"Дүниежүзілік пошта одағының жарғысына Алтыншы қосымша хаттаманы бекіту туралы" Қазақстан Республикасы Заңының жобасы туралы

Жаңа

Қазақстан Республикасы Үкіметінің қаулысы 2001 жылғы 22 қазан N 1345

 


     Қазақстан Республикасының Үкіметі қаулы етеді:

     1. "Дүниежүзілік пошта одағының жарғысына Алтыншы қосымша хаттаманы

бекіту туралы" Қазақстан Республикасы Заңының жобасы Қазақстан

Республикасының Парламенті Мәжілісінің қарауына енгізілсін.

     2. Осы қаулы қол қойылған күнінен бастап күшіне енеді.


     Қазақстан Республикасының

     Премьер-Министрі



                                                               Жоба


                       Қазақстан Республикасының

                                  Заңы


         Дүниежүзілік пошта одағының жарғысына Алтыншы қосымша

                         хаттаманы бекіту туралы


     1999 жылғы 15 қыркүйекте Пекин қаласында жасалған Дүниежүзілік пошта

одағының жарғысына Алтыншы қосымша хаттама бекітілсін.



     Қазақстан Республикасының

           Президенті 




                                            Дүниежүзілік пошта одағы



                                          Дүниежүзілік пошта одағының



                                          жарғысына Алтыншы қосымша

                                          хаттама




                                          Дүниежүзілік пошта одағының



                                          жалпы регламенті




                                          Актілерге қол қою кезінде



                                          жасалған мәлімдемелер




                                          Дүниежүзілік пошта одағының     



                                          Жарғысы




                                          Конгрестердің ішкі регламенттері




                                          Берн, 1999 жыл




     Дүниежүзiлiк пошта одағының

     Жарғысына Алтыншы қосымша хаттама



 

     Пекинде Конгреске жиналған Дүниежүзілiк пошта одағына мүше-елдер

Yкiметтерiнiң өкiлеттi өкiлдерi 1964 жылы 10 шiлдеде Венада қабылданған

Дүниежүзiлiк пошта одағы Жарғысының 2-параграфы 30-бабының негiзiнде

бекiту шартымен аталған Жарғыға мынадай өзгерiстер енгiзу жөнiнде шешiм

қабылдады.


     I-бап

     (өзгертiлген 22-бап)

     Одақ Актiлерi


     1. Жарғы Одақтың негiзгi актiсi болып табылады. Ол Одақтың негiзгi

ережелерiнен тұрады.


 
       2. Жалпы регламент Жарғының қолданылуын және Одақтың қызметiн қамтамасыз ететiн ережелерден тұрады. Ол барлық мүше-елдер үшiн мiндеттi болып табылады.
      3. Дүниежүзiлiк пошта конвенциясы, Жазба хат-хабарлар регламентi және Пошталық посылкалар регламентi халықаралық пошта қызметтерiнде қолданылатын жалпы ережелердi, сондай-ақ жазба хат-хабарлар және пошталық посылкалар қызметтерi туралы ережелердi қамтиды. Бұл Актiлер барлық мүше-елдер үшiн мiндетті болып табылады.
      4. Одақтың Келiсiмдерi және олардың Регламенттері Келісiмдерге қатысатын мүше-елдер арасындағы жазба хат-хабарлар және пошталық посылкалар қызметтерiнен басқа қызметтердi реттейдi. Олар тек сол елдер үшiн мiндеттi болып табылады.
      5. Конвенция мен Келiсiмдердi орындау үшiн қолдануға қажеттi ережелерден тұратын Регламенттерді Конгресс шешiмдерiн ескере отырып Пошталық пайдалану кеңесi бекiтедi.
      6. 3, 4, 5-параграфтарда айтылатын Одақ Актiлерiне қоса тiркелетiн

 

ықтимал Қорытынды хаттамалар сол Актiлерге қатысты ескертулерден тұрады.


     II-бап

     (өзгертілген 25-бап)


     Одақ Актiлерiне қол қою, олардың түпнұсқа екендiгiн растау, бекіту

және мақұлдаудың басқа да нысандары

     1. Конгресте қабылданған Одақ Актiлерiне мүше-елдердің өкiлеттi

өкiлдерi тарапынан қол қойылады.

     2. Регламенттердiң түпнұсқа екендiгiн Пошталық пайдалану кеңесiнiң

Төрағасы мен Бас хатшысы растайды.

     3. Жарғы қол қойған елдер арқылы мүмкiндiгiнше қысқа мерзiмде

бекiтiледi.

     4. Жарғыдан басқа Одақтың басқа Актiлерiн мақұлдау әрбiр қол қойған

елдiң iшкi конституциялық ережелерiне сәйкес жүргiзiледi.

     5. Егер, қандай да бiр ел Жарғыны бекiтпесе немесе және өзi қол

қойған басқа да Актiлердi мақұлдамаса, онда Жарғы және басқа да Актiлер

оларды бекiткен немесе мақұлдаған елдер үшiн бәрiбiр мiндеттi болып қала

бередi.


     III-бап

     (өзгертiлген 29-бап)

     Ұсыныстар ұсыну



 
       1. Мүше-елдердiң Пошталық әкiмшiлiгiнiң Конгреске не Конгрестер

 

аралығындағы кезеңде өз елi қол қойған Одақ Актiлерiне қатысты ұсыныстар

ұсынуға құқығы бар.

     2. Бiрақ, Жарғыға және Жалпы регламентке қатысты ұсыныстар тек

Конгреске ұсынылуы мүмкiн.

     3. Сонымен қатар, Регламенттерге қатысты ұсыныстар тiкелей Пошталық

пайдалану кеңесiне ұсынылады, бiрақ олар алдын ала Халықаралық бюро арқылы

барлық Пошталық әкiмшiлiктерге жiберiлуi тиiс.


     IV-бап

     Қосымша хаттамаға және басқа Одақ Актiлерiне қосылу


     1. Осы Хаттамаға қол қоймаған мүше-елдер кез келген уақытта оған

қосыла алады.

     2. Конгресте қайта қаралған Актілердiң қатысушылары болып табылатын,

бiрақ оларға қол қоймаған мүше-елдер оған мүмкiндiгiнше қысқа мерзiмде

қосылуға мiндеттi.


 
       3. 1 және 2-параграфтарда сөз болып отырған жағдайларға қатысты қосылу туралы құжаттар Халықаралық бюроның Бас директорына жiберiлуi тиiс. Бас директор олар жөнiнде мүше-елдердiң Үкiметтерін хабардар етедi.
 

     V-бап



 

     Дүниежүзiлік пошта одағының Жарғысына Қосымша хаттаманың күшіне

     енуi және қолданыста болу мерзiмі


     Осы Қосымша хаттама 2001 жылдың 1 қаңтарынан бастап күшiне енедi және

белгiсiз мерзiмге күшiнде қалады.

     Осыны куәландыру ретiнде мүше-елдер Үкiметтерiнiң өкiлеттi өкiлдерi

осы Қосымша хаттаманы жасады, оның ережелерi Жарғының өзiнiң мәтiнiне

енген жағдайдағы сияқты тап сондай күшке және тап сондай мағынаға ие

болады және оған бiр данада қол қойды, ол Халықаралық бюроның Бас

директорына сақтауға берiлетiн болады. Бұл дананың көшiрмесi әрбiр тарапқа

Конгресс өткiзiлген жердегi елдiң Yкіметi таратып беретiн болады.



     Пекинде 1999 жылдың 15 қыркүйегiнде жасалды.


Мамандар:

     Багарова Ж.А.,

     Қасымбеков Б.А.





Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады