Қазақстан Республикасы Президентiнiң "Жекешелендiру туралы" заң күшi бар 1995 жылғы 23 желтоқсандағы N 2721 Жарлығына сәйкес Қазақстан Республикасының Үкiметі қаулы етеді:
1. Қазақстан Республикасының Қаржы министрлігінiң Мемлекеттiк мүлiк және жекешелендiру комитетi заңнамада белгiленген тәртiппен:
1) Access Industries (Eurasia), LLС компаниясымен жасалған "СНПС-Ақтөбемұнайгаз" ашық акционерлік қоғамының (бұдан әрі - Қоғам) акцияларын сенiмгерлік басқаруға беру туралы келiсiм-шартты мерзiмiнен бұрын бұзу жөнiнде шаралар қабылдасын;
2) Қоғамның акциялары мемлекеттiк пакетінің саны 2 484 653 (екi миллион төрт жүз сексен төрт мың алты жүз елу үш) дана акциясын Қазақстан Республикасының аумағында жұмыс iстейтiн қор биржасында сатуды жүзеге асырсын;
3) осы қаулыдан туындайтын өзге де шараларды қабылдасын.
2. Осы қаулының орындалуын бақылау Қазақстан Республикасы Премьер-Министрінің орынбасары К.Қ.Мәсiмовке жүктелсін.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
