Қазақстан Республикасының Үкіметі қаулы етеді:
1. "Қазақстан Республикасы Үкіметінің Регламенті туралы" Қазақстан Республикасы Үкіметінің 1999 жылғы 23 ақпандағы N 156
қаулысына
(Қазақстан Республикасының ПҮКЖ-ы, 1999 ж., N 6, 40-құжат) мынадай өзгерістер мен толықтырулар енгізілсін:
көрсетілген қаулымен бекітілген Қазақстан Республикасы Үкіметінің Регламентінде:
2-тармақта "Қазақстан Республикасы Президентінің" деген сөздер алынып тасталып, "конституциялық заң күші бар Жарлығымен" деген сөздер "Қазақстан Республикасының Конституциялық заңымен" деген сөздермен ауыстырылсын;
5-тармақ мынадай редакцияда жазылсын:
"5. Соттарда Премьер-Министрдің, оның орынбасарларының немесе Премьер-Министр Кеңсесі Басшысының тапсырмасы бойынша Үкіметті және Премьер-Министрді білдіруді әрі олардың мүдделерін қорғауды сот дауының мәнісі болған мәселелер құзыретіне кіретін мемлекеттік орган жүзеге асырады. Әділет министрлігі тиісті мемлекеттік органға құқықтық және консультациялық көмек көрсетеді.
Соттарда Үкіметі және Премьер-Министрді білдіру әрі олардың мүдделерін қорғау, Қазақстан Республикасының Конституциялық Кеңесінде Премьер-Министрді білдіру, прокурорлық назар аудару актілерін қарау, сондай-ақ Қазақстан Республикасының Үкіметіне қойылатын талап-арыздар мен талаптарға мемлекеттік органдар дайындаған жауап-пікірлер жобаларын сараптамадан өткізу жекелеген жағдайларда Премьер-Министрінің шешімі бойынша Кеңсеге жүктелуі мүмкін.
Үкіметтің нормативтік құқықтық актілерін ресми түсіндіруді Премьер-Министрдің тапсырмасы бойынша Әділет министрлігі жүзеге асырады.";
17-тармақтың төртінші абзацының 3) тармақшасы "және/немесе үштен артық орталық атқарушы органның құзыретіне кіргенде" деген сөздермен толықтырылсын;
18-тармақта:
бірінші абзацта "нұсқаулыққа сәйкес" деген сөздерден кейін "жай қағаз парақтарында" деген сөздермен толықтырылсын;
екінші абзац "тілдерінде ұсынылады." деген сөздерден кейін мынадай мазмұндағы сөйлеммен толықтырылсын:
"Жобалар мемлекеттік органдардың бірінші басшыларын алмастыратын адамдармен келісілген жағдайда, бірінші басшының міндеттерін атқару жоба келісілген адамға жүктелгені туралы тиісті актілердің көшірмелері жобаға міндетті түрде қоса беріледі.";
19-тармақ "бірдейлігі" деген сөзден кейін "және жоба мәтінінің жазылу стиліне қойылатын талаптардың сақталуы" деген сөздермен толықтырылсын;
20-тармақта: 1-1) тармақша "Экономика" деген сөзден кейін "және сауда" деген сөздермен толықтырылсын;
мынадай мазмұндағы абзацтармен толықтырылсын:
"Ведомстволардың санын, министрліктердің, агенттіктер мен ведомстволардың штат санын, олардың басшы лауазымды адамдарының санын көбейту көзделген жобалар Қазақстан Республикасы Президентінің "Мемлекеттік аппараттың жұмысын жақсарту, төрешілдікке қарсы күрес және құжат айналымын қысқарту жөніндегі шаралар туралы" 2000 жылғы 31 шілдедегі N 427
Жарлығына
сәйкес міндетті түрде Мемлекет басшысымен не оның уәкілеттік беруі бойынша Қазақстан Республикасы Президентінің Әкімшілігімен келісіледі.
