"Банкроттық туралы" Қазақстан Республикасының 1997 жылғы 21 қаңтардағы Z970067_ Заңына сәйкес және "Екібастұзөнеркәсіпсервис" ашық акционерлік қоғамын банкрот деп тану туралы сот шешімінің қабылдануына байланысты, сондай-ақ еліміздің экономикасы үшін оның маңызды стратегиялық мәнін ескере отырып, Қазақстан Республикасының Үкіметі қаулы етеді:
1. "Екібастұзөнеркәсіпсервис" ашық акционерлік қоғамының (бұдан әрі - "Екібастұзөнеркәсіпсервис" ААҚ) конкурстық массасын сатудың мыналарды көздейтін ерекше шарттары мен тәртібі белгіленсін:
1) "Екібастұзөнеркәсіпсервис" ААҚ-тың конкурстық массасын бірнеше лоттарға бөлу;
бірінші лот - "Ударная" және "Трудовая" темір жол станцияларының мүліктік кешендері;
екінші лот - өзге мүлік;
2) бірінші лоттың бастапқы бағасын әкімшілік шығыстардың және бірінші, екінші және үшінші кезектегі несие берушілер талаптарының сомаларынан төмен емес етіп белгілеу;
3) өндірістің үздіксіздігін сақтай және табиғатты қорғау объектілерінің жұмысын қамтамасыз ете отырып, банкроттық рәсімін жүргізу.
2. Бірінші лотты сатып алушыларға мынадай қосымша талаптар белгіленсін:
1) Қазақстан Республикасының Энергетика және минералдық ресурстар министрлігімен келісілген мүліктік кешендерді дамытудың және пайдаланудың 2002-2005 жылдарға арналған бағдарламасының болуы;
2) Екібастұз бассейнінің көмірін соңғы бес жыл ішінде жылына екі жарым миллионнан кем емес көлемде пайдалану;
3) "Ударная" және "Трудовая" темір жол станцияларының қызметкерлерімен еңбек шарттарының үздіксіздігін және осы шарттар бойынша сатып алушының құқықтық мұрагерлігін қамтамасыз ету.
3. Мыналардың күші жойылды деп танылсын:
1) "Екібастұзөнеркәсіпсервис" ААҚ-ның иелігіндегі шектеулі мүліктің бір бөлігін сату жөніндегі мамандандырылған ашық аукционды өткізудің ерекше тәртібі мен шарттары туралы" Қазақстан Республикасы Үкіметінің 2000 жылғы 12 ақпандағы N 217 P000217_ қаулысы;
2) "Қазақстан Республикасы Үкіметінің 1995 жылғы 12 шілдедегі N 952 және 2000 жылғы 12 ақпандағы N 217 қаулыларына өзгерістер мен толықтырулар енгізу туралы" Қазақстан Республикасы Үкіметінің 2000 жылғы 21 наурыздағы N 424 P000424_ қаулысының 1-тармағының 2) тармақшасы.
4. Қазақстан Республикасының Мемлекеттік кіріс министрлігі бұрын
қабылданған шешімдерді осы қаулыға сәйкес келтірсін.
5. Осы қаулының орындалуын бақылау Қазақстан Республикасы
Премьер-Министрінің орынбасары К.Қ. Мәсімовке жүктелсін.
6. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.,
Қасымбеков Б.А.
