Қазақстан Республикасының Үкіметі қаулы етеді:
1. Қазақстан Республикасының Сыртқы істер министрлігі 1997 жылғы 14
наурызда Бішкек қаласында жасалған Қазақстан Республикасы Үкіметі, Қырғыз
Республикасы Үкіметі және Өзбекстан Республикасы Үкіметі арасындағы
Өндірістік кооперация туралы келісім депозитарийіне Қазақстан Республикасы
Үкіметінің көрсетілген Келісімнің қатысушысы болмау ниеті туралы хабарлама
жіберсін.
2. Осы қаулы қол қойылған күнінен бастап күшіне енеді.
Қазақстан Республикасы
Премьер-Министрінің
бірінші орынбасары
Қазақстан Республикасы Yкiметi, Қырғыз Республикасы
Yкiметi және Өзбекстан Республикасы Yкiметi
арасындағы Өндiрiстiк кооперация туралы
КЕЛIСIМ
Бұдан әрi Тараптар деп аталатын Қазақстан Республикасы Yкiметi, Қырғыз Республикасы Yкiметi және Өзбекстан Республикасы Yкiметi,
экономикалық, өнеркәсiптiк және ғылыми-техникалық ынтымақтастықтың қатынастарды тұрақты және ұзақ мерзiмдi негiзде дамытудың маңызды қажеттi элементi болып табылатындығын түсiне отырып;
олардың мемлекеттерiнiң өндiрiстiк және ғылыми-техникалық әлеуеттерiнiң арасындағы қалыптасқан технологиялық байланыстарды ескере отырып;
нарықтық қатынастар негiзiнде жалпы экономикалық кеңiстiк құруда Тараптар мемлекеттерiнiң шаруашылық қызметтерiнiң тiкелей өндiрiстiк өзара iс-қимылдарының шешушi ролiн мойындай отырып;
кәсiпорындардың және салалардың арасында өндiрiстiк кооперацияны қолдау және өзара тиiмдi дамыту үшiн қолайлы жағдайларды қамтамасыз етуге ұмтыла отырып;
елдер арасындағы экономикалық өзара iс-қимылдың қол жеткен деңгейiне сүйене отырып;
көпжақты сауда жүйесiн нығайтуға мүмкiндiк туғызуға және ДСҰ-ның тарифтер мен сауда туралы Бас келiсiмiнiң негiзгi принциптерiне сәйкес сауда саласындағы қатынастарды дамытуда табандылық бiлдiре отырып;
ұдайы экономикалық өсуді, олардың азаматтарының тұрмыс сапасын
жақсартуды, жұмыспен қамтуды кеңейтудi, материалдық және адами ресурстарды
тиiмдi пайдалануды және қоршаған ортаны қорғауды қамтамасыз ету
мақсаттарын басшылыққа ала отырып,
төмендегiлер туралы келiстi:
1-бап
Тараптар олардың тiкелей өндiрiстiк байланыстары негiзiнде меншiктiң
барлық нысандары кәсiпорындарының, салалық және салааралық кешендердің
арасында кооперацияны жүзеге асыруға және дамытуға жәрдемдесетiн болады.
2-бап
Тараптар өндiрiстi халықаралық мамандандыруды және кооперациялауды дамыту, олардың жүзеге асырылуы үшiн жағдайларды қамтамасыз ету өнеркәсiп салаларындағы басымдықтарды анықтау, бiрлескен жобалар мен бағдарламаларды әзiрлеуге және iске асыруға жәрдемдесу мақсатында қажеттi шаралар қабылдайтын болады.
3-бап
Тараптар:
кооперация бойынша тауарлар жеткiзу деп шикiзатты, материалдарды, бөлшектердi, қосалқы бөлшектердi, дайындамаларды, жартылай фабрикаттарды, технологиялық өзара байланысты және түпкiлiктi өнiмдi бiрлесiп дайындау үшiн қажетті салалық және салааралық мақсаттағы жинақтаушы және басқа бұйымдарды жеткiзу ұғылатынын;
қызметтер көрсету деп жобалау, жөндеу жұмыстары, техникалық қызмет
көрсету және технологиялық операциялар, ғылыми-зерттеу және технологиялық
әзiрлемелер ұғылатынын;
тауарларды қайта өңдеудiң кедендiк режимдерi шеңберiнде жеткiзу деп
Тараптардың кедендiк заңнамалары белгiлеген шарттарға сәйкес тауарлар
жеткiзу ұғылатынын келiстi.
4-бап
Тараптар өндiрiстiк кооперацияның және тiкелей байланыстардың негiзгi
нысаны тиiстi салалық және салааралық келiсiмдердiң негiзiнде шаруашылық
қызметтiң субъектiлерi жасасатын шарттар (келiсiм-шарттар) болып табылады
деп есептейдi.
5-бап
Тараптар өндiрiстiк кооперация туралы салалық және салааралық
келiсiмдер жасасуға жәрдемдесетiн болады.
6-бап
Өндiрiстiк кооперация туралы салалық және салааралық келiсiмдерде кооперациялауға қатысатын және өнiм өндiруге (жұмыс, қызмет көрсетуге) мамандануды сақтайтын кәсiпорындар мен ұйымдардың тiзбесi, сондай-ақ номенклатура және өнiмнiң кооперацияланған жеткiзiлiмдерiнiң (жұмыс, қызмет көрсету) көлемдерi айқындалатын болады.
7-бап
Осы Келiсiмнiң 4-бабында көзделген шарттар (келiсiм-шарттар) кедендiк ресiмдеу және тараптардың кедендiк шекаралары арқылы өнiм өткiзу үшiн негiз болып табылады.
