Соттардың "Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы" Z923600_ 1992 жылғы 18 желтоқсандағы Қазақстан Республикасы Заңының 13-бабының бірыңғай және дұрыс қолдануын қамтамасыз ету мақсатында және заңнамадағы өзгерістерге байланысты Қазақстан Республикасының Жоғарғы Соты қаулы етеді:
1. Соттарға "Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы" Қазақстан Республикасы Заңының 13-бабында көзделген, Заңның 5 және 6-баптарында көрсетілген аумақтарда тұратын және 1998 жылдың 1 қаңтарына дейін зейнет демалысына шыққан азаматтардың зейнетақыларына қосылатын үстемелердің, сондай-ақ жұмыс істейтін және Заңның 5, 6, 7, 8 және 9-баптарында көрсетілген аумақтарда тұратын азаматтардың еңбегіне төленетін қосымша ақының әлеуметтік төлемдерге жататыны түсіндірілсін.
2. Қазақстан Республикасы Президентінің "1996 жылға арналған республикалық бюджет туралы" U952700_ 1995 жылғы 21 желтоқсандағы Заң күші бар Жарлығымен зейнетақыларды, жәрдемақылар мен өзге де әлеуметтік төлемдерді есептеу, сондай-ақ айыппұл санкцияларын қолдану, салықтық және басқа да төлемдер үшін "айлық есептік көрсеткіш" ұғымы енгізілген және қолданыстағы заңнамаға тиісті өзгерістер енгізілгенге дейін мемлекеттік органдарға осы Жарлықпен белгіленген "айлық есептік көрсеткіш" ұғымын қолдану міндеттелген.
"1997, 1998, 1999 жылдарға арналған республикалық бюджет туралы" Z960059_ Z970201_ Z980318_ Қазақстан Республикасының Заңдарымен зейнетақылар, жәрдемақылар мен өзге де әлеуметтік төлемдер осылай айлық есептік көрсеткіш негізге алына отырып көзделді.
"Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы" Қазақстан Республикасының Заңына өзгерістер мен толықтырулар енгізу туралы" Z990480_ 1999 жылғы 16 қарашадағы Қазақстан Республикасының Заңымен аталған Заңның 12-бабына және 13-бабы 2-бөлігінің 1) тармақшасына өзгерістер енгізіліп, "ең төменгі еңбекақы" сөздері "айлық есептік көрсеткіш" деген сөздермен ауыстырылды.
1996 жылдан бастап "ең төменгі еңбекақы" ұғымын қолдану заң тәртібімен қолданыстағы заңнамаға өзгерістер енгізілгенге дейін тоқтатыла тұрғандықтан, ал 1999 жылдан бастап ол "айлық есептік көрсеткіш" деген сөздермен ауыстырылғандықтан, соттар азаматтардың қосымша еңбекақыны
өндіру туралы талаптарын қарау кезінде айлық есептік көрсеткішті негізге
алулары қажет.
Алайда соттар Қазақстан Республикасы АК-нің
960-бабының
3-тармағына сәйкес, ең төменгі еңбекақының есебінен азаматтарға төленген
еңбекақыға экологиялық үстемелердің ақшалай сомаларының, олардың тарапынан
теріс пиғыл болмаған жағдайда, қайтадан өндіруге жатпайтынын назарда
ұстаулары қажет.
Қазақстан Республикасы
Жоғарғы Сотының
Төрағасы
Пленум хатшысы,
Қазақстан Республикасы
Жоғарғы Сотының судьясы
Мамандар:
Қасымбеков Б.А.
Багарова Ж.А.