Премьер-Министр не оның тапсырмасы бойынша Кеңсенің Басшысы қажет болған жағдайларда Қазақстан Республикасының Премьер-Министрі өкімдерінің жобаларын келісудің оңайлатылған тәртібін белгілей алады.";
21-тармақтың бірінші абзацында:
"5" деген сан "7" деген санмен ауыстырылсын;
"10 күннен" деген сөздер "12 жұмыс күнінен" деген сөздермен ауыстырылсын;
22-тармақтың 2) тармақшасы "қаулының жобасына ескертпелер көрсетiлген хатқа, келiсушi мемлекеттiк органның бiрiншi басшысы немесе оның орынбасары қол қояды;" деген сөздермен толықтырылсын;
23-тармақта:
бiрiншi абзац мынадай мазмұндағы сөйлеммен толықтырылсын:
"Сонымен бiр мезгiлде, жобаның электрондық көздегi нұсқасы ұсынылады.";
төртiншi абзацта "басқа министрлiктер мен агенттiктерге, сондай-ақ" деген сөздер "агенттiктерге, сондай-ақ өзге де" деген сөздермен ауыстырылсын;
мынадай мазмұндағы 23-1 тармақпен толықтырылсын:
"23-1. Кеңсе Үкiмет қаулысының жобасы Кеңседе тiркелген күннен бастап бiр жұмыс күнiнен кешiктiрмей Үкiметтiң барлық мүшесiне (Премьер-Министрдiң және әзiрлеушi жобаны келiсудi жүргiзген адамдарды қоспағанда) оның мәтiнiн (құпия және кадрлық жобалардан басқасы) дауыс беру рәсiмiн жүргiзу үшiн табыстауды қамтамасыз етедi. Тiзiлiм бойынша тiкелей Үкiмет мүшелерiнiң қабылдау бөлмелерiне (бас қалада Табиғи ресурстар және қоршаған ортаны қорғау министрлiгiнiң өкiлдiгiне) қаулылардың жобаларын мөрленген конверттерде берудi Кеңсенiң курьерi жүзеге асырады. Жобалар салынған конверттерде 3 жұмыс күнiн құрайтын дауыс беру рәсiмiнiң аяқталған мерзiмi қойылады. Жекелеген жағдайларда жобаның мәтiнiне қосымшалар Үкiмет мүшелерiне, оларға қатысты бөлiгiнде ғана жiберiлуi мүмкiн.
Үкiмет қаулысының жобасына ұсыныстар, ескертпелер мен қарсылықтар болған кезде Үкiмет мүшесi осы Регламент 22-тармағының 1)-3) тармақшаларына сәйкес өзiнiң пiкiрiн бiлдiретiн жобаны Кеңсеге конвертте көрсетiлген дауыс беру рәсiмi аяқталатын мерзiмнен кешiктiрмей қайтарады. Қаулының жобасы көрсетiлген мерзiмде қайтарылмаған жағдайда, Үкiмет мүшесi қаулы жобасының қабылдануына ескертпелерсiз дауыс бердi деп саналады. Үкiмет қаулыларының жобалары бойынша дауыс берудi Үкiмет мүшелерi алмасу құқығынсыз жүзеге асырады.";
24-тармақ мынадай редакцияда жазылсын:
"24. Әзiрлеушi мыналарды қамтитын түсiндiрме жазбаны жобаға мiндеттi түрде қоса бередi:
1) жобаны қабылдау қажеттiлiгiне негiздеме (заң актiлерiне, Президент актiлерiне және өзге де нормативтiк құқықтық актiлерге сiлтеме);
2) жоба қабылданған жағдайдағы болжамды әлеуметтiк-экономикалық және/немесе құқықтық салдарлар;
3) жобаны iске асыруға байланысты болжамды қаржы шығындары;
4) жоба қабылданған жағдайда күтiлетiн нәтижелердiң нақты мақсаттары мен мерзiмдерi, енгiзiлетiн ұсыныстардың тиiмдiлiгi;
5) жобада көрсетiлген мәселелер құзыретiне кiретiн мемлекеттiк орган басшысы визасының болмау себептерi (мұндай факт болған кезде);
6) жобада қаралатын мәселелер бойынша бұдан бұрын Президенттiң және/немесе Yкiметтiң қандай нормативтiк құқықтық актiлерi қабылданғаны және әзiрлеушi оларды қалай орындағаны туралы мәлiметтер;
7) заңдарды кейiннен жобаға сәйкес келтiру қажеттiлiгi (жаңа нормативтiк құқықтық актiлер қабылдаудың қажеттiлiгi, сондай-ақ қандай нормативтiк құқықтық актiлерге өзгерiстер және/немесе толықтырулар енгiзу қажет болатыны көрсетiлсiн).
