Қазақстан Республикасының Yкiметi қаулы етеді:
1. Қазақстан Республикасының Қорғаныс министрлiгi ұсынған Қазақстан Республикасының Үкiметi мен Ресей Федерациясының Үкiметi арасындағы Қазақстан Республикасы Қарулы Күштерiнiң Әуе қорғанысы күштерi мен Ресей Федерациясының Әскери әуе күштерінің әскери бөлiмдерiне жауынгерлiк атыстар өткiзу үшiн әскери полигондарын беру тәртiбi туралы келiсiмнiң жобасы мақұлдансын.
2. Қазақстан Республикасының Қорғаныс министрлiгiне ресей тарапымен келiссөздер жүргiзсiн және Келiсiмнiң жобасына қағидатты сипаты жоқ өзгерiстер мен толықтырулар енгiзуге рұқсат берiлiп, Қазақстан Республикасының Үкiметi атынан көрсетiлген келiсiмге қол қойсын.
3. Қазақстан Республикасының Қорғаныс министрi Сәт Бесiмбайұлы Тоқпақбаевқа Қазақстан Республикасының Yкiметi атынан Қазақстан Республикасының Yкiметi мен Ресей Федерациясының Үкiметi арасындағы Қазақстан Республикасы Қарулы Күштерiнiң Әуе қорғанысы күштерi мен Ресей
Федерациясының Әскери әуе күштерiнiң әскери бөлiмдерiне жауынгерлiк
атыстар өткiзу үшiн әскери полигондарын беру тәртiбi туралы келiсiмге қол
қою өкiлеттiгi берілсiн.
4. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Жоба
Қазақстан Республикасының Yкiметi мен Ресей Федерациясының Yкiметi
арасындағы Қазақстан Республикасы Қарулы Күштерiнiң Әуе қорғанысы
күштерi мен Ресей Федерациясының Әскери әуе күштерінің әскери
бөлiмдерiне жауынгерлiк атыстар өткiзу үшiн әскери полигондарын
беру тәртiбi туралы
КЕЛIСIМ
Бұдан әрi Тараптар деп аталатын, Қазақстан Республикасының Yкiметi
мен Ресей Федерациясының Үкiметi,
1994 жылғы 28 наурыздағы әскери ынтымақтастық туралы Қазақстан Республикасының Үкiметi мен Ресей Федерациясы Үкiметiнiң арасындағы Шартты басшылыққа ала отырып,
Тараптар мемлекеттерi қарулы күштерiнiң әскери-әуе күштерi мен әуе шабуылынан қорғаныс әскерлерiнiң өзара әрекеттерiн жетiлдiру, жауынгерлiк даярлықтарының деңгейлерiн арттыру қажеттiлiгiн мойындай отырып,
төмендегiлер туралы келiсiм жасасты:
1-бап
Осы Келiсiмнiң мақсаттары үшiн төмендегi терминдер мынаны бiлдiредi:
"өкiлеттi орган" - Қазақстан Республикасының Қорғаныс министрлiгiн және Ресей Федерациясының қабылдаушы Тарап мемлекетiнiң Қорғаныс министрлiгiн;
"әскери полигоны" - мемлекет аумағының, оның үстiндегi жауынгерлiк атыстармен авиация бөлiмдерiнiң және әуе қорғанысы бөлiмдерiнiң жаттығуларын жүргiзуге арналған әуе кеңiстiгiмен жабдықталған учаскесiн;
"полигон жабдықтары" - радиолокация, байланыс және уәждi бақылау, қару-жарақты, әскери техниканы, нысанды кешендердi орналастыруға арналған шебiн, қызмет көрсету мен жөндеу жабдықтарының командалық пунктiн;
"қару-жарақ және әскери техникалар" - жауынгерлiк атыстарды жүргiзу кезеңiнде әскерлердiң жауынгерлiк топтарына уақытша пайдалануына берiлетiн, сондай-ақ әскерлермен полигонға жеткiзiлетiн, әуе шабуылы қорғанысы жабдықтарын, зениттiк ракеталық (зениттiк артиллериялық) және радиолокациялық кешендерiн, басқарудың автоматтандырылған жүйесiн, байланыс жабдықтарының;
