Оңтүстік Қазақстан және Қызылорда облыстары суармалы жерлерінің сумен қамтамасыз етілуін арттыру, Сырдария өзенінің ирригациялық және экологиялық режимін тұрақтандыру, сондай-ақ осы аймақтарда төтенше жағдайларды болдырмау мақсатында Қазақстан Республикасының Үкіметі қаулы етеді:
1. Қазақстан Республикасының Табиғи ресурстар және қоршаған ортаны қорғау министрлігіне Оңтүстік Қазақстан облысында Сырдария өзенінде "Көксарай" қарсы реттеуші су қоймасын салудың техникалық-экономикалық негіздемесін әзірлеуді аяқтау үшін 2001 жылға арналған республикалық бюджетте табиғи және техногендік сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Үкіметінің
резервінен 10 000 000 (он миллион) теңге бөлінсін.
2. Қазақстан Республикасының Қаржы министрлігі бөлінген қаражаттың
мақсатты пайдаланылуын бақылауды қамтамасыз етсін.
3. Осы қаулы қол қойылған күнінен бастап күшіне енеді.
Қазақстан Республикасы
Премьер-Министрінің
бірінші орынбасары
Мамандар:
Багарова Ж.А.
Қасымбеков Б.А.