Қаулының жобасында шарттарға, келiсiмдерге және өзге де құжаттарға (заң актiлерiнен, Президенттiң, Үкiметтiң және Премьер-Министрдiң актiлерiнен басқа) сiлтемелер болған кезде әзiрлеушi тиiстi құжаттардың көшiрмелерiн жобаға мiндеттi түрде қоса бередi.
Көлемi екi және одан да көп бет болатын Үкiмет қаулылары жобаларының, сондай-ақ оларға қосымшалардың әр бетiне әзiрлеушi мемлекеттiк органның бiрiншi басшысы не оны алмастырушы адам қол қоюға тиiс.";
26-тармақта:
бiрiншi абзацта "(бұдан әрi - сараптама)" деген сөздер алынып тасталсын;
мынадай мазмұндағы екiншi және үшiншi абзацтармен толықтырылсын:
"Кеңседе жобаның қаржы-экономикалық, құқықтық және өзге де мәнiстерiне сараптама (бұдан әрi - сараптама) жүргiзiледi. Сараптама жобаның сапасын, дайындау негiздiлiгiн, уақытылылығын бағалау, ол қабылданған жағдайда орын алуы ықтимал терiс салдарларын анықтау үшiн, сондай-ақ жобаның нормативтiк құқықтық және жоғары деңгейдегi өзге де актiлерге, Үкiметтiң нормативтiк құқықтық қаулыларына сәйкес келу мәнiнде жүргiзiледi. Жобалардың сараптамасы Премьер-Министр, оның орынбасарлары және Кеңсе Басшысы үшiн олардың тиiстi жобаларға қол қою немесе оларды келiсу туралы шешiм қабылдауы кезiнде ақпараттық-ұсынымдық сипатта болады.
Жоба бойынша қорытындыны жобаның өтуiне жауапты Кеңсенiң құрылымдық бөлiмшесi дайындайды. Қорытынды жобаны қабылдаудың қажеттiлiгi, жобаны келiсуге жiберген Үкiмет мүшелерiнiң және мемлекеттiк органдардың қарсылықтары (олар болған жағдайда), жобаның Кеңседегi сараптамасының нәтижелерi, жобаны пысықтау, оның iшiнде жұмыс тәртiбiмен пысықтау (мұндай фактi болған кезде) туралы ақпаратты, жоба бойынша қажеттi өзге де ақпаратты қамтуға, сондай-ақ жобаны қабылдау немесе одан бас тарту туралы ұсынысты қамтуға тиiс;";
екiншi абзац "iс қағаздарын жүргiзу" деген сөздерден кейiн "және осы Регламент" деген сөздермен толықтырылсын;
төртiншi абзац мынадай редакцияда жазылсын:
"Жоба Кеңседе тiркелгеннен кейiн сараптама жүргiзiледi және Кеңсенiң шығарушы бөлiмшесiнiң қорытындысы дайындалады, содан кейiн жобаның мемлекеттiк тiлдегi және орыс тiлiндегi мәтiндерiнiң бiрдейлiгi тексерiледi. Заң жобаларынан басқа, жобаны сараптамадан өткiзу және ол бойынша қорытындыны дайындау мерзiмi жоба бойынша осы Регламенттiң 23-1-тармағында белгiленген дауыс беру мерзiмдерi аяқталған күннен бастап 5 жұмыс күнiнен аспауға тиiс.";
жетiншi абзацтың 3) тармақшасы мынадай редакцияда жазылсын:
"3) жобаны әзiрлеушi (өкiлеттi адам) Кеңсенiң құрылымдық бөлiмшелерiнiң ескертпелерiмен жазбаша келiсiлген кезде жұмыс бабында Кеңсе Басшысының немесе тиiстi мәселелердi қадағалайтын оның орынбасарларының келiсiмiмен қайтарылуы мүмкiн, бұл туралы жобаның келiсу парағында белгi жасалады және жобаның өту мерзiмдерiн бақылауды жүзеге асыратын Кеңсенiң бөлiмшесiне хабарланады. Жұмыс бабында пысықтау мерзiмi 7 жұмыс күнiнен аспауға тиiс.";
