Орал өзенінің арнасын су шайып кетуін және Батыс Қазақстан және Атырау облыстарының елді мекендерін су басып қалуын болдырмау мақсатында Қазақстан Республикасының Үкіметі қаулы етеді:
1. 2003 жылға арналған республикалық бюджетте табиғи және техногендік сипаттағы төтенше жағдайларды жоюға және басқа да күтпеген шығыстарға көзделген Қазақстан Республикасы Үкіметінің резервінен Батыс Қазақстан облысының әкіміне Жайық өзенінде жағалауды бекіту жұмыстарын жүргізу үшін 218 (екі жүз он сегіз) миллион теңге бөлінсін.
2. Қазақстан Республикасының Қаржы министрлігі бөлінген қаражаттың мақсатты пайдаланылуын бақылауды жүзеге асырсын.
3. Батыс Қазақстан облысының әкімі 2003 жылдың қорытындылары бойынша Қазақстан Республикасының Төтенше жағдайлар жөніндегі агенттігіне орындалған жұмыстардың көлемі мен құны туралы есеп берсін.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