"нысана" - жауынгерлiк атыстарды өткiзу барысында нақты мақсаттары ретiнде полигонда қолданылатын басқарумен және басқарусыз ұшу аппараттары;
"нұсқаушы құрамы" - қару-жарақ пен әскери техника жөнiндегi жауынгерлiк атыстардың аға жетекшiлiгiнiң, полигонның техникалық жетекшiсi және нұсқаушысының мiндетiн атқарушы, қабылдаушы Тарапы мемлекетiнiң қарулы күштерiнiң жеке құрамын;
"қабылдаушы Тарап" - аумағында полигон орналасқан мемлекет;
"қабылдайтын Тарап" - қабылдаушы Тараптың полигонын пайдаланатын мемлекет;
2-бап
Қабылдаушы Тараптың өкiлеттi органы:
Өтiнiмiне сәйкес, қабылдайтын Тараптың өкiлеттi органына, қабылдайтын Тарап мемлекетiнiң қарулы күштерi әскери бөлiмдерiнiң (бұдан әрi - қабылдайтын Тарап мемлекетiнiң әскери бөлiмi) жауынгерлiк атыстарды өткiзуi үшiн жабдықтарымен, қару-жарағы және әскери техникасымен, нысанасы және нұсқаулық құрамымен полигонды ұсынады;
жауынгерлiк атастарды жүргiзу мерзiмiн қабылдайтын Тараптың өкiлеттi органына жеткiзедi, ал оның өзгеру барысында ол туралы бұрын келiсiлген мерзiмiнен 45 тәулiктен кешiктiрмей хабардар етедi;
кедендiк бажды және тарифсiз шегiн реттеудi қолданбай, шекаралық және кедендiк бақылауды ұйымдастырады;
қабылдаушы Тараптың қолданысындағы нормативтiк құқықтық актiлерiне сәйкес, полигонда тиiстi құпиялық тәртiбiн қамтамасыз етедi;
қабылдайтын Тарап мемлекетiнiң әскери бөлiмдерi олардың полигонда жауынгерлiк атыстарды өткiзу барысында қауiпсiздiк шараларының орындалуына бақылау жасайды;
қабылдайтын Тараптың өкiлеттi органының келiсiмi бойынша полигонда жауынгерлiк атыстарды өткiзу үшiн қажеттi радиокедергілер құрылымының және уәждi бақылау жабдықтарының ұсынылуын қамтамасыз етедi;
қабылдайтын Тарап мемлекетiнiң әскери бөлiмiнiң әскери тобына (жауынгерлiк топтардан) полигонның жабдықтарын, қару-жарақтарын және әскери техникаларын (жауынгерлiк атыстар аяқталғанан кейiн қабылдайды) Тараптардың өкiлеттi органдарының арасындағы келiсiмi бойынша бередi, сондай-ақ көшiру кезiнде ахуалдар пайда болған жағдайда, оларды қалпына келтiру үшiн қосалқы бөлшектердi, құралдарды және керек-жарақтарды ұсынады;
қабылдайтын Тараптың өкiлеттi органының келiсiм бағдарламасы бойынша нысаналарды дайындауды және жiберудi қамтамасыз етедi;
қабылдайтын Тараптың атынан жауынгерлiк атыстардың жетекшiсiне қабылдайтын Тарап мемлекетiнiң әскери бөлiмдерiнiң жауынгерлiк атыстарды орындауда уәждi бақылау материалдарымен танысу үшiн ұсынады;
3-бап
Қабылдайтын Тараптың өкiлеттi органы:
қабылдаушы Тараптың өкiлеттi органына полигондарда әскери бөлiмдердiң жауынгерлiк атыстарын өткiзуге өтiнiмдердi жауынгерлiк атыстарды өткiзудiң өткен жылғы 1 қыркүйегiнен кешiктiрмей ұсынады;
полигонды пайдаланудың тәртiбiн айқындайтын, қабылдаушы Тараптың нормативтiк құжаттарының және заңнамасының талаптарын толық көлемде орындайды;