мынадай мазмұндағы абзацпен толықтырылсын:
"Жобаға сараптама жүргiзiлгеннен, қорытынды дайындалғаннан және оны пысықтағаннан кейiн (мұндай фактi болған кезде) Кеңседе оның түпкiлiктi нұсқасы, қорғалған елтаңбалық бланкiге белгiленген тәртiппен көшiрiледi және оған тiкелей орындаушы мен жобаның өтуiне жауапты Кеңсенiң құрылымдық бөлiмшесiнiң басшысы не оны алмастырушы адам, жобаның сараптамасын жүргiзген Кеңсенiң құрылымдық бөлiмшелерiнiң басшылары, сондай-ақ жобаның мемлекеттiк тiлдегi және орыс тiлiндегi мәтiндерiнiң бiрдейлiгiн әрi олардың мемлекеттiк тiлдегi және орыс тiлiндегi ережелерiне сәйкестiгiн тексерудi жүзеге асыратын Кеңсенiң қызметкерлерi виза қояды.";
27-тармақта:
екiншi абзац мынадай редакцияда жазылсын:
"Жоба Кеңседе сараптама - жүргiзiлген және оның қорытындысы дайындалған, сондай-ақ Премьер-Министрдiң орынбасарларында келiсiлгеннен кейiн Кеңсе Басшысы оған виза қояды және ол бойынша шешiм қабылдау үшiн Премьер-Министрге не оны алмастыратын адамға баяндайды.";
мынадай мазмұндағы үшiншi абзацпен толықтырылсын:
Yкiмет қаулысының жобасына Үкiмет мүшелерi көпшiлiгiнiң ескертпелерi және/немесе қарсылықтары болған жағдайда Премьер-Министр, оның орынбасарлары, Кеңсе Басшысы Үкiмет мүшелерiнiң көпшiлiгiмен келiсiлген, шешiм әзiрлеу үшiн кеңес шақыруы мүмкiн. Үкiмет қаулысының жобасы бойынша Үкiмет мүшелерi көпшiлiгiнiң көзқарасын келiсуге қол жетпеген кезде қаулы қабылданбайды, бұл кеңестiң хаттамасында көрсетiлуге тиiс.";
30-тармақтың екiншi абзацы "жүргiзудiң" деген сөзден кейiн "және қорытынды дайындаудың" деген сөздермен толықтырылсын;
32-тармақ "керi қайтарып алынуы" деген сөздер "дереу қайтарып алынуы" деген сөздермен ауыстырылсын;
35-тармақта:
"Әдiлет министрлiгi" деген сөздер алынып тасталып, "үш күн мерзiм ішiнде," деген сөздер "Кеңсе үш жұмыс күнi мерзiмiнен кешiктiрмей" деген сөздермен ауыстырылсын;
"ұсыныс енгiзеді" деген сөздер "ұсыныс дайындайды" деген сөздермен ауыстырылсын;
6-тараудың тақырыбы мынадай редакцияда жазылсын:
"6. Yкiметтiң заң шығару қызметi";
36-тармақтың бiрiншi абзацы "органдардың" деген сөзден кейiн "және Қазақстан Республикасының Үкiметi жанындағы Заң жобалау қызметiнiң мәселелерi жөнiндегi ведомствоаралық комиссияның" деген сөздермен толықтырылсын;
мынадай мазмұндағы 36-1-тармақпен толықтырылсын:
"36-1. Үкiметтiң заң жобалау жұмыстарының ағымдағы және перспективалық жоспарларын қалыптастыру Мемлекет басшысының тапсырмалары, Үкiметтiң Iс-қимыл бағдарламасы, мемлекеттiк бағдарламалар және Үкiмет бекiтетiн бағдарламалар, мемлекеттiк бағдарламаларды iске асыру жөнiндегi iс-шаралар ескерiле отырып, жүзеге асырылады.";
