Қазақстан Республикасының Үкіметі қаулы етеді:
"Қазақстан Республикасының кейбір заң актілеріне өзгерістер мен толықтыру енгізу туралы" және "Қазақстан Республикасының кейбір заң актілерінің күші жойылды деп тану туралы" Қазақстан Республикасы Заңдарының жобалары Қазақстан Республикасының Парламенті Мәжілісінің қарауына енгізілсін.
Қазақстан Республикасының
Премьер-Министрі
жоба
ҚАЗАҚСТАН РЕСПУБЛИКАСЫНЫҢ ЗАҢЫ
Қазақстан Республикасының кейбiр заң актiлерiне
өзгерiстер мен толықтыру енгiзу туралы
1-бап. Қазақстан Республикасының мына заң актiлерiне өзгерiстер мен толықтыру енгiзiлсiн:
1. "Қазақстан Республикасындағы кеден iсi туралы" Қазақстан Республикасының 1995 жылғы 20 шiлдедегі Z952368_ Заңына (Қазақстан Республикасы Жоғарғы Кеңесiнiң Жаршысы, 1995 ж., N 13, N 23, 152-құжат; Қазақстан Республикасы Парламентiнiң Жаршысы, 1996 ж., N 1, 180-құжат; N 18, 367-құжат; 1997 ж., N 11, 144-құжат; N 12, 189-құжат; N 22, 333-құжат; 1998 ж., N 4, 46-құжат; N 24, 436-құжат; 1999 ж., N 20, 717-құжат; 2000 ж., N 3-4, 66-құжат, 142-құжат; N 10, 244-құжат; N 18, 338-құжат; "Егемен Қазақстан" және "Казахстанская правда" газеттерiнде 2001 жылғы 7 шiлдеде жарияланған "Қазақстан Республикасының кейбiр заң актiлерiне "Астана - жаңа қала" арнайы экономикалық аймағы мәселелерi бойынша өзгерiстер мен толықтырулар енгiзу туралы" Қазақстан Республикасының 2001 жылғы 5 шiлдедегi Z010223_ Заңы):
149-бапта:
7) тармақша мынадай редакцияда жазылсын:
"7) Қазақстан Республикасында инвестициялық қызметтi жүзеге асыратын шетел қатысатын ұйымдардың, шетелдiк заңды тұлғалардың филиалдары мен өкiлдiктерiнiң шетелдiк қызметкерлерiнiң жеке пайдалануы үшiн Қазақстан Республикасының кеден аумағына әкелетiн тауарлары;";
екiншi бөлiк алынып тасталсын.
2. Қазақстан Республикасы Президентiнiң "Заңды тұлғаларды мемлекеттік тiркеу туралы" 1995 жылғы 17 сәуiрдегi N 2198 Z952198_ заң күшi бар Жарлығына (Қазақстан Республикасы Жоғарғы Кеңесiнiң Жаршысы, 1995 ж., N 3-4, 35-құжат; N 15-16, 109-құжат; N 20, 121-құжат; Қазақстан Республикасы Парламентiнiң Жаршысы, 1996 ж., N 1, 180-құжат; N 14, 274-құжат; 1997 ж., N 12, 183-құжат; 1998 ж., N 5-6, 50-құжат; N 17-18, 224-құжат; 1999 ж., N 20, 727-құжат; 2000 ж., N 3-4, 63, 64-құжаттар; 2001 ж., N 1, 1-құжат; N 8, 52-құжат):
6-бапта:
жетiншi бөлiк мынадай мазмұндағы сөйлемдермен толықтырылсын:
"Шетелдiк заңды тұлғалардың филиалдары мен өкiлдiктерiн тiркеу Қазақстан Республикасы заңды тұлғаларының филиалдары мен өкiлдiктерiн тiркеу үшiн көзделген тәртiппен жүргiзiледi. Тiркеуге арналған құжаттар нотариалдық расталған мемлекеттiк тiлдегi немесе орыс тiлiндегi аудармасымен ұсынылады.";
сегiзiншi бөлiк мынадай редакцияда жазылсын:
"Шетел қатысатын ұйымдарды мемлекеттiк тiркеу Қазақстан Республикасының заңды тұлғаларын тiркеу үшiн белгiленген тәртiппен жүргiзiледi. Шетел қатысатын ұйым осы тәртiппен көзделген құжаттардан басқа, мыналарды ұсынуы тиiс:
шетелдiк заңды тұлға үшiн сауда тiзiлiмiнен заңдастырылған көшiрме немесе құрылтайшы шетел мемлекетiнiң заңдары бойынша заңды тұлға болып табылатындығын куәландыратын басқа заңдастырылған құжат нотариалдық куәландырылған мемлекеттік тiлдегi немесе орыс тiлiндегi аудармасымен;
шетелдiк жеке тұлға үшiн паспорттың ксерокөшiрмесi немесе шетелдiк жеке тұлғаның басын куәландыратын басқа құжат нотариалдық куәландырылған мемлекеттiк немесе орыс тіліндегi аудармасымен.
Шетел қатысатын ұйымдардың кейбiр түрлерiн тiркеу үшiн Қазақстан Республикасының тиiстi заң актiлерiмен қосымша құжаттар ұсыну қажеттiгi көзделуi мүмкiн.".
2-бап. Осы Заң 2002 жылғы 1 қаңтардан бастап қолданысқа енгiзiледi.
Қазақстан Республикасының
Президентi
жоба
ҚАЗАҚСТАН РЕСПУБЛИКАСЫНЫҢ ЗАҢЫ
Қазақстан Республикасының кейбiр заң актiлерiнің күші
жойылды деп тану туралы
1-бап. Мыналардың күшi жойылды деп танылсын:
"Шетелдiк инвестициялар туралы" Қазақстан Республикасының 1994 жылғы 27 желтоқсандағы N 266 Z949000_ Заңы (Қазақстан Республикасы Жоғарғы Кеңесiнiң Жаршысы, 1994 ж., N 23-24, 280-құжат; 1995 ж., N 20, 120-құжат; 1997 ж., N 11, 143-құжат; N 17-18, 218-құжат; 1999 ж., N 10, 786-құжат);
"Тiкелей инвестицияларды мемлекеттiк қолдау туралы" Қазақстан Республикасының 1997 жылғы 28 ақпандағы N 75-1 Z970075_ Заңы (Қазақстан Республикасы Парламентiнiң Жаршысы, 1997 ж., N 4, 50-құжат; 1999 ж., N 10, 786-құжат).
2-бап. Осы Заң 2002 жылғы 1 қаңтардан бастап қолданысқа енгізiледi.
Қазақстан Республикасының
Президентi
