Жайық өзенінің арнасын су шайып кетуін және Батыс Қазақстан облысының елді мекендерін су басып қалуын болдырмау мақсатында Қазақстан Республикасының Үкіметі қаулы етеді:
1. Батыс Қазақстан облысының әкіміне Жайық өзенінде жағалауларды бекіту жұмыстарын жүргізу үшін 2002 жылға арналған республикалық бюджетте табиғи және техногендік сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Үкіметінің резервінен 80 (сексен) миллион теңге бөлінсін.
2. Қазақстан Республикасының Қаржы министрлігі бөлінген қаражаттың
мақсатты пайдаланылуын бақылауды қамтамасыз етсін.
3. Батыс Қазақстан облысының әкімі 2002 жылдың қорытындылары бойынша
Қазақстан Республикасының Төтенше жағдайлар жөніндегі агенттігіне
орындалған жұмыстардың көлемі мен құны туралы есеп берсін.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.,
Қасымбеков Б.А.
