Каспий теңізі қайраңының қазақстандық бөлігін игеруді жеделдету мақсатында Қазақстан Республикасының Үкіметі қаулы етеді:
1. Қазақстан Республикасының Энергетика және минералдық ресурстар министрлігі 2001 жылғы 1 желтоқсанға дейін Каспий теңізі "Қаражанбас-теңіз" қайраңының учаскесінде көмірсутекті шикізатты барлауға және өндіруге жер қойнауын пайдалану құқығын беру жөнінде ашық конкурс өткізсін.
2. "Жамбыл облысындағы Амангелді газ кен орындарының тобын игеруді жеделдету жөніндегі шаралар туралы" Қазақстан Республикасы Үкіметінің 2001 жылғы 6 сәуірдегі N 456 P010456_ қаулысына мынадай өзгеріс енгізілсін:
2-тармақ алынып тасталсын.
3. "Қазақстан Республикасы Үкіметінің 2001 жылғы 6 сәуірдегі N 456
қаулысына өзгеріс енгізу туралы" Қазақстан Республикасы Үкіметінің 2001
жылғы 16 шілдедегі N 964
қаулысының күші жойылды деп танылсын.
4. Қазақстан Республикасының Энергетика және минералдық ресурстар
министрлігі осы қаулыдан туындайтын қажетті шараларды қабылдасын.
5. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.
Қасымбеков Б.А.
