаулысымен. P001653_
7. Қазақстан Республикасының Энергетика, индустрия және сауда министрлiгi:
- Қырғыз Республикасынан электр энергиясын алу жөнiндегi жұмысты ұйымдастырсын, мұның өзiнде 2000 жылғы вегетация кезеңiнде Қырғыз Республикасынан Қазақстан Республикасына энергияның бүкiл ағыны аталған үкiметаралық Келiсiмнiң шеңберiнде жүзеге асырылатынын белгiлесiн;
- 2000 жылғы вегетация кезеңiнде Қырғыз Республикасынан
алынатын электр энергиясының көлемiн ұлғайту мүмкiндiгi қарастырылсын.
8. Қазақстан Республикасының Табиғи ресурстар және қоршаған ортаны
қорғау министрлiгiнiң Су ресурстары жөнiндегi комитеті 2000 жылғы
вегетация кезеңінде суды үнемді пайдалануға бақылау орнатсын.
9. Осы қаулының орындалуын бақылау Қазақстан Республикасы
Премьер-Министрінің орынбасары Д.К.Ахметовке жүктелсін.
10. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қасымбеков Б.А.
Орынбекова Д.Қ.