37-тармақ мынадай мазмұндағы абзацтармен толықтырылсын:
"Заң жобасын ұсыну мерзiмдерiн ауыстыру, сондай-ақ ағымдағы жылдың Жоспарынан алып тастау немесе толықтыру туралы мәселе алдын ала мемлекеттiк органның - заң жобасын әзiрлеушiнiң өтiнiшi бойынша Заң жобалау қызметiнiң мәселелерi жөнiндегi ведомствоаралық комиссияның отырысында қаралады. Мемлекеттiк орган Үкiметтiң заң жобалау жұмыстарының жоспарына өзгерiстер мен толықтырулар енгiзу туралы Үкiмет қаулысының жобасын Үкiметке енгiзген кезде түсiндiрме жазбада Ведомствоаралық комиссияның осы мәселе бойынша негiздемесi мен шешiмi мiндеттi түрде көрсетiледi.
Ведомствоаралық комиссиямен заң жобасын қамтамасыз ету бөлiгiнде мемлекеттiк және өзге де бағдарламалардың, тұжырымдамалардың, Үкiметтiң iс-шаралары жобаларының нормалары келiсiледi.
Мемлекеттiк және өзге де бағдарламаларға қоғамдық қатынастарды заңмен реттеудiң жаңа тетiктерiн енгiзу Үкiметтiң заң жобалау жұмыстарының перспективалық жоспарына өзгерiстер мен толықтырулар енгiзумен қатар жүргiзiлуге тиiс.";
38-тармақтың үшiншi абзацы мынадай редакцияда жазылсын:
"Кеңседе жобаларға сараптама жүргiзу және олар бойынша қорытындылар дайындау мерзiмi жоба бойынша дауыс берудiң осы Регламенттiң 23-1-тармағымен белгiленген мерзiмдерi аяқталған күннен бастап 10 жұмыс күнiнен аспауға тиiс";
39-тармақта:
мынадай мазмұндағы екiншi абзацпен толықтырылсын:
"Үкiметке жiберiлген, депутаттар бастамашылық жасаған заң актiлерiнiң жобалары Қазақстан Республикасының Үкiметi жанындағы Заң жобалау қызметiнiң мәселелерi жөнiндегi ведомствоаралық комиссияның отырысында қаралуға тиiс. Үкiметке заң жобасы түскен күннен бастап бiр ай мерзiмде Комиссия депутаттардың Үкiметке енгiзген заң жобасына оң не өзге баға беру жөнiнде ұсыныстар әзiрлейдi.";
үшiншi абзац мынадай редакцияда жазылсын:
"Қорытынды Қазақстан Республикасы Үкiметiнiң тиiстi қаулысын қабылдаумен немесе оның мәжiлiсiнiң хаттамалық шешiмiмен, сондай-ақ осы Регламенттiң 20 және 21-тармақтарында немесе 3-бөлiмiнде белгiленген тәртiппен Үкiметтiң ұжымдық, заңды пiкiрiн бiлдiретiн өзге құжатпен ресiмделедi.";
мынадай мазмұндағы абзацпен толықтырылсын:
"Қорытындының жобасын бiр ай мерзiмде не Премьер-Министрдiң тапсырмасында белгiленген мерзiмдерде құзыретiне заң жобасымен реттелетiн қатынастар кiретiн мемлекеттiк орган дайындайды және мiндеттi түрде Әдiлет, Қаржы, Экономика және сауда министрлiктерiмен келiсiледi.";
мынадай мазмұндағы 39-1-тармақпен толықтырылсын:
"39-1. Үкiметтiң заң жобалау жұмыстарының перспективалық және ағымдағы жоспарларының орындалуын жалпы бақылауды Әдiлет министрлiгi жүзеге асырады.
