Күші жойылды - ҚР Үкіметінің 2007.06.14. N 495 (2007 жылғы 9 тамыздан бастап қолданысқа енгізіледі) қаулысымен.
"Лицензиялау туралы" Қазақстан Республикасының 1995 жылғы 17 сәуiрдегi Заңын орындау үшiн Қазақстан Республикасының Үкiметi қаулы етеді:
1. Қоса беріліп отырған Археология және тарих пен мәдениет ескерткiштерiн қалпына келтiру жұмыстарын жүзеге асыру жөнiндегi лицензияланатын қызмет түрлерiне қойылатын бiлiктiлiк талаптары бекiтiлсiн.
2. "Қазақстан Республикасы Президентiнiң 1995 жылғы 17 сәуiрдегi N 2201 қаулысын жүзеге асыру туралы" Қазақстан Республикасы Үкiметiнiң 1995 жылғы 29 желтоқсандағы N 1894
қаулысына
(Қазақстан Республикасының ПҮКЖ-ы, 1995 ж., N 41, 515-құжат) мынадай толықтыру енгiзiлсiн:
көрсетiлген қаулымен бекiтiлген лицензиялауға жататын қызметтiң түрлерiне лицензиялар беруге өкiлеттiк берiлген мемлекеттiк органдардың (лицензиялардың) тiзбесi:
мынадай мазмұндағы реттiк нөмiрi 42-жолмен толықтырылсын:
"42. Қазақстан Республикасы археология және
Мәдениет, ақпарат және тарих пен мәдениет
қоғамдық келiсiм ескерткiштерiн қалпына келтiру
министрлiгiнiң Мәдениет жұмыстарын жүзеге асыру
кoмитeтi жөнiндегi қызмет
Қазақстан Республикасы
Үкiметiнiң
2003 жылғы 7 шiлдедегi
N 662 қаулысымен
бекітілген
Археология және тарих пен мәдениет ескерткiштерiн
қалпына келтiру жұмыстарын жүзеге асыру жөнiндегi
лицензияланатын қызмет түрлерiне қойылатын
бiлiктiлiк талаптары
Бiлiктiлiк талаптары лицензия алуға үмiткер заңды тұлғаларға қолданылады және:
1) тарих пен мәдениет ескерткiштерiне қатысты археологиялық жұмыстар жүргiзуге құқық беретiн Қазақстан Республикасының Бiлiм және ғылым министрлiгi Қазақстан Республикасының Ұлттық ғылым академиясы далалық комитетінің ұсынымы;
2) ғылыми-өндiрiстiк (жөндеу-қалпына келтiру) базасы, мамандандырылған ғылыми-зерттеу зертханасын, жабдықтар;
3) мамандығы бойынша бiр жылдан кем емес практикалық жұмыс тәжiрибесi бар ғылыми жетекшiлердiң бiлiктi құрамын (археология, тарих, сәулет);
4) тарих пен мәдениет ескерткiштерiне қатысты археологиялық және қалпына келтiру жұмыстары бойынша жобалары;
5) жабдықтарды, құрылғылар мен жарақтарды пайдалануды және оларға техникалық қызмет көрсетудi қамтамасыз ететiн қызметтердiң болуын қамтиды.
