Қазақстан Республикасының отандық мұнай өңдеу зауыттарының жүктемесін қамтамасыз ету және мұнай өнiмдерінің iшкi рыногын тұрақтандыру мақсатында сондай-ақ "Өнiмдi табиғи нысанда бөлу туралы келiсiм-шарттардағы Қазақстан Республикасының роялтилерi мен үлестерiн белгiлеу және оны төлеудiң тәртібін бекіту туралы" Қазақстан Республикасы Yкіметiнiң 1997 жылғы 12 қыркүйектегi N 1329 P971329_ қаулысына сәйкес Қазақстан Республикасының Үкiметi қаулы етеді:
1. Қазақстан Республикасының Энергетика және минералдық ресурстар министрлiгi заңнамада белгiленген тәртiппен:
1) қолда бар қуаттардың жұмыс iстеуi мақсатында отандық мұнай өңдеу зауыттарына жеткiзуге жататын шикi мұнайдың көлемiн айқындасын;
2) жер қойнауын пайдалануға арналған келісім-шарттарға қосымша келiсiмдер жасассын, онда:
мемлекет атынан роялтиді алушы - "ҚазМұнайГаз" Сауда үйі" жауапкершілігі шектеулі серіктестігінің (бұдан әрі - "ҚазМұнайГаз" Сауда үйі" ЖШС) Қазақстан Республикасының заңнамасына сәйкес роялтиді есептеу кезінде жер қойнауын пайдаланушылар қолданатын бағалар бойынша жер қойнауын пайдаланушылардан шикі мұнай түрінде көмірсутегі шикізатының көлемін алуын қамтамасыз етсін;
"ҚазМұнайГаз" Сауда үйі" ЖШС алуға жататын көмiрсутектi шикiзат көлемi Қазақстан Республикасының заңнамасына сәйкес жер қойнауын пайдаланушылар төлейтiн роялти төлеудің табиғи нысаны болып табылады деп айқындасын;
жер қойнауын пайдаланушымен келiсiм бойынша жер қойнауын пайдалануға арналған келiсiм-шарттарда белгіленген мерзiмдерге қарағанда, роялти төлеу есебіне шикі мұнай көлемін берудің неғұрлым ерте мерзімдерін айқындасын;
3) осы қаулыдан туындайтын өзге де шараларды қабылдасын.
2. "ҚазМұнайГаз" Сауда үйі" ЖШС (келiсiм бойынша):
1) оларды кейiннен сатып, жер қойнауын пайдаланушылардан роялти төлеу есебiне табиғи нысанын жеткiзiлетiн шикi мұнайдың көлемiн қабылдасын;
2) Қазақстан Республикасының заңнамасында роялти төлеу үшiн белгiленген мерзiмдерде жер қойнауын пайдаланушылар есептеген роялти сомаларын республикалық бюджетке есепке алуды жүргiзсiн.
3. Осы қаулының орындалуын бақылау Қазақстан Республикасы
Премьер-Министрiнiң орынбасары К.Қ.Мәсімовке жүктелсiн.
Ескерту. 1,2,3-тармақтар өзгерді - Қазақстан Республикасы Үкіметінің
2002.06.10 N 627 қаулысымен.
4. Осы қаулы қол қойылған күнiнен бастап күшiне енедi және 2002 жылғы
31 желтоқсанға дейiн қолданылады.
Ескерту. 4-тармақ өзгерді - ҚР Үкіметінің 2001.12.25 N 1690
қаулысымен.
Қазақстан Республикасының
Премьер-Министрі
Мамандар:
Багарова Ж.А.
Қасымбеков Б.А.
