Алматы облысының Балқаш көліне құярлықтарда Іле өзенінде су тасқынынан болатын аймақтық ауқымдағы төтенше жағдайдың алдын алу және оны жою үшін Қазақстан Республикасының Үкіметі қаулы етеді:
1. Су деңгейінің маусымдық көтерілуі кезінде төтенше жағдайларды болдырмау мақсатында Іле өзені арнасында гидромелиоративтік және табанын тереңдету жұмыстарын жүргізу үшін екі жерснаряд сатып алуға Алматы облысының әкіміне 2002 жылға арналған республикалық бюджетте табиғи және техногендік сипаттағы төтенше жағдайларды жоюға және басқа да күтпеген шығыстарға көзделген Қазақстан Республикасы Үкіметінің резервінен 130000000 (бір жүз отыз миллион) теңге бөлінсін.
2. Қазақстан Республикасының Қаржы министрлігі бөлінген қаражаттың
мақсатты пайдаланылуын бақылауды қамтамасыз етсін.
3. Алматы облысының әкімі 2002 жылдың қорытындылары бойынша Қазақстан
Республикасының Төтенше жағдайлар жөніндегі агенттігіне орындалған
жұмыстардың көлемі мен құны туралы есепті табыс етсін.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.,
Қасымбеков Б.А.