қару-жарақпен, әскери техникамен және пайдалану құжаттарымен жұмыс iстеуге рұқсат етiлген жеке құрамның тiзiмiн ұсынады, сондай-ақ iссапарға жiберiлген әскери қызметшiлердiң полигонда белгiленген тәртiптi шегiн орындауларын қамтамасыз етедi;
жауынгерлiк пайдалануға арналған қару-жарақ пен әскери техниканы дайындауды жүзеге асырады, жауынгерлiк атыстарды өткiзедi, полигонда белгiленген талаптар мен нормаларды сақтауларымен әскерлердiң өмiртiршiлiктерiн ұйымдастырады;
осы Келiсiмнiң 5-шi бабында белгiленген тәртiпке сәйкес полигонның iстен шыққан қару-жарақ пен әскери техникасын қалпына келтiредi;
полигонның қару-жарақ пен әскери техникасын дұрыс жағдайда қабылдап алады және өткiзедi;
жауынгерлiк атыстарды өткiзу туралы актiлер құрастыру барысында, ұйым арқылы оларды жүргiзуге арналған төлемдердi жүзеге асыратын заңды мекен-жайы көрсетiледi;
қабылдаушы Тарапқа полигонда болған кезiнде келтiрiлген материалды зияндарын өтейдi. Зияндардың себептерi мен көлемдерi Тараптардың өкiлеттi органдарының бiрлескен сарапшы топтары жүргiзедi және актiлермен ресiмделедi. Зияндарды өтеудi осы Келiсiмнiң 10-11-шi баптарында белгiленген тәртiппен жүзеге асырылады.
4-бап
Жеке құрамы полигонда қауiпсiздiк шараларын бұзған қабылдайтын Тарап мемлекетi әскери бөлiмiнiң бөлiмшелерi, қабылдаушы Тарап мемлекеті өкiлеттi органының полигон бастығына ұсынысы бойынша қабылдайтын Тарап өкiлеттi органының атыстар басшысының шешiмiмен жауынгерлік атыстарды орындаудан шеттетiледi.
5-бап
Полигонның қару-жарақты және әскери техниканы пайдалану ахуалдарының пайда болу барысында, оларды жоюды жеке өзiнiң және полигондағы бар қосалқы жабдықтарды, құралдарды және керек-жарақтарды қолдану арқылы қабылдайтын Тарап мемлекетiнiң әскери бөлiмiнiң жеке құрамы жүргiзедi.
Қабылдайтын Тарап мемлекетiнiң әскери бөлiмi жеке құрамының кiнәсi бойынша қару-жарақ пен әскери техниканың iстен шығуы барысында, оны қалпына келтiру полигонның қосалқы жабдықтарды, құралдарды және керек-жарақтарды қолдану арқылы қабылдайтын Тарап мемлекетiнiң әскери бөлiмiнiң жеке құрамы жүргiзедi, бұл орайда полигонның қосалқы жабдықтарына, құралдарына және керек-жарақтарына жұмсалған шығындардың төлемiн осы Келiсiмнiң 11-шi бабында көзделген мерзiмде қабылдайтын Тараптың өкiлеттi органы жүргiзедi.
6-бап
Тараптардың өкiлеттi органдарының бiрлескен жұмыс тобымен, Полигонда жауынгерлiк атыстарды дайындау жөнiндегi барлаушылық жұмыстарды жүзеге асырылады, бiрақ жауынгерлiк атыстардың басталуына 45 тәулiктен кешiктiрмейдi.
7-бап
Қабылдайтын Тарап мемлекетiнiң әскери бөлiмiнiң жауынгерлiк тобын полигонға тасымалдау 1992 жылғы 15 мамырдағы әскери тасымалды орындау мiндеттерi мен тәртiбi туралы Келiсiмiне және 1995 жылғы 20 қаңтардағы мемелекетаралық әскери тасымалды және олар үшiн есептесудi ұйымдастыру туралы Қазақстан Республикасының Yкiметi мен Ресей Федерациясының Үкiметi арасындағы Келiсiмiне сәйкес жүргiзiледi.