Өндiрiстiк кооперация шеңберiнде жеткiзiлетiн өнiмдi (жұмысты, қызметтi) мағлұмдауды және есепке алуды олардың заңнамаларына сәйкес Тараптар елдерiнiң кедендiк органдары жүзеге асырады.
8-бап
Тараптар салалық және салааралық келiсiмдердiң тiзбелерiне сәйкес тауарлар жөнiнде Тараптардың келiсiмi бойынша экспорттық және импорттық кеден баждарын қолданбауға мiндеттенедi.
Кооперацияланған жеткiзiлiмдерге (тауарларға, жұмыстарға, қызметтерге) қосылған құн салығын және акциздер салу Тараптардың тиiстi Келiсiмдерiмен белгiленедi.
Көрсетiлген өнiмдердi (жұмыстар, қызметтер көрсету) кедендiк ресiмдеу үшiн алымдар Тараптардың қолданылып жүрген заңнамаларына сәйкес жалпы талаптар негiзiнде өндiрiлiп алынады.
9-бап
Кооперация бойынша өңделме шикiзаттан өндiрiлген өнiмдi жеткiзу Тараптар елдерiнде қолданылып жүрген өңделме шикiзатпен жүргізiлетiн операциялар туралы заңнамаларға сәйкес жүзеге асырылатын болады.
10-бап
Өндiрiстiк кооперация шеңберiнде жеткiзiлетiн шикiзат, материалдар және жинақтаушы бұйымдар оның аумағынан өндiрiстiк кооперация шеңберiнде шикiзат, материалдар және жинақтаушы бұйымдар жеткiзiлген Тараптардың уәкiлеттi органының тиiстi алдын ала жазбаша келiсiмiнсiз үшiншi елдерге қайта экспорттауға жатпайды.
11-бап
Тараптар өндiрiстiк саладағы интеграциялық процестердi дамыту мақсатында шаруашылық қызметтiң объектілерi жөнiндегi олардың елдерiнiң ұлттық заңнамаларының нормаларын кәсiпорындар мен салалардың кооперациялық байланыстарын реттеу бөлiгiнде үйлестiру және жақындастыру бойынша жүйелi жұмыс жүргізуге келісті.
12-бап
Тараптар қажеттi жағдайларда ғылымды қажетсiнетiн өндiрiстiк және экспортқа бағдарланған салаларда кооперацияның дамуын, сондай-ақ импортты алмастырушы өнiм шығаруды ынталандыратын несиелер мен инвестициялар берудiң шарттарын келiсетiн болады.
13-бап
Тараптар оларды шешудi мүдделi министрлiктер мен ведомстволарға
тапсыра отырып, проблемаларды бiрлесiп зерттеудi:
маркетингтiк, лизингтiк зерттеулер жүргiзудi және көрмелер
ұйымдастыруды, қызметтер көрсетуді;
олардың елдерi арасында серiктестер iздестiруде, шарттарды
(келiсiм-шарттарды) дайындауда, жасасуда және орындауда жәрдем көрсетудi
қамтамасыз ететiн қазiргi заманғы ақпараттық коммуникацияларды дамытуды;
мамандар даярлау жөнiндегi бiрлескен iс-шараларды жүзеге асыруды
ұйымдастырады.
14-бап
Осы Келiсiм осы келiсiмнiң ажырамас бөлiгi болып табылатын және осы
Келiсiм сияқты тәртiппен күшiне енетiн, жеке хаттамалармен рәсiмделетiн
Тараптардың өзара келiсiмi бойынша өзгертiлуi немесе толықтырылуы мүмкiн.
15-бап
Келiсiмге қатысу оған қол қойған мемлекеттердiң өндiрiстiк кооперация
саласындағы мемлекетаралық ынтымақтастықтың кез келген басқа екiжақты және
көпжақты нысандарына қатысу құқықтарын шектемейдi.
16-бап
Осы Келiсiмдi түсiндiруге және қолдануға байланысты келiспеушiлiктер
Тараптардың арасында консультациялар мен келiссөздер жолымен шешiлетiн
болады.
17-бап
Осы Келiсiм бес жыл мерзiмге жасалады және егер Тараптар өзге шешiм қабылдамайтын болса, келесi бесжылдық кезеңдерге дағдылы түрде ұзартылатын болады.
Осы Келiсiм депозитарийдiң Келiсiмге қатысушылардың барлығынан оның
күшiне енуi үшiн қажеттi мемлекетiшiлiк рәсiмдердiң орындалуы туралы
хабарлама алған кезеңiнен бастап күшiне енедi.
Тараптардың әрқайсысы шығуынан кемiнде алты ай бұрын депозитарийге
бұл туралы хабарлай отырып, өзiнiң Келiсiмге қатысуын тоқтатуға құқылы.
18-бап
Келiсiмге қатысу оған қол қойған мемлекеттердiң өндiрiстiк кооперация
саласындағы мемлекетаралық ынтымақтастықтың кез келген басқа екiжақты және
көпжақты нысандарына қатысу құқықтарын шектемейдi.
1997 жылғы 14 наурызда Бішкек қаласында орыс тілінде бір түпнұсқалық
данада жасалды.
Түпнұсқалық дана әрбір қатысушы мемлекетке оның расталған көшірмесін
жіберетін Қазақстан Республикасы, Қырғыз Республикасы және Өзбекстан
Республикасы Мемлекетаралық Кеңесінің Атқарушы комитетінде сақталады.
Қазақстан Республикасы Қырғыз Республикасы
Үкіметі үшін Үкіметі үшін
Өзбекстан Республикасы
Үкіметі үшін
Мамандар:
Багарова Ж.А.
Қасымбеков Б.А.
