"Мемлекеттiк бюджет есебiнен ұсталатын мемлекеттiк мекемелер үшiн бюджеттiң атқарылуы және есептiлiк нысандарын жүргiзу (мерзiмдiк және жылдық) жөнiндегi қаржылық рәсiмдердiң ережесiн бекiту туралы" Қазақстан Республикасы Үкiметiнiң 2002 жылғы 25 шiлдедегi N 832 қаулысына сәйкес Қазақстан Республикасының Үкiметi қаулы етеді:
1. "Агроөнеркәсiп кешенiне кредит берудiң және оны субсидиялаудың кейбiр мәселелерi туралы" Қазақстан Республикасы Үкiметiнiң 2003 жылғы 18 наурыздағы N 259 қаулысына сәйкес 2003 жылға арналған республикалық бюджетте 802 "Ауыл шаруашылығы өнiмiн қайта өңдеу жөнiндегi кәсiпорындар үшiн жабдықтар лизингi" бюджеттiк бағдарламасы бойынша көзделген қаражаттың есебiнен кредиттер алуға қарыз алушы банктер болып мына ұйымдар белгiленсiн:
1) "Ет өңдеу" iшкi саласы бойынша - "Аграрлық кредиттiк корпорация" акционерлiк қоғамы:
кредит сомасы - 167000000 теңге (бiр жүз алпыс жетi миллион);
кредит мерзiмi - 7 жыл;
2) "Көкөнiс, жемiс-жидек пен жүзiм өңдеу" iшкi саласы бойынша - "Банк Тұран Әлем" акционерлiк қоғамы:
кредит сомасы - 150800000 теңге (бiр жүз елу миллион сегiз жүз мың теңге);
кредит мерзiмi - 7 жыл.
2. Қазақстан Республикасының Ауыл шаруашылығы министрлiгi, Қазақстан Республикасының Қаржы министрлiгi, "Аграрлық кредиттiк корпорация" акционерлiк қоғамы (келiсiм бойынша), "Банк Тұран Әлем" акционерлiк қоғамы (келiсiм бойынша) осы қаулыны iске асыру үшiн тиiстi шаралар қабылдасын.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
