Халықаралық байланыстарды дамытуды ынталандыру және Қазақстанның кiтап рыногын таныстыру жөнiндегi жұмыстарды күшейту мақсатында Қазақстан Республикасының Үкiметi қаулы етеді:
1. Қазақстанның баспагерлер, полиграфистер және кiтап таратушылар қауымдастығының және Қазақстан Республикасы Мәдениет, ақпарат және қоғамдық келiсiм министрлiгiнiң 2001 жылғы 24-26 сәуiрде Алматы қаласында "Ұлы жiбек жолымен" халықаралық кiтап және полиграфия жәрмеңкесiн, оны ЮНЕСКО жариялаған 23 сәуiр - Халықаралық Кiтап күнiне орайластырып өткiзу туралы ұсынысы қабылдансын.
2. Қосымшаға сәйкес "Ұлы жiбек жолымен" халықаралық кiтап және полиграфия жәрмеңкесiн дайындау және өткiзу жөнiндегi ұйымдастыру комитетiнiң құрамы (бұдан әрi - Ұйымдастыру комитетi) бекiтiлсiн.
3. Ұйымдастыру комитетi бiр ай мерзiмде "Ұлы жiбек жолымен" халықаралық кiтап және полиграфия жәрмеңкесiн дайындау және өткiзу жөнiндегi iс-шаралар жоспарын әзiрлесiн және бекiтсiн.
4. Қазақстан Республикасының Мәдениет, ақпарат және қоғамдық келiсім министрлiгi жәрмеңкенiң мәдени бағдарламасын қамтамасыз етсiн, қазақстандық кiтап шығару iсiн насихаттау мақсатында осы iс-шараны бұқаралық ақпарат құралдарында кеңiнен жария етсiн.
5. Қазақстан Республикасының Сыртқы iстер министрлiгi:
1) жәрмеңке туралы ақпараттың Қазақстан Республикасының шетелдердегi
өкiлдiктерi мен халықаралық ұйымдар арқылы таратылуын;
2) шетелдiк жәрмеңкеге қатысушылардың келу және кету құжаттарын
ресiмдеудi қамтамасыз етсiн.
6. Қазақстан Республикасының Ішкі істер министрлігі жәрмеңке
өткізілетін және қатысушылардың тұратын жерлерінде қоғамдық тәртіптің
сақталуын қамтамасыз етсін.
7. Алматы қаласының әкімі жәрмеңке ұйымдастырушыларға оны дайындауға
және өткізуге жан-жақты қолдау мен көмек көрсетсін.
8. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкіметінің
2000 жылғы 27 қыркүйектегі
N 1460 қаулысына
қосымша
"Ұлы жібек жолымен" халықаралық кітап және полиграфия
жәрмеңкесін дайындау және өткізу жөніндегі ұйымдастыру комитетінің
ҚҰРАМЫ
Храпунов Виктор Вячеславович - Алматы қаласының әкімі, төраға
Абдуллаева Жанна Қалыққызы - "Атакентэкспо" халықаралық көрме
компаниясының директоры
(келісім бойынша)
Әлібаев Ермек Ниязалыұлы - Алматы қаласы Ішкі істер басқармасы
бастығының орынбасары
Антоненко Андрей Иванович - Қазақстан Республикасы Сыртқы істер
министрлігінің Консулдық
департаментінің директорының
орынбасары
Асқаров Әлібек Асылбайұлы - Қазақстан Республикасының Мәдениет,
ақпарат және қоғамдық келісім
министрлігі Мемлекеттік баспа
бағдарламаларын қалыптастыру
департпментінің директоры
Балиев Мұхтар Абзалұлы - Алматы қаласы Бас кеден басқармасы
бастығының орынбасары
Батталова Элеонора Нигметқызы - Қазақстан баспагерлері мен кітап
таратушылары ассоциациясының
президенті (келісім бойынша)
Люц Евгений Арвидович - Қазақстан полиграфистері
ассоциациясының президенті
(келісім бойынша)
Шаймарданов Марат Әнуарұлы - "Қазэкспосервис" президенті
(келісім бойынша)
Мамандар:
Қобдалиева Н.М.
Орынбекова Д.Н.
