Қазақстан Республикасының Үкіметі қаулы етеді:
1. "Қазақстан Республикасы Үкіметінің резервінен қаражат бөлу туралы" Қазақстан Республикасы Үкіметінің 2000 жылғы 2 тамыздағы N 1171 P001171_ қаулысына мынадай өзгерістер енгізілсін:
1-бапта:
бірінші абзацтағы "65 (алпыс бес) миллион теңге" деген сөздер "58 (елу сегіз) миллион теңге" деген сөздермен ауыстырылсын;
төртінші абзацтағы "20 (жиырма) миллион теңге" деген сөздер "17 (он жеті) миллион теңге" деген сөздермен ауыстырылсын;
бесінші абзацтағы "9 (тоғыз) миллион теңге" деген сөздер "7 (жеті) миллион теңге" деген сөздермен ауыстырылсын;
жетінші абзацтағы "12 (он екі) миллион теңге" деген сөздер "10 (он) миллион теңге" деген сөздермен ауыстырылсын.
2. Қазақстан Республикасының Төтенше жағдайлар жөніндегі агенттігіне төтенше жағдайды болдырмау мақсатында "Қазселқорғау" мемлекеттік мекемесінің Кіші Алматы өзені бастауындағы Тұйық су тобы көлдерінде су деңгейін қауіпсіз белгіге дейін төмендету жөніндегі іс-шараларды жүргізуі үшін Қазақстан Республикасы Үкіметінің 2000 жылға арналған республикалық бюджетте табиғи және техногендік сипаттағы төтенше жағдайларды жоюға және
өзге де күтпеген шығыстарға көзделген резервінен 7 (жеті) миллион теңге
бөлінсін.
3. Қазақстан Республикасының Қаржы министрлігі бөлінген қаражаттың
мақсатты пайдаланылуын бақылауды қамтамасыз етсін.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Қобдалиева Н.М.
Орынбекова Д.К.