Полигонға әскери бөлiмнiң жауынгерлiк топтарын қабылдайтын Тарап мемлекетiнiң әскери-көлiктiк авиациясының ұшақтарымен жеткiзу және қайта жеткiзу барысында авиациялық қамтамасыз ету үшiн есептесу тәртiбi 1994 жылғы 19 қазандағы қабылдауды, әуеайлақтық-техникалық қамтамасыз етудi және Қазақстан Республикасы Қарулы Күштерi мен Ресей Федерациясы Қарулы Күштерiнiң әскери әуеайлақтарындағы әскери әуе кемелерін қорғауды ұйымдастыру туралы Қазақстан Республикасының Қорғаныс министрлiгi мен Ресей Федерациясының Қорғаныс министрлiгi арасындағы Келiсiмiне сәйкес айқындалады.
8-бап
Қабылдайтын Тарап мемлекетiнiң әскери бөлiмдерi полигонда жауынгерлiк атыстарды өзiнiң қорындағы зениттiк артиллериялық жүйесiне арналған авиациялық талқандау жабдықтарымен, зениттiк басқару ракеталарымен және оқ-дәрілермен жүргiзедi.
Жауынгерлiк атыстардан кейiн қалған өзiнiң қорындағы зениттiк артиллериялық жүйесiне арналған авиациялық талқандау жабдықтарын, зениттiк басқару ракеталарын және оқ-дәрiлерiн полигонға жеткiзу және одан шығаруды қабылдайтын Тарап мемлекетiнiң әскери эшелондар құрамында немесе әскери көлiктiк авиациясымен жүргiзедi.
Жекеленген жағдайларда, қабылдаушы Тараптың өкiлеттi органы полигонда бар авиациялық талқандау жабдықтарын, зениттiк басқару ракеталарын қабылдайтын Тарап мемлекетiнiң әскери бөлiмдерiне ұсынуы мүмкiн. Бұл жағдайда қабылдайтын Тараптың өкiлеттi органы олардың құнын төлейдi немесе жауынгерлiк атыстарды өткiзу туралы актiге қол қойылған күннен бастап үш ай мерзiм iшiнде полигонға, жұмсалған авиациялық талқандау жабдықтарының және зениттiк басқару ракеталарының санын, сол түрлерiн және сондай сапалық сипаттағылармен орнын толтырады.
9-бап
Қабылдайтын Тарап мемлекетiнiң әскери бөлiмдерiнiң жеке құрамына медициналық қызмет көрсетудi қабылдаушы Тарап мемлекетiнiң дәрiгерлiк қызметшілерiмен жүзеге асырады.
Шұғыл жағдайларда, полигонда болған қабылдайтын Тарап мемлекетiнiң әскери бөлiмiнiң әскери қызметшiлерiн госпитализациялауды, қабылдаушы Тарап мемелекетiнiң өкiлеттi органының жақын жердегi емдеу мекемесiнде жүргiзедi. Бұл жағдайларда шығыстарды осы Келiсiмнiң 10-шы бабында белгiленген тәртiппен қабылдаушы Тараптың өкiлеттi органы төлейдi.
10-бап
Қабылдайтын Тараптың өкiлеттi органы өздерiнiң әскери бөлiмдерiмен өткізетiн жауынгерлiк атыстарды қамтамасыз етумен байланысты шығыстарды қабылдаушы Тараптың өкiлеттi органына төлейдi.
