Қазақстан Республикасының Үкіметі қаулы етеді:
Қазақстан Республикасы Президентінің "Белгіленген әскери қызмет
мерзімін өткерген мерзімді әскери қызметтегі әскери қызметшілерді запасқа
шығару және Қазақстан Республикасының азаматтарын 2002 жылдың
сәуір-маусымында және қазан-желтоқсанында кезекті мерзімді әскери қызметке
шақыру туралы" Жарлығының жобасы Қазақстан Республикасы Президентінің
қарауына енгізілсін.
Қазақстан Республикасының
Премьер-Министрі
Қазақстан Республикасы Президентінің
Жарлығы
Белгіленген әскери қызмет мерзімін өткерген мерзімді әскери
қызметтегі әскери қызметшілерді запасқа шығару және Қазақстан
Республикасының азаматтарын 2002 жылдың сәуір-маусымында және
қазан-желтоқсанында кезекті мерзім әскери қызметке шақыру туралы
"Жалпыға бірдей әскери міндеттілік және әскери қызмет туралы" Қазақстан Республикасының 1993 жылғы 19 қаңтардағы Z939000_ Заңына сәйкес қаулы етемін:
1. Белгіленген әскери қызмет мерзімін өткерген мерзімді әскери қызметтегі әскери қызметшілер 2002 жылдың сәуір-маусымында және қазан-желтоқсанында Қазақстан Республикасының Қарулы Күштері, басқа әскерлері мен әскери құралымдары қатарынан запасқа шығарылсын.
2. Шақыру күніне дейін 18 жасқа толған, мерзімді әскери қызметке шақырудан босатылуға немесе кейінге қалдыруға құқығы жоқ ер азаматтар, сондай-ақ шақыруды кейінге қалдыру құқығынан айырылған азаматтар Қазақстан Республикасының Қарулы Күштеріне, басқа әскерлері мен әскери құралымдарына 2002 жылдың сәуір-маусымында және қазан-желтоқсанында мерзімді әскери қызметке шақырылсын.
3. Облыстардың, Астана және Алматы қалаларының әкімдері жергілікті өкілді органдармен бірлесіп тиісті әскери комиссариаттар арқылы 2002 жылдың сәуір-маусымында және қазан-желтоқсанында азаматтарды мерзімді әскери қызметке шақыруды өткізуді ұйымдастырсын және қамтамасыз етсін.
4. Қазақстан Республикасының Үкіметі, Ұлттық қауіпсіздік комитеті,
Республикасының ұланы мерзімді әскери қызмет өткеру үшін шақырылған
Қазақстан Республикасының азаматтарын Қарулы Күштерге, басқа әскерлер мен
әскери құралымдарға жөнелтуді және белгіленген мерзімді әскери қызмет
мерзімін өткерген әскери қызметшілерді босатуды қаржылай және материалдық
қамтамасыз етуді ұйымдастырсын.
5. Осы Жарлық жарияланған күнінен бастап күшіне енеді.
Қазақстан Республикасының
Президенті
Астана, 2002 ж. ___________
N _________
Мамандар:
Багарова Ж.А.,
Қасымбеков Б.А.