Әдiлет министрлiгi ай сайын Үкiметтiң заң жобалау қызметiнiң барысын қорытады және есептiден кейiнгi айдың 1-күнi Үкiмет пен Парламентте заң жобаларының өтуi туралы ақпаратты, сондай-ақ заң жобалау жұмыстары жоспарының орындалу барысы туралы есептi бередi.
Жоспарланған заң жобаларын әзiрлеу мерзiмдерi бұзылған жағдайда, Әдiлет министрлiгi ақпаратының негiзiнде Кеңсе заң жобаларын әзiрлеу мерзiмдерiнiң бұзылуына кiнәлi лауазымды тұлғаларды жауапкершiлiкке тарту туралы ұсыныс енгiзедi.
Ведомствоаралық комиссия заң жобаларының Қазақстан Республикасының Үкiметi мен Парламентiнде өту процесiнде мемлекеттiк органдар арасындағы қайшылықтарды реттеу жөнiнде ұсыныстар әзiрлейдi.
Ведомствоаралық комиссия өз отырысында жобалардың сараптамасын уақытылы орындау мақсатында дайындалған заң жобаларын Үкiметке заң жобаларын әзiрлеушiлердiң тапсыруын ағымдағы мерзiмдерiн белгiлейдi.";
40-тармақ мынадай мазмұндағы азбацпен толықтырылсын:
"Министрлiктер мен агенттiктердiң ескертпелерi бар заң жобалары Премьер-Министрдiң осы мәселелердi қадағалайтын орынбасарындағы кеңесте мiндеттi түрде қаралады, оның нәтижелерi хаттамамен ресiмделедi. Талқыланатын мәселе бойынша келiсiмге қол жетпеген кезде Премьер-Министрдiң орынбасары заң жобасы бойынша түпкiлiктi шешiм қабылдау үшiн бұл туралы Премьер-Министрге не оны алмастыратын тұлғаға хабарлайды.";
40-1-тармақ мынадай мазмұндағы абзацтармен толықтырылсын:
"Yкiмет бастамашылық жасаған заң жобасына Парламенттiң Мәжілiсi мен Сенаты енгiзген тұжырымдамалық өзгерiстер мен толықтыруларды әзiрлеушi салыстырмалы кесте нысанында қысқаша түйiнiмен Үкiметке хабарлайды, оларды Премьер-Министрдiң Кеңсесi осы өзгерiстер мен толықтырулар бойынша Үкiмет бiрыңғай көзқарасты айқындау үшiн Қаржы және Әдiлет министрлiктерiне, сондай-ақ мүдделi мемлекеттiк органдарға жiбередi.
Үкiмет шешiмiнiң Парламентте өткiзiлуiн бақылауды Үкiметтiң Парламенттегi Өкiлдiгi (бұдан әрi - Өкiлдiк) жүзеге асырады.