Төлемге мыналар мен байланысты шығындар жатады:
жауынгерлiк атыстарды қамтамасыз ету үшiн қабылдаушы Тарап мемлекетiнiң Қарулы Күштерi жеке құрамын және басқа министрлiктер мен ведомстволардың (өкiметтiң федералды атқарушы органдары) мамандарын тартуымен;
есеп беру және есепке алу қажеттi құжаттарын, әдiстемелiк құралдарын және анықтама әдебиеттерiн басып шығарумен;
нысаналарды, қару-жарақтарды және әскери техникаларды пайдалануымен;
жауынгерлiк атыстарды орындау үшiн қабылдайтын Тарап мемлекетiнiң әскери бөлiмдерiне берiлген авиациялық талқандау жабдықтары, зениттiк басқару ракеталары;
авиациялық талқандау жабдықтарын, зениттiк басқару ракеталарын жауынгерлiк пайдалануға дайындаумен;
қабылдау Тарап мемлекетiнiң әскери бөлiмдерiн авиациялық тасымалдауды қамтамасыз етумен байланысты шығыстары;
қабылдайтын Тарап мемлекетiнiң әскери бөлiмдерiн азық-түлiкпен қамтамасыз етуi;
қабылдайтын Тарап мемлекетiнiң әскери болiмдерiнiң әскери қызметшiлерiн полигонның қонақ үйлерi мен казармаларында тұрулары;
полигонда болған уақытындағы шығындалған, электроэнергиямен және сумен қамтамасыз етуi;
жауынгерлiк атыстарды өткiзудi қамтамасыз ету үшiн, сонымен қатар қабылдайтын Тараптың әскери бөлiмдерi қару-жарағының, әскери техникасы мен автокөлiгiнiң жұмысын қамтамасыз ету үшiн полигонда жұмсалған жанар-жағармай материалдары;
қабылдаушы Тарап мемлекетiнiң әскери бөлiмдерi әскери қызметшiлерiне медициналық қызмет көрсетумен;
Шығындарды өтеу, қабылдайтын Тарап мемлекетiнiң өкiлеттi органынан жауынгерлiк атыстар басшысы және қабылдаушы Тарап мемлекетiнiң өкiлеттi органынан полигон бастығы қол қойған актi негiзiнде жасалады.
Шығындарды өтеу, қабылдаушы Тарап мемлекетiнiң қолданыстағы бағалар мен тарифтерi бойынша қабылдаушы Тарап мемлекетiнде актiге қол қойылған күнгi курс бойынша АҚШ долларына қайта есептеумен ұлттық валютада жүзеге асырылады.
11-бап
Жауынгерлiк атыстарды өткiзу мен оларды қамтамасыз етуге байланысты шығындардың төлемдерi қабылдаушы Тарап мемлекетiнiң өкiлеттi органы жауынгерлiк атыстарды өткiзу туралы актiнi құру барысында, қабылдаушы Тарап мелекетiнiң өкiлеттi органы көрсеткен валюталық шотқа аударатын болады. Және бұл қабылдаушы Тарап мемлекетi өкiлеттi органының жауынгерлiк атыстарды қамтамасыз ету үшiн есеп айырысу актiсiн, есептеу және кеткен шығындарды нақтылайтын басқа да құжаттар қосымшасымен ұсынғаннан кейiн банкiлiк 10 күн iшiнде жүзеге асырылады.
12-бап
Осы Келiсiмнiң ережелерiн iске асыру барысында келiспеушiлiк туған жағдайда Тараптар оларды өзара кеңестер мен келiссөздер жолымен шешедi.
Тараптардың өзара келiсiмi бойынша осы Келiсiмге жеке Хаттамамен ресiмделетiн, оның ажырамас бөлiгi болып табылатын өзгерiстер мен толықтырулар енгiзiлуi мүмкiн және осы Келiсiмнiң 13-бабында белгiленген тәртiппен күшiне енедi.
Осы Келiсiмiнiң ережелерi, Тараптар болып қатысатын басқа халықаралық келiссөздерден шығатын Тараптардың құқықтары мен мiндеттерiне нұқсан келтiрмейдi.
13-бап
Осы Келiсiм оның күшiне енуi үшiн қажеттi iшкi мемлекеттiк рәсiмдердi
орындағаны туралы соңғы жазбаша хабардар етуi түскен күннен бастап күшiне
енедi.
Келiсiм Тараптардың бiреуi осы Келiсiмнiң қолдануын тоқтату ниетi
туралы екіншi Тарапты жазбаша хабардар еткен күнiнен кейiн алты ай
қолданылады.
2000 жылғы "___"________ _______________ қаласында әрқайсысы қазақ
және орыс тiлдерiндегi екi түпнұсқа данада жасалды, әрi барлық мәтiндердiң
бiрдей күшi бар. Келiсiмнiң ережелерiн талқылағанда келiспеушiлiктiң пайда
болған жағдайда Тараптар орыс тiлiндегi мәтiнге жүгiнедi.
Қазақстан Республикасының Ресей Федерациясының
Yкiметi үшiн Yкiметi үшiн
Оқығандар:
Қобдалиева Н.М.
Орынбекова Д.К.