Өкiлдiк Үкiмет енгiзген заң жобаларының өтуi, Парламент қарайтын және Үкiметтiң қызметiне қатысы бар басқа да мәселелер туралы Премьер-Министрге, оның орынбасарларына және Кеңсенiң Басшысына тұрақты түрде хабарлап отырады.";
40-2-тармақтың бiрiншi абзацында "үш күн мерзiмде" деген сөздердiң алдынан "заң қабылданған күннен бастап" деген сөздермен толықтырылсын;
40-3-тармақтағы "заң актiсi күшiне енген (қолдануға енгiзiлген) күннен бастап бес күн мерзiмде Үкiметке", "тиiстi шешiмнiң жобасын енгiзедi" деген сөздер тиiсiнше "заң актiсi күшiне енген (қолдануға енгiзiлген) күннен бастап бiр ай мерзiмде Үкiметке", "белгiленген тәртiппен келiсiлген қаулының жобасын енгiзедi" деген сөздермен ауыстырылсын;
мынадай мазмұндағы 40-4 және 40-5-тармақтармен толықтырылсын:
"40-4. Парламенттен заң жобасын Үкiметтiң қайтарып алуы осы ұсыныс Үкiметтiң отырысында қаралғаннан кейiн жүзеге асырылады және жобасын Үкiметке заң жобасын әзiрлеуші енгiзетiн Үкiметтiң қаулысымен ресiмделедi. Заң жобасын қайтарып алу кезiнде Заң жобалау қызметi мәселелерi жөнiндегi ведомствоаралық комиссияның пiкiрi ескерiледi.
40-5. Бұған дейiн заң актiсiмен реттелген қатынастар жөнiндегi заң жобаларын әзiрлеу туралы ұсыныстар алдын ала Заң жобалау қызметiнiң мәселелерi жөнiндегi ведомствоаралық комиссияның отырысында, одан кейiн Үкiметтiң мәжiлiсінде қаралады.";
мынадай мазмұндағы 6-1-бөліммен және 40-6, 40-7, 40-8-тармақтармен толықтырылсын:
"6-1. Прокурорлық ден қою актілерін қарау кезінде орталық атқарушы органдардың өзара іс-қимыл жасау тәртібі
40-6. Премьер-Министрдің немесе оның орынбасарларының тапсырмасы бойынша Үкіметтің атына жіберілген прокурорлық ден қою актілерін қарауды прокурорлық ден қою актісінің мәні болған мәселелер құзыретін енетін мемлекеттік орган жүзеге асырады. Әділет министрлігі тиісті мемлекеттік органға құқықтық және консультациялық көмек көрсетеді.
40-7. Прокурорлық ден қою актісін қарау тапсырылған мемлекеттік орган Бас Прокуратураға Үкімет жауабының жобасын, қажет болған жағдайда - Үкімет шешімдерінің жобаларын дайындайды және прокурорлық ден қою актісінен туындайтын өзге де шаралар қабылдайды.
Бас Прокуратураға Үкімет жауабының жобасы міндетті түрде Қазақстан Республикасының Әділет министрлігімен, сондай-ақ прокурорлық ден қою актісін қарау туралы тапсырмада көрсетілген өзге де мемлекеттік органдармен келісіледі.
Үкімет жауабының жобасын келісу тиісті мемлекеттік орган басшысының виза қою не ескертпелер мен ұсыныстардың жоқтығы туралы хат жіберу арқылы жүзеге асырылады.
40-8. Прокурорлық ден қою актілеріне Үкімет жауаптарының келісілген жобалары Қазақстан Республикасы Президентінің "Қазақстан Республикасының Прокуратурасы туралы" 1995 жылғы 21 желтоқсандағы N 2709 заң күші бар
Жарлығымен
белгіленген актілерге жауап беру мерзімдері аяқталғанға дейін 3 күннен кешіктірілмей Кеңсеге ұсынылады.";
8-бөлімнің тақырыбындағы және 44-тармақтағы "Кеңсе Басшысының" деген сөздер "Президент Әкімшілігі мен Кеңсе Басшыларымен" деген сөздермен ауыстырылсын;
45-тармақ мынадай редакцияда жазылсын:
"45. Мынадай құжаттар (бұдан әрі - бақылаудағы құжаттар) бақылауға алынады:
1) Үкіметке немесе оның Басшылығына тапсырмалар берілген Қазақстан Республикасы Президентінің актілері;
2) Үкіметтің қаулылары мен хаттамалық шешімдері, Премьер-Министрдің өкімдері;
3) орындау мерзімдері көрсетілген, соның ішінде "шұғыл" деген белгісі немесе бақылауға алынғаны туралы нұсқауы не "баяндалсын", "ұсыныстар енгізілсін" және т.б. белгілері бар Қазақстан Республикасы Президентінің, Премьер-Министрдің, оның орынбасарларының, Кеңсе Басшысының не оны алмастыратын адамның тапсырмалары;
4) Парламент депутаттарының сұрау салулары, депутаттар бастамашылық жасаған заң жобаларына Үкіметтің қорытындысын беруге өтініш жасалғаны жөніндегі Парламент Палаталарының арнау хаттары.";
46-тармақтағы "Республика Президенті актілерінің, Үкіметі шешімдерінің, Премьер-Министрі өкімдерінің" деген сөздер "Бақылаудағы құжаттардың" деген сөздермен ауыстырылсын;
50-тармақ мынадай редакцияда жазылсын:
"50. Бақылаудағы құжатты оған қол қойған не орындалуын бақылауды талап етуге тапсырма берген лауазымды адам бақылаудан алады.";
мынадай мазмұндағы 52-1-тармақпен толықтырылсын:
"52-1. Бақылаудағы құжаттардың орындалуына жауапты мемлекеттік органдар Кеңсеге:
1) бақылаудағы құжаттардың орындалуының белгіленген мерзімі аяқталғаннан кейін бақылаудағы әрбір құжаттың не оның нақты тармақтарының орындалуы туралы есепті (ақпаратты);
2) есепті тоқсаннан кейінгі айдың 5-күнінен орындаушылық тәртібі және бақылаудағы құжаттарды орындаудың мерзімдерін бұзуға кінәлі нақты лауазымды адамдарды жауапқа тарту жөнінде қабылданған шаралар туралы ақпаратты ұсынады.";
53-тармақ мынадай редакцияда жазылсын:
"53. Тапсырмаларды (соның ішінде Президенттің және Президент Әкімшілігі Басшылығының директивалық құжаттарында, Үкімет пен Премьер-Министрдің актілерінде қамтылған) бақылаудан шығару не орындау мерзімін өзгерту туралы шешім қабылдау тиісінше Қазақстан Республикасы Президентінің, Президент Әкімшілігі Басшысының, Премьер-Министрдің, оның орынбасарларының, Кеңсе Басшысының қарары бойынша жүзеге асырылады.
Орындалуына жауапты мемлекеттік органдар орындаудың белгіленген мерзімі аяқталғаннан кейін, Кеңсеге жіберетін бақылаудағы тапсырмалардың орындалуы туралы есептерде (ақпаратта), міндетті түрде:
не, егер тапсырманы ақиқатты себептер бойынша белгіленген мерзімде орындау мүмкін болмаса, жаңадан нақты мерзім көрсетіп, орындау мерзімін ұзарту туралы өтініш;
не, егер тапсырма толық көлемде орындалса, бақылаудан алу туралы өтініш;
не, егер тиісті актіде немесе тапсырмада кезеңдік ақпарат ұсыну көзделсе, құжаттың ақпарат ретінде енгізілетіні туралы жазба қамтылуға тиіс.";
56-тармақ мынадай редакцияда жазылсын:
"56. Премьер-Министрдің, оның орынбасарларының және Кеңсе Басшысының тапсырмалары бойынша Үкімет қаулыларының және Премьер-Министр өкімдерінің жобаларын осы Регламентте белгіленген тәртіппен енгізу, мұндай тапсырмаларды жазбаша өтініш жасамай-ақ, бақылаудан алуға негіз болып табылады.".
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
